Onger Akaba 67:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Nɨ guizbangɨra gumazamizibar araziba tuisɨgha, tuavir aghuim men akazɨ, me nɨn ifongiamɨn gɨrara zui. Kamaghɨn amizɨ, gumazamizibar naviba bar akueghɨva, ighiaba bangɨ nɨn ziam fam. (Ighiam gamua an suiam atugha avughsegha ua ighiam gami.)

Onger Akaba 67:4 ပူးပေါင်းရင်းမြစ်များ

Onger Akaba 98:9

Ikiavɨra Itir God izɨ nguazim gativagh an ganam. An atrivimɨn ikɨ, guizɨn arazimɨn gumazamizibar araziba tuisɨgham. Kamaghɨn amizɨ, ia a bagh bar akuegh onger akabar amu.

Onger Akaba 9:8

A uan guizɨn arazir kabar gɨn ghua gumazamizibar araziba tuisɨsi. A uan arazir aghuimɨn gumazamizibagh ativagha men gari.

Onger Akaba 82:6

“Kɨ Godɨn Bar Pɨn Itim kamaghɨn mɨgɨa ghaze, Ia aser muziarir kaba, ia bar nan boriba.

Akɨnafarir Pol Romɨn Nguibar Ekiamɨn Itir Sios Bagha Osirizim 2:5

Nɨ uan navimɨn suiragha gavgavigha uan navim gɨghasa nɨghnɨzir puvatɨ. Egha arazir kamɨn nɨ uabɨ ivezir bar ekiar kuram uabɨ garɨsi.

Aisaia 55:4

Ia oragh, kɨ Devit gamizɨ, a gumazir ekiamɨn otogha, Kantrin Igharazibar Gumazamizibagh ativagha men gari. Anarɨra, nan gavgavim isa gumazamizibar aka.

Onger Akaba 96:10

Ia Kantrin Igharazibar Gumazamizibar tongɨn ikɨ mɨkɨm suam, “Ikiavɨra Itir God, an atrivimɨn iti. A nguazimɨn ingarigha a gamizɨ a gavgavigh ikɨ mamaghɨra ikɨva sɨvaghsɨvaghan kogham. Ikiavɨra Itir God, gɨn uan kotɨn arazir aghuimɨn gɨn mangɨva, gumazamizibar araziba bar da tuisɨgham.”

Onger Akaba 2:8

Nɨ nan azaraghtɨ kɨ ikɨziba bar nɨ danɨngam. Nɨ nguazir kamɨn itir kantriba bar me gativagh men ganam.

Godɨn Araziba 32:43

“O nguazir kamɨn itir ikɨzibar gumazamiziba, ia bar Ikiavɨra Itir Godɨn gumazamizibar ziaba fɨ. Ia aseba bar, ia Godɨn damazimɨn teviba apɨr. A gumazir an gumazamizibav sozi me ariaghɨriba, a ivezir kuram me danɨngam. A uan apanibar arazir kuraba ikarvasi. Egh a uan gumazamizibar nguazim damightɨ, an an damazimɨn bar zuegham.”

Jenesis 18:25

Nɨ gumazir aghuiba ko kuraba sarama asɨghasɨgham, kar arazir aghuim puvatɨ. Nɨ gumazir aghuiba ko kuraba, arazir vamɨran me damuan markɨ. Nɨ nguaziba bar dar garir Jas, egh nɨ arazir aghuibara damuam.”

Aposel 17:31

God gumazamizibar arazir kuraba bagh me tuisɨghamin dughiam akɨrigha gɨfa. An arazir aghuimɨn mɨrara a inabazir gumazim, nguazir kamɨn gumazamiziba tuisɨgham. Gumazir kam aremezɨ God a gamizɨ a ua dɨkafi. Bizir kamɨn God e tuisɨghamin ingangarim gumazamiziba bar men akazɨ, me fo, a guizbangɨram otogham.”

Aisaia 54:1

Ikiavɨra Itir God kamaghɨn mɨgei, “O Jerusalem, noka! Nɨ mati amizir furabaghatim. Nɨ boritam batezir puvatɨ. Nɨ mati amizir borim batasa an mɨzazim inizir puvatɨzim. Nɨ mati amizir nɨn pam nɨ ataghizim. Egh nɨ gɨn borir bar avɨriba inightɨ, nɨn boribar dɨbobonim, amizir uan pam ko itimɨn boribar dɨbobonim gafiragham. Kamaghɨn amizɨ, nɨ bar akuegh dɨmɨva ighiabar amu.

Aisaia 60:6

Midianɨn kantri ko Efan kantri, aningɨn gumazamiziba, uan kamelɨn avɨriba inightɨ, da bizir aghuir avɨriba ater nɨ bagh izam. Egh uaghan Seban kantri gol ko pauran me iter balsamɨn eborimɨn ingariziba inigh nɨ bagh izam. Kɨ Ikiavɨra Itir God, me tuavimɨn izɨ nan ziar ekiam fam.