Nehemia 9:31 - Godɨn Eghaghanim: Akar Gavgavir Dɨkɨrɨzir Ghurim ko Igiam

³¹ Ezɨ nɨn apangkuvim bar ekefe, kamaghɨn nɨ akɨrim me gasarazir puvatɨgha, me ataghizɨ me bar ikuvizir puvatɨ. O God, nɨ bar en apangkufi, egha bar e gifonge!

Nehemia 9:31 ပူးပေါင်းရင်းမြစ်များ

Jeremaia 4:27

Egha Ikiavɨra Itir God, kamaghɨn mɨgɨa ghaze, “Kɨ bizir kabar amightɨ da otivasa uan nɨghnɨzim gamigha gɨfa. Egh kɨ ua uan nɨghnɨzim giraghan kogham. Nguazir kam, kɨ a damightɨ a mangɨ bar danganir kɨnimɨn otogham. Egh kɨ bar a gasɨghasighan kogham. Eghtɨ bizir mɨngarir kam bagh, nguazim azirakar onger akabar amutɨ, overiam pɨn pɨghatomegham.”

Nehemia 9:17

Me nɨn akabar gɨn mangan aghua. Me mirakelɨn gavgavir nɨ men tongɨn amiziba, me bar da gɨn amada. Me uari fa puv akaba batogha, ua Isipɨn mangɨ ua kalabuziar ingangaribar amuasa, men faragha zuir gumazim, me uari bagha anemɨsefe. O God, nɨ nguazir kamɨn gumazamizibar arazir kuraba gɨn amadi. Nɨ en kuarkuvigha e gifuegha deragha e gami, egha bar nɨmɨra nɨmɨra en atari. Nɨn apangkuvir arazim ekevegha, nɨ en inazir afeziaba akɨrim me gasarazir puvatɨ.

Jeremaia 5:18

Egha Ikiavɨra Itir God, dughiar kamɨn ua kamaghɨn na mɨgei, “Apaniba dughiar kamɨn izɨ, egh Israelia bar me gasɨghasighan kogham.

Jeremaia 5:10

“Ia Israelian apaniba, ia mangɨ men wainɨn azenibar aruva dagh asɨghasɨgh. Egh bar dagh asɨghasɨghan markɨ. Purama adar aghariba aghoregh. Wainɨn ikarɨzir agharir kaba, da nan biziba puvatɨ. Kamaghɨn amizɨ, ia dar aghariba aghoregh.

Daniel 9:9

E nɨn akaba batosi, ezɨ nɨ Ekiam en God, en apangkuvigha en arazir kuraba gɨn amadi.

2 Eghaghaniba 30:9

Ia fo, ian apaniba ian aveghbuaba ko, boriba inigha uan nguibabar ghuegha, me isa kalabuziabar mɨn me arɨki. Ia uamategh Ikiavɨra Itir God bagh izɨtɨ, a ian apanibar amutɨ, me ian adarazir apangkuvigh, ua me amadaghtɨ me uamategh ian nguazimɨn izam. Bar guizbangɨra, Ikiavɨra Itir God ian God, a Godɨn apangkuvim itim. Kamaghɨn amizɨ, ia navibagh iragh, a bagh uamategh izɨtɨ, a ragh ua ian ganɨva, ua ia iniam.”

2 Atriviba 13:23

Ezɨ Ikiavɨra Itir God Israelian apangkuvigha bar me gifonge. A fomɨra Akar Dɨkɨrɨzir Gavgavir Abraham ko Aisak ko Jekop ko amizir kam ginɨrɨgha, a Israelian akuragha me gasɨghasɨghizir puvatɨ. Egha a Israelia batueghtɨ, me an damazimɨn saghon mangan an aghua.

Godɨn Araziba 4:31

Ikiavɨra Itir God, ian God, a Godɨn apangkuvim itim. Kamaghɨn amizɨ, a pura ia ataghɨragh ia gasɨghasighan kogham. Egh an Akar Dɨkɨrɨzir Gavgavir a uabɨ ian inazir afeziaba ko amizir kam gɨn amadaghan kogham.

Nehemia 9:19

“Me kamaghɨn ami, ezɨ nɨ bar men apangkufi, egha me ataghizɨ me gumazamizibar puvatɨzir danganir kamɨn pura itir puvatɨ. Nɨ me da ghuariar ruarir ekiar tuavim men akakazir kam inizir puvatɨ. Egha uaghan nɨ me da, tuavim akakazir avir, dɨmagarimɨn angazangarim me dama a inizir puvatɨ.

Aisaia 48:9

“Kɨ bar ia basemegha bar ia agɨvasava ami. Egha kɨ zurara uan ziar ekiam gɨnɨghnɨgha, ia bagha uan anɨngagharim dɨkabɨri. Kamaghɨn amizɨ, kɨ ia gasɨghasɨghan kogham. Eghtɨ gumazamizir igharaziba nan ziam fam.