Onger Akaba 69:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Kɨ beghneazim itir dɨpamɨn suegha uaghiri. Kɨ tugh gavgavighamin nguazir gavgaviba puvatɨ. Kɨ dɨpar konimɨn arua zuima, dɨpam bar na avaraghasava ami.

Onger Akaba 69:2 ပူးပေါင်းရင်းမြစ်များ

Onger Akaba 40:2

Kɨ mati gumazim torir konimɨn aven ikia oveghasava amima, Ikiavɨra Itir God nan suiragha na gekuigha anabo. Mati kɨ beghneazim bar a giraghugha an aven itima, a ua na asigha dagɨar ekiam gisɨn na afazɨ, kɨ gavgavim inigha tu.

Matyu 7:25

Ezɨ amozim izima, aperiam otozɨma, amɨnir ekiam dɨkavigha dɨpenir kam givava a munamadi. Ezɨ dɨpenir kam dɨpɨriaghirɨzir puvatɨ. Dɨpenir kam me dagɨam gisɨn an ingari. Kamaghɨn amizɨ, a irɨzir puvatɨ.

Jeremaia 38:6

Ezɨ gumazir kaba Jeremaia inigha mozir dɨpar mamɨn ghu. Egha me benimɨn an agharimning ikegha, aghumra anetaghɨrazima a mozimɨn uaghira, mozir kamɨn dɨkɨnimɨn tu. Mozir kam a dɨpatam an itir puvatɨ. Nguazir beghneazimra an iti. Ezɨ Jeremaia mozir dɨkɨnimɨn tuzɨ an suemning nguazir beghneazir kam giraghu. Kar atrivimɨn otarim Malkian mozim, a mɨdorozir gumazibar danganimɨn ikia atrivimɨn dɨpenim avɨnizɨ dɨvazimɨn aven iti.

Onger Akaba 32:6

Kamaghɨn dera, nɨn gumazamiziba osɨmtɨziba bativ, egh zurara nɨ ko mɨkɨmtɨ, osɨmtɨzim aperiar ekiamɨn mɨn me avigh mangɨsɨ izɨ, me avigh mangɨghan kogham.

Jeremaia 38:22

Ezɨ irebar kamɨn kɨ Babilonian garima, me amizir nɨn dɨpenimɨn ikiavɨra itiba, me inigha men akua Babilonɨn atrivimɨn gumazir dapaniba bagha ghue. Ezɨ kɨ amizir kaba barazi me kamaghɨn mɨgei: “ ‘O Atrivim Sedekaia, nɨ namakabar akam baraki, me nɨ gifaragha nɨ dɨkabɨra. Datɨrɨghɨn dughiar kuram nɨ bato, mati nɨn dagarimning nguazir beghneazim giraghu. Ezɨ namakaba anetaki.’

Jopɨn Akɨnafarim 22:11

Mati mɨtarmer ekiam nɨ avarazɨ, nɨ bizitamɨn garir puvatɨ, mati aperiar ekiam bar moghɨra nɨ avara.

Jona 2:6

Kɨ ongarimɨn itir mɨghsɨaba bar dar apengan iraghu. Danganir kurar kam bar nan suiragha bar na ikiagharɨki. Ezɨ Ikiavɨra Itir God, nɨ nan God, nɨ uam na ini. Ezɨ kɨ danganir kuram ategha angamɨra nɨ ko iti.