Nehemia 9:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ “Me Sainain Mɨghsɨamɨn otozɨ, nɨ uan Nguibamɨn ikegha me bagha izaghira me mɨgei. Egha bizir nɨ damuasa mɨkemeziba ko, Guizɨn Araziba ko, arazir nɨ ifongeziba ko, Akar Gavgaviba me ganɨngi.

Nehemia 9:13 ပူးပေါင်းရင်းမြစ်များ

Onger Akaba 119:160

Nɨn akar kam a guizɨn akamra. Bizir nɨ damuasa mɨkemeziba da zurara ikia mamaghɨra iti.

Ua Me Ini 20:1

Ezɨ God kamaghɨn mɨgei:

Ua Me Ini 19:11

Me uari akɨrigh tugh gavgavigh ikɨ mangɨ aruer namba 3ɨn otogh. Dughiar kam, kɨ Sainain Mɨghsɨamɨn izighirɨ gumazamiziba bar, men damazimɨn otogham.

Akɨnafarir Pol Romɨn Nguibar Ekiamɨn Itir Sios Bagha Osirizim 7:16

Arazir kɨ ifongezir puvatɨziba, kɨ dar amutɨ nan arazir kam kamaghɨn ian akaghtɨ, kɨ ti kamaghɨn mɨkɨmam, Are, Moses Osirizir Araziba da bar dera.

Habakuk 3:3

God Idomɨn nguazim ategha uamategha izi. Godɨn Bar Zuezim, a Paranɨn Mɨghsɨamɨn dɨkavigha izi. (Ighiam gamua an suiam atugha avughsegha ua ighiam gami.) An gavgavim ko, ziar ekiam ko, an angazangarim otogha, overiamɨn danganiba, bar da avara. Ezɨ nguazir kamɨn itir gumazamiziba bar an angazangarir ekiamɨn garima, arazir an ziam fem, bar me gizɨfa.

Aisaia 64:3

Nɨ fomɨra izaghira bizir igharagha garir e ganizir puvatɨzibagh amizɨ da otivima, e dar gara dɨgavir kuram gami. Nɨ izaghirir dughiar kamɨn, nɨ mɨghsɨabagh amizɨ da nɨn damazimɨn bar puvɨram agoi.

Aisaia 64:1

O Ikiavɨra Itir God, nɨ overiam abigh kagh izighirɨ! Nɨ kamaghɨn damutɨ, mɨghsɨaba nɨn damazimɨn atiating bar puvɨram akongam.

Onger Akaba 119:137

O, Ikiavɨra Itir God, nɨ guizbangɨra bar dera. Ezɨ bizir nɨ damuasa mɨkemeziba da bar dera.

Godɨn Araziba 33:2

Egha a kamaghɨn mɨgei, “Ikiavɨra Itir God, a Sainain Mɨghsɨamɨn ikegha izaghira, aruemɨn mɨn Idomɨn nguazim gisiragha iti. An angazangarim Paranɨn Mɨghsɨamɨn ikia, angazangarim uan gumazamizibagh anɨdi. Ezɨ an enselɨn bar avɨriba a ko itima, an agharir guvimɨn, avim ikia bar puvɨra isia taghtasi.

Godɨn Araziba 5:4

Ikiavɨra Itir God uabɨ, mɨghsɨamɨn avimɨn aven ikia egha ian gara ia ko mɨgei.

Godɨn Araziba 4:33

Gumazamizir igharazitaba, ti God barazi, an avimɨn aven ikia mɨkeme? Puvatɨ. Ia ikia a barazi a mɨgei, ezɨ ia ariaghirezir puvatɨ.

Godɨn Araziba 4:8

Kɨ datɨrɨghɨn ian sure gamizir arazir kaba, da arazir God ifongeziba ko bizir a damuasa e mɨkemeziba bar deragha voroghɨra zui. Ezɨ ikɨzir igharazibar gumazamiziba, men araziba ko bizir me amiba, en Arazir aghuibar mɨn zuir puvatɨ.

Ua Me Ini 20:22

Ezɨ Ikiavɨra Itir God kamaghɨn Moses mɨgei, “Nɨ kamaghɨn Israelia akar kabar me mɨkɨm suam, ‘Ia uari ganigha kamaghɨn fo, kɨ Uan Nguibamɨn ikia, ia ko mɨkeme.

Ua Me Ini 16:23

Ezɨ Moses kamaghɨn me mɨgei, “Ikiavɨra Itir God kamaghɨn mɨgei, gurum mɨzaraghan avughsamin dughiam. Kar Ikiavɨra Itir Godɨn ziam famin dughiam. Egha uaghan kar Ikiavɨra Itir Godɨn dughiamra. Ia datɨrɨghɨn dagher nar manaba avimɨn da tuasa, ia da tu, egh dagher nar manaba ia mɨnemɨn da isamasa, ia da isam. Eghtɨ nar itir kaba ia gurum mɨzaraghan bagh bar ada atɨgh.”

Godɨn Araziba 4:36

God ian sure damuasa, kamaghɨn a ia gamizɨ, an akam overiamɨn ikegha izaghiri ia a baregha gɨfa. Egha nguazimɨn ia an avir angazangarir ekiamɨn gari, ezɨ an avimɨn aven ikia egha ia ko mɨgei.

Onger Akaba 119:4

Nɨ uan akaba e ganigha gɨvagha ghaze, e deraghvɨra dar gɨn mangam.

2 Atriviba 17:37

Ia arazir kɨ ifongeziba, ko bizir kɨ damuasa ia mɨkemeziba, ko nan Araziba bar, ko nan Akar Gavgavir kɨ ia bagha osirigha ia ganɨngiziba, ia bar dar gɨn mangɨ. Ia asebar ziaba fan markɨ.

Esra 7:6

Bar fomɨra Ikiavɨra Itir God, Israelian God, uan Araziba isa Moses ganɨngi. Ezɨ Esra deravɨra Moses Osirizir Arazibagh fo. Ezɨ dughiabar zurara, God deraghavɨra Esra gami, kamaghɨn Esra bizir tiziba bagha Atrivim Artaserksisɨn azangsɨsi, ana ganɨdi. Egha Artaserksis atrivimɨn itima, an namba 7ɨn azenimɨn, Esra Israelian gumazamizir igharaziba ko Babilon ategha ua Jerusalemɨn zui. Men aven ofa gamir gumaziba ko Livaiba, ko onger akabar faragha zuir gumaziba, ko Godɨn Dɨpenimɨn garir gumaziba koma, Godɨn Dɨpenimɨn ingangarimɨn gamir gumaziba.