Nehemia 9:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Me nɨn akabar gɨn mangan aghua. Me mirakelɨn gavgavir nɨ men tongɨn amiziba, me bar da gɨn amada. Me uari fa puv akaba batogha, ua Isipɨn mangɨ ua kalabuziar ingangaribar amuasa, men faragha zuir gumazim, me uari bagha anemɨsefe. O God, nɨ nguazir kamɨn gumazamizibar arazir kuraba gɨn amadi. Nɨ en kuarkuvigha e gifuegha deragha e gami, egha bar nɨmɨra nɨmɨra en atari. Nɨn apangkuvir arazim ekevegha, nɨ en inazir afeziaba akɨrim me gasarazir puvatɨ.

Nehemia 9:17 ပူးပေါင်းရင်းမြစ်များ

Onger Akaba 86:5

O Ekiam, nɨ bar dera, egha gumazibar arazir kuraba gɨn amadi. Egha nɨ ko mɨgeir gumazamiziba, nɨ apangkuvir ekiam men ikia, men azangsɨziba barasi.

Joel 2:13

Ia pura uan korotiaba abɨghɨva azir arazim damuan markɨ. Ian navir averiaba aven bɨghiregh, ian ararem akagham. Ia fo, Ikiavɨra Itir God gumazamiziba bar me gifongegha bar men kuarkufi. Egha zuamɨrama atarir pu. Puvatɨ. An apangkuvim bar moghɨra men ekefe. Egha a zurara uan nɨghnɨzim gɨghasa ifongeghavɨra ikia, egha gumazamizibar arazir kuraba ikarvazir puvatɨ. Kamaghɨn amizɨ, ia ua Ikiavɨra Itir God, ian God bagh izɨ.

Onger Akaba 86:15

O Ekiam, apangkuvir arazim ko, akurvazir arazim bar nɨ gizɨvazɨ nɨ zuamɨrama atarir puvatɨ. Nɨ bar en apangkuvigha, deravɨra uan akamɨn gɨn ghua egha nɨghnɨzim giraghɨrazir puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 9:15

Guizbangɨra, God kamaghɨn Moses mɨgei, “Kɨ gumazamizitabar kuarkuvighsɨ, kɨ men kuarkuvam. Kɨ gumazamizitabar apangkuvsɨ, kɨ men apangkuvam.”

Onger Akaba 78:38

Ezɨ a men apangkuvighavɨra ikia, men arazir kuraba gɨn amadagha, me gasɨghasɨzir puvatɨ. A dughiar avɨribar uan adarim amɨnivagha men akazir puvatɨ.

1 Atriviba 6:13

Egh ia Israelia, kɨ ian tongɨn ikiam, ia nan gumazamiziba. Egh kɨ ia ateghan kogham. Bar puvatɨ.”

Onger Akaba 106:7

Fomɨra, en ovaviba Isipɨn kantrin aven ikia, nɨ amizir bizir ekiar kaba deragha dagh nɨghnɨzir puvatɨ. Nɨ bar men apangkuvigha dughiar avɨribar men akurvasi, ezɨ me nɨn apangkuvir ekiar kam bakɨnɨghnɨsi. Egha me ghua Ongarir Aghevimɨn otivigha, Godɨn Bar Pɨn Itimɨn akam batoke.

Onger Akaba 78:11

A men damazibar amizir mirakelba ko, bizir an amiziba, me da gɨn amada.

1 Atriviba 8:57

Ikiavɨra Itir God, a en God, a faragha en inazir afeziaba ko ikezɨ moghɨn, datɨrɨghɨn an e ko ikiam. An e ateghtɨ, e pura uarira ikian kogham.

Onger Akaba 106:13

Egha me bar zuamɨra an amizir bizir kam gɨn amada. Egha me uan nɨghnɨzibar gɨn ghua bizibar amuasa, egha faragha Godɨn akam bagha an azangsɨzir puvatɨ.

Onger Akaba 130:4

Nɨrara arazir kuraba gɨn amadi, kamaghɨn amizɨ, e nɨrarama atiating nɨn apengan ikiam.

Hibru 12:25

Ia deraghvɨra gan, egh ia uan kuaribav kumigh Gumazir Mɨgeimɨn akam baraghan aghuaghan markɨ. Fomɨra nguazir kamɨn God Akar Gavgavim gumazamizibagh anɨngi. Ezɨ me an akam baraghan aghua, egha gɨn me uan arazir kurabar ivezir kuram gitazir puvatɨ. God datɨrɨghɨn uan Nguibamɨn ikia egha akar bar gavgavim e ganɨngi. E akɨrim ragh a gasaragh egh e uan arazir kuramɨn ivezir kuram gitavɨragham, o? Bar puvatɨ.

Aposel 7:39

“Ezɨ en inazir afeziaba Mosesɨn akaba baraghan aghua. Egha me an mɨgɨrɨgɨaba batosi. Egha men navir averiabar aven me uamategh Isipɨn mangasa.

Aghuzir Akaba 1:24

Ia na bagh izasa kɨ uan agharim amadagha ian dei. Ezɨ ia aghuagha izezir puvatɨ.

Dɨboboniba 16:14

Nɨ zurara e mɨgɨa ghaze, nɨ e inigh nguazir bar aghuir biziba an ikiava deragha aghuimra mangam, egh nguazir dagher azeniba ko wainɨn azeniba itiba isɨ e danɨngam. Ezɨ puvatɨ, da managh iti? Nɨ ti ghaze, e ongani, eghtɨ nɨ e gifaram, a? Bar puvatɨgham. Ga izeghan kogham.”

Dɨboboniba 14:41

Ezɨ Moses kamaghɨn me mɨgei, “Manmaghsua ia Ikiavɨra Itir Godɨn Akar Gavgaviba batosi? Ia me mɨsogh me abɨraghan kogham.

Dɨboboniba 14:11

Ezɨ Ikiavɨra Itir God kamaghɨn Moses mɨgei, “Kɨ mirakelɨn ekiar avɨribar gumazamizir kaba bagha dagh ami. Ezɨ me nan akam barazir puvatɨgha, nɨghnɨzir gavgavim nan itir puvatɨ. Me dughiar bar ruarimɨn, bar nan aghua. Kɨ bar men amɨragha men atari.

Nehemia 9:31

Ezɨ nɨn apangkuvim bar ekefe, kamaghɨn nɨ akɨrim me gasarazir puvatɨgha, me ataghizɨ me bar ikuvizir puvatɨ. O God, nɨ bar en apangkufi, egha bar e gifonge!

Jeremaia 19:15

“Ikiavɨra Itir Godɨn Gavgaviba Bar Itim, a Israelian God, a kamaghɨn mɨgei, ‘Ia deravɨram oragh! Ia akaba batogha, nan akam baraghan aghua. Ezɨ kamaghɨn bizir kurar kɨ ia damuasa mɨkemeziba, kɨ dar amightɨ, da bar ian nguibar ekiam ko an boroghɨn itir nguibar dozibar otivam.’ ”

Esekiel 5:6

Ezɨ Jerusalemia, bizir kɨ damuasa me mɨkemeziba ko arazir kɨ ifongezibar gɨn zuir puvatɨgha, me amir arazir kuraba, Kantrin Igharazibar Gumazamiziba amir arazir kuraba bar dagh afira. Me bar akɨrim ragha bizir kɨ damuasa me mɨkemezibagh asaragha, nan arazir kɨ ifongezibar gɨn zuir puvatɨ.

Daniel 9:9

E nɨn akaba batosi, ezɨ nɨ Ekiam en God, en apangkuvigha en arazir kuraba gɨn amadi.

Nahum 1:3

Ikiavɨra Itir God a zuamɨram atarir puvatɨ. A Godɨn Gavgavir Ekiaba Itim, egha a zurara arazir kurabagh amir gumazamiziba mɨzazim me gasi. Ikiavɨra Itir God, danganir manamɨn mangɨtɨ, amɨnir ekiam ko amozim otivam, eghtɨ ghuariaba mati an dagarimning nguazim dɨtima, nguazim mɨneziba mɨzi.

Ua Me Ini 32:9

Egha Ikiavɨra Itir God kamaghɨn Moses mɨgei, “Gumazamizir kaba, kɨ men ganigha me gɨfo. Me gumazamizir akaba batoziba.

Ofa Gami 26:44

Egh ia apanibar nguazimɨn ikɨtɨ, kɨ bar ia ateghan kogh, bar ia gasɨghasɨghan kogham. Bar puvatɨ. Kɨ fo, kɨ kamaghɨn damightɨ, Akar Dɨkɨrɨzir Gavgavir kɨ ia ko amizir kam, a gɨvagham. Kɨ Ikiavɨra Itir God, ian God, kɨ arazir katam damighan kogham.

1 Samuel 12:22

Bar guizbangɨra, Ikiavɨra Itir Godɨn ifongiamra, a ia ginabazɨ ia an gumazamizibar otifi. A uan ziar ekiam gɨnɨghnɨgh, egh akɨrim ragh ia gasaraghan kogham.

2 Eghaghaniba 36:13

Sedekaia bar akaba barazi puvatɨgha, navim giraghan aghuagha, Ikiavɨra Itir God, Israelian God bagh, uamategh izan aghua. Nebukatnesar faragha uabɨn gɨn mangasa Akar Gavgavimɨn Sedekaia gamizɨ, a pura Godɨn ziam dɨbora ghaze, a zurara Nebukatnesarɨn akamɨn gɨntɨgham. Egha Sedekaia uaghan Atrivim Nebukatnesarɨn akaba barazir puvatɨgha, uam an apengan itir puvatɨ.

Esra 9:9

Guizbangɨra, e mati kalabusɨn itima, en God e ataghizɨ, e kalabusra ikiavɨra itir puvatɨ. Nɨ en apangkuvigha Persian atrivibar damazimɨn deraghavɨra e gamua, ikɨrɨmɨrir igiam e ganɨdi. Ezɨ me nɨn Dɨpenir akaraghirezim uam an ingarasa en amamangarɨsi. Egha en akurvazima, e kagh Juda ko Jerusalemɨn deravɨra iti.

Onger Akaba 78:10

Me Godɨn Akar Dɨkɨrɨzir Gavgavim batuegha, an akamɨn gɨn zuir puvatɨ. God men apangkuvighavɨra iti.

Jeremaia 7:26

Ezɨ ian inazir afeziaba nan akam baraghan aghua. Egha akaba batogha men faragha zuir ovavibagh afiragha arazir kurabagh ami.

Jeremaia 18:15

Ezɨ nan gumazamiziba bar na gɨn amada. Egha me aseba bagha ofan mɨgharir mughuriar aghuim zuibagh ami. Me kamaghɨn amua iregha, tuavir men afeziba fomɨra gɨn zuim ategha, datɨrɨghɨn tuavir aguar kurar kabar zui.