Onger Akaba 70:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Eghtɨ gumazamizir nɨ baghavɨra zuiba, men naviba deraghtɨ, me bar akuegh ikɨ. Gumazamizir kaba, nɨ bar moghɨra ua me ini. Nɨ me bagha amizir ingangarir kam me bar a gifonge. Egh me zurara kamagh mɨkɨm suam, “God, a guizbangɨra bar dera.”

Onger Akaba 70:4 ပူးပေါင်းရင်းမြစ်များ

Onger Akaba 40:16

Gumazamizir nɨ bagha iziba, men naviba deraghtɨ, me nɨ bagh bar akongegham. Gumazamizir nɨn akurvazim iniasa bar ifongeziba, me zurara nɨ mɨnabɨva kamaghɨn mɨkɨm suam, “Ikiavɨra Itir God, a bar ekevegha bar pɨn iti!”

Onger Akaba 35:27

Ezɨ gumazamizir maba kamaghɨn ifonge, nɨ na dɨpon suam kɨ nɨn damazimɨn dera. Gumazamizir kaba bar akuegh pamten dɨmɨva kamaghɨn mɨkɨm suam, “Ikiavɨra Itir God, a gavgavir ekiam iti. God kamaghɨn ifonge, an ingangarir gumazim deraghvɨra ikiam. Bizir kam bagh a bar akongegh.”

Aisaia 61:10

Godɨn ingangarir gumazim ghaze: Kɨ uan Ikiavɨra Itir God bagh bar akongegham. Guizbangɨra, a nan akurazɨ, an arazir aghuim mati korotiar ruarim na avara, egha mati gumazim amuimɨn ikiasa deragha kurke, egha mati amizim pamɨn ikiasa deragha kurke. Kamaghɨn amizɨ, an navir averiamɨn aven itir bar akongezir arazim bar na gizɨfa.

Onger Akaba 97:12

Gumazamizir aghuiba, ia bizir Ikiavɨra Itir God amiba bagh, bar akongegh. Ia bizir kabagh nɨghnɨgh a mɨnabagh. Ia an ziar zuezir aghuim gɨnɨghnɨgh, a pɨrafɨ.

Jon Osirizir Akar Aghuim 16:20

Kɨ bar guizbangɨra ia mɨgei, ia puvɨram aziva arangam. Eghtɨ nguazimɨn gumazamiziba bar akuegham. Ian naviba osemegham. Eghtɨ ian navir osɨmtɨzir kam raghɨrɨghtɨ, navir agorogem otogham.

Onger Akaba 5:11

Egh gumazamizir nɨ bagha iza nɨn aven modiba, nɨ me ateghtɨ me bar akongegh. Gumazamizir nɨ ativagha gariba, men naviba deraghtɨ, me ighiabar amu bar akongegh. Gumazamizir bar nɨ gifongeziba, me bar akongegh nɨn ziam fɨ.