Nehemia 7:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

^26-38 Kar Judan nguibabar ziaba, gumazir uamategha Judan izeziba, men inazir afeziaba nguibar kaba fomɨra dar ike, ezɨ men ovavir boriba datɨrɨghɨn uamategha izegha dagh apia. Nguibabar ziaba ko gumazibar dɨbobonibar kara: Betlehem ko Netofan nguibamningɨn gumaziba, 188. Ezɨ Anatotɨn nguibamɨn gumaziba, 128. Ezɨ Bet Asmavetɨn nguibamɨn gumaziba, 42. Ezɨ Kiriat Jearimɨn nguibam ko Kefiran nguibam ko Berotɨn nguibamɨn gumaziba, 743. Ezɨ Rama ko Geban nguibamningɨn gumaziba, 621. Ezɨ Mikmasɨn nguibamɨn gumaziba, 122. Ezɨ Betel ko Ain nguibamningɨn gumaziba, 123. Ezɨ Nebon igharazimɨn nguibamɨn gumaziba, 52. Ezɨ Elamɨn igharazimɨn nguibamɨn gumaziba, 1,254. Ezɨ Harimɨn nguibamɨn gumaziba, 320. Ezɨ Jerikon nguibamɨn gumaziba, 345. Ezɨ Lot ko Hadit ko Onon nguibabar gumaziba, 721. Ezɨ Senan nguibamɨn gumaziba, 3,930.

Nehemia 7:26 ပူးပေါင်းရင်းမြစ်များ

Jeremaia 40:8

Ezɨ gumazir dapanir kaba uan mɨdorozir gumaziba inigha, me Gedalian ganasa Mispan ghue. Gumazir dapanir kabar ziabar kara: Netanian otarim Ismael ko, Karean otarimning Johanan ko Jonatan, ko Tanhumetɨn otarim Seraia ko, Netofan nguibamɨn gumazim Efain otariba ko, Makan nguazimɨn gumazim Jesania.

Nehemia 12:28

Kamaghɨn Livain Godɨn Dɨpenimɨn ighiabagh amiba, me Netofan nguibam ko Betgilgal, ko Geba, ko Asmavet ko me uari bagha ingarizir nguibar igharaziba, me dar ikegha iza uari akufa. Nguibar kaba Jerusalemɨn boroghɨn iti.