Onger Akaba 67:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ O God, nan ifongiam, gumazamiziba bar nɨ gifuegh nɨn ziam fɨ. Guizbangɨra, me nɨn ziar ekiam pɨrafam.

Onger Akaba 67:3 ပူးပေါင်းရင်းမြစ်များ

Onger Akaba 74:21

Nɨ gumazir kuraba ateghtɨ, me gumazir igharaziba dɨkaragh bar me abɨnan markɨ. Nɨ biziba otevezir gumazamizibar akurvaghtɨ, me nɨn ziam fɨ.

Onger Akaba 67:5

O God, nan ifongiam, gumazamiziba bar nɨ gifuegh nɨn ziam fɨ. Guizbangɨra, me nɨn ziar ekiam pɨrafam.

Onger Akaba 142:7

Nɨ osɨmtɨzir kamɨn aven uam na inightɨ, kɨ an fɨrighɨrɨgh egh deravɨra ikiam. Nɨ bar deravɨra na gami. Kamaghɨn, gumazamiziba uari akuvagh ikɨtɨ, kɨ men tongɨn nɨn ziam fam.

Onger Akaba 119:175

Nɨ na damightɨ kɨ angamɨra ikɨ, egh nɨn ziam fam. Eghtɨ bizir nɨ damuasa e mɨkemeziba en akuragham.

Onger Akaba 45:17

Kɨ nɨn ziar ekiamɨn gun mɨkɨmtɨ, gumazamizir gɨn otivamiba nɨ gɨnɨghnɨghvɨra ikiam. Eghtɨ dughiar gɨn izamiba, gumazamiziba zurara nɨn ziam fɨ mamaghɨra ikiam.

Aisaia 49:6

“Kɨ faragha ingangarir kam nɨ ganɨga ghaze, Nɨ Jekopɨn adarasi, Israelian ikiavɨra iti darasi, nɨ gavgavim me danɨng ua me inigh izɨ. Kar ingangarir ekiam puvatɨ. Ezɨ kɨ datɨrɨghɨn ingangarir ekiam nɨ danɨng, egh nɨ damightɨ, nɨ Kantrin Igharazibar Gumazamiziba bagh angazangarimɨn mɨn ikiam. Eghtɨ kɨ Kantrin Igharazibar Gumazamiziba bar men akuragh ua me iniam.”

Maika 5:3

Kamaghɨn amizɨ, Ikiavɨra Itir God uan adarazi ateghtɨ, me uan apanibar dafaribar ikɨvɨra ikɨ mangɨtɨ, amizir God inabazim, an otarim bategham. Eghtɨ dughiar kamɨn Israelian kantrin igharazibar ikeziba, uamategh izɨ uan adarazi ko uam uari akuvagham.