Onger Akaba 69:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ O God, kɨ nɨn dia ghua nan dɨmdiaba bar moghɨra gɨvagha taghizɨ, nan kuarim nan pɨrizɨ, nan gavgaviba gɨfa. Kɨ uabɨn akurvaghasa fomɨra nɨ bagha gara ikia ghua, nan damazimning na gami.

Onger Akaba 69:3 ပူးပေါင်းရင်းမြစ်များ

Onger Akaba 6:6

Kɨ dia ghuavti, nan gavgaviba bar gɨfa. Nan temeriba zurara dɨmagaribar nan mɨsiam giri, kɨ ara ghuav itima, nan dapanir aghoghonim bar kumkumi.

Aisaia 38:14

Kɨ mɨzazim isa ara deima, nan arareba gavgaviba puvatɨ, mati kuarazir nguzimɨn ararem. Nan arareba, da kuarazir bunbamɨn ararebar mɨn bar nɨmɨram arai. Kɨ dughiar bar ruarimɨn akurvazim iniasa, kogha overiamɨn garava araima, nan damazimning teriba ira na gamizɨ, kɨ bar amɨra. O Ekiam, kɨ osɨmtɨzir bar ekiam iti, ezɨ nɨ izɨva nan akuragh.

Onger Akaba 119:123

Kɨ nɨn akurvazim bagha mɨzua ghuava amɨra. Nɨn akar dɨkɨrɨzir aghuim, kɨ a iniasa dughiar bar ruarimɨn mɨzua ghuava amɨra.

Onger Akaba 119:82

Nɨ faragha akam akɨrizɨ moghɨn kɨ nɨn ganasa, ikia ghua nan gavgaviba bar gɨvazɨ, kɨ amɨra. Kɨ kamaghɨn mɨgɨa ghaze, “Nɨ manadɨzoghɨn nan akuragham?”

Godɨn Araziba 28:32

Ia pura gantɨ, ikɨzir igharazibar gumaziba izɨ ian otariba ko guiviba inigh mangam. Eghtɨ ia zurara dughiabar me uamateghsɨ me bagh tuavir akabar gan mangɨ ian damaziba puvɨra ia damuam. Egh ia ua boriba inigh izɨsɨ bizitam damuva avegham.

Hibru 5:7

Ezɨ dughiar Iesus nguazimɨn itim, a pamtemɨn God ko mɨgɨa egha diav azi. A fo, an ovengan koghsɨ, God an akuraghamin gavgavim iti. Kamaghɨn amizɨ, a uabɨ uan ifongiam dɨkabɨragha Godɨn apengan ikia, an akam barasi. Ezɨ God an dɨmdiam barasi.

Jon Osirizir Akar Aghuim 19:28

Ezɨ Iesus fo, an ingangariba datɨrɨghɨn bar gɨfa. Egha a kamaghɨn mɨgei, “Nan kuarim nan pɨri.” Godɨn Akɨnafarimɨn itir akar mam guizbangɨra otivasa, kamaghɨn an akar kam gami.

Onger Akaba 69:21

Mɨtiriam nan azima, me aguiam daghem gatɨgha na ganɨngi. Ezɨ kuarim nan pɨrima, me pura wainɨn kuram amasa na ganɨngi.

Onger Akaba 39:7

O Ekiam, kɨ datɨrɨghɨn ua tina mɨzuamam? Puvatɨ. Nan nɨghnɨzir gavgavim nɨrara ikɨtɨ, kɨ zurara nɨ mɨzuamam.

Onger Akaba 25:21

Nɨn araziba dera, egha bar guizbangɨra. Ezɨ kɨ nɨghnɨzir gavgavim nɨn ikia nɨ mɨzua ghaze, nɨ zurara na geghuv deragh nan gan.

Onger Akaba 22:15

Nan kuarmɨzim mɨner bɨghizir mamɨn mɨn na mɨsɨngi. Ezɨ nan mɨzem iza nan akatorimɨn aven pura itoroghav iti. Nɨ na ataghizɨ, kɨ nguazir mɨnemeniamɨn mɨn irɨghav ikia bar ovengasava ami.

Onger Akaba 22:2

O nan God, kɨ aruebar nɨn deima, nɨ na barazir puvatɨ. Kɨ dɨmagaribar nɨn azangsɨghavɨra ikia tong avughsir puvatɨ.

Jopɨn Akɨnafarim 16:16

Kɨ aziavɨra itima nan damazimning begha nan mɨtarmangi. Ezɨ nan guam bar aghevegha igharagha gari.

Jopɨn Akɨnafarim 11:20

Gumazamizir arazir kurabagh amiba, me akurvazim bagh gan ikɨvɨra ikiam. Eghtɨ puvatɨgham. Me Godɨn anɨngagharim gitavɨraghsɨ tuavir avɨriba buriam. Eghtɨ bar puvatɨgham, me damuva avegham, ovevemra me bativsɨ me a mɨzuam ikiam.”

Onger Akaba 40:3

An onger akar igiar mam nan akam gatɨ. Kar onger akar e uan Godɨn ziam famim. Gumazamizir avɨrim kamaghɨn ganigh atiatigh an apengan ikɨsɨ, nɨghnɨzir gavgavim Ikiavɨra Itir Godɨn ikiam.

Onger Akaba 88:7

Nɨn anɨngagharim bar na avara, mati ongarir ekiam dɨpɨrigha na abɨrazɨ kɨ aven iraghu. (Ighiam gamua an suiam atugha avughsegha ua ighiam gami.)