Onger Akaba 127:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² E dagheba ko dagɨaba bagha bar mɨzarazibara dɨkava ingara zui amɨniba pɨri. E pura ingangarir kabagh ami. Ikiavɨra Itir God uabɨ gumazamizir a ifongeziba biziba me ganɨdima, me pura ikia avughsi.

Onger Akaba 127:2 ပူးပေါင်းရင်းမြစ်များ

Fofozir Gumazim 5:12

Ingangarir gumaziba, me dagher avɨriba iti, o dagher muziariba iti, me dɨmangan deravɨra dakuam. Ezɨ dagɨar avɨriba itir gumazim, a zurara uan bizir avɨrir kabagh nɨghnɨghava, deraghav akuir puvatɨ.

Onger Akaba 4:8

Kɨ mɨsiamɨn ghua atiatir puvatɨghava akui. Ikiavɨra Itir God, nɨrara deragha na akumakua nan garima, kɨ deraghvɨra ikia atiatir puvatɨ.

Jopɨn Akɨnafarim 11:18

Egh nɨ fogham, God bar deraghvɨra nɨ geghuvam. Eghtɨ nɨn ikɨrɨmɨrim amɨraghirɨghtɨ, nɨ gavgavigh ikiam. Nɨ bizitamɨn atiatingan kogham, kamaghɨn amizɨ, nɨ dakuamin dughiam, nɨ bar deravɨra dakuam. Gumazir avɨriba uarir akurvaghsɨ izɨ nɨn azangsɨgham.

Onger Akaba 3:5

Kɨ mɨsiamɨn akuava onganigha, egha gɨn osegha bar deravɨra iti. Bar guizbangɨra, Ikiavɨra Itir God bar deravɨra nan gari.

Jeremaia 31:26

Ezɨ kɨ osegha dɨkavigha tintinibar gari, egha ghaze, kɨ deragha akui.

Esekiel 34:25

Me navir amɨrizimɨn ikɨ deragh dapiagh ikɨsɨ, kɨ me ko Akar Dɨkɨrɨzir Gavgavim damuam. Me mɨsoghɨrarɨghamin asɨzir atiaba, kɨ bar ada gɨvagham, eghtɨ da ua men nguazimɨn ikian kogham. Guizbangɨra, nan sipsipba deravɨra ikɨva ruarir ekiabar dakuam.

Fofozir Gumazim 1:14

Overiamɨn apengan otivir biziba bar, kɨ deraghavɨra dar ganigha egha kɨ kamaghɨn fo, bar guizbangɨra, gumazamiziba amir biziba bar, dar mɨngariba bar mongezɨ, e dagh fozir puvatɨgha okam nɨghnɨsi. Da mati gumazim amɨnimɨn suighasa ivegha ghua, an suighan ibura.

Fofozir Gumazim 6:7

E dagheba iniasa, kamaghɨn, e zurara ingari. Ezɨ dagher e isiba, da en ifongiam agevir puvatɨ.

Fofozir Gumazim 4:8

A kamakɨn, gumazir mam a uabɨra iti, egha boriba ko aveghbuaba puvatɨgha ingaravɨra ikia avughsaziba an puvatɨ. Egha a bizir bar avɨriba ikia kamaghɨn nɨghnɨsi, bizir kaba tɨghar nan ifongiam agɨvagham. Kɨ mangɨ zurara ingarvɨra ikiam. A kamagh uabɨ uabɨ mɨgeir puvatɨ, “Kɨ tizim bagha pura ingangarir mɨtiar kabagh amua dar daghetam isa pura ikia bar akongezir puvatɨ? Kɨ oveghtɨ tinara bizir kaba iniam? Puvatɨgham.” Gumazir kamaghɨn amimɨn araziba, da bar kufi. Ezɨ kɨ datɨrɨghɨn fo, arazir kam uaghan, an mɨngarim modozɨ e dagh fozir puvatɨgha okam nɨghnɨsi.

Onger Akaba 60:5

Nɨ bar ifongezir darazi bar deravɨra ikiasa, nɨ uan agharir guvir gavgavimɨn en suiragh en akuragh. Nɨ en azangsɨzim baragh!

Aghuzir Akaba 10:22

Ikiavɨra Itir God uabɨ bizir aghuiba e ganɨdi, egha an osɨmtɨziba e ganɨdir puvatɨ.