Onger Akaba 69:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Nan aveghbuaba gumazir igharazimɨn gari moghɨn nan gari. Ezɨ nan adarazi nguibar igharazibar gumazimɨn gari moghɨn nan gari.

Onger Akaba 69:8 ပူးပေါင်းရင်းမြစ်များ

Onger Akaba 31:11

Nan apaniba na dɨpova na mɨgei. Ezɨ nan namakaba nan aghuagha akar kurabar na mɨgei. Ezɨ nan roroaba uaghan nan atiatia ghaze, God ivezir kuram a ganɨdi. Kɨ tuavimɨn zuir dughiabar, gumaziba nan gara nan ari.

Jon Osirizir Akar Aghuim 1:11

A uan nguibamra ghuzɨma an anababa an aghuagha a inizir puvatɨ.

Jon Osirizir Akar Aghuim 7:5

(An doziba uaghan nɨghnɨzir gavgavim an itir puvatɨ, egha akar kam mɨkeme.)

Onger Akaba 38:11

Ezɨ nan namakaba ko nan roroaba, me nan duabar ganan atiatigha, nan boroghɨn izan aghua. Nan adarazi uaghan nan saghon iti.

Aisaia 53:3

Ezɨ gumazamiziba akɨrim ragha a gasaragha, pazavɨra a gamua bar a gifongezir puvatɨ. Ezɨ mɨzaziba ko osɨmtɨzir avɨriba a gizɨfa. Gumazamiziba an ganan aghuagha, uan guaba monge. Egha akɨrim ragha bar a gasara. Ezɨ e an gara ghaze, a pura gumazir kɨnim.

1 Samuel 17:28

Ezɨ Devitɨn avebam Eliap orazima, Devit gumaziba ko mɨgei. Ezɨ an navim ikuvizɨma a kamaghɨn a mɨgei, “Nɨ tizim bagha kagh ize? Tinara nɨn sipsipɨn muziariba gumazamiziba puvatɨzir danganimɨn dar gara dagh eghufi? Kɨ fo, nɨ ifari, nɨ orazi puvatɨgha puvɨra ifaghatir gumazim. Nɨ pura daru mɨdorozimɨn ganasa ize, biziba puvatɨ.”

Matyu 26:56

Godɨn Akɨnafarimɨn Osizirim mɨkemezɨ moghɨra ia kamaghɨn na gami.” Ezɨ Iesusɨn suren gumaziba bar aneteghava are.

Onger Akaba 89:51

O Ikiavɨra Itir God, nɨ atrivimɨn ikiasa na ginabazɨ, nan apaniba nan ingarava aka akar kurabar na mɨgei.

Onger Akaba 89:52

E zurara Ikiavɨra Itir Godɨn ziam fɨ kamaghɨra ikiam. Bar guizbangɨra.

Aisaia 50:6

Kɨ pura uabɨ isa apanibar taghizɨ, me aghorimɨn nan akɨragharim mɨsogha, nan ghuamasɨziba asi. Me akar kurabar na mɨgei, kɨ men gari me nan guam giparima, kɨ uan guam men modozir puvatɨ.

Aisaia 53:4

“E nɨghnɨgha ghaze, God ti ivezir kuram a ganɨga, a mɨsogha osɨmtɨzir kabagh amizɨ, da a batifi. Ezɨ puvatɨ. Ingangarir gumazir kam, e bagha en osɨmtɨziba ko mɨzaziba isa da ateri.

Jeremaia 15:15

Ezɨ kɨ Jeremaia kɨ kamaghɨn mɨgei: “O Ikiavɨra Itir God, nɨ biziba bar dagh fo, egha gumazir paza na gamiba, nɨ bar me gɨfo. Kamaghɨn, nɨ gumazir nɨn ziam bagha dɨbovir osɨmtɨziba na garɨzibar ganɨva, na gɨnɨghnɨgh nan akuragh. Egh gumazir na gasɨghasɨzir kaba, nɨ ivezir kuram me ikaragh. Nɨ ti men sughsughtɨ, me na mɨsueghtɨ kɨ aremegham.