Nehemia 6:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ kɨ an akɨnafarim ikaragha ghaze, “Nɨ osirizir akaba guizbangɨn akaba puvatɨ. Nɨ uan nɨghnɨzimɨn da osiri.”

Nehemia 6:8 ပူးပေါင်းရင်းမြစ်များ

Onger Akaba 52:2

Nɨn mɨzem resan mɨn bar ghumigha ifavaribagh ami da otifi. Dughiabar zurara nɨ gumazamizibagh asɨghasɨghasa mɨgei.

Jopɨn Akɨnafarim 13:4

Ezɨ iarara, mɨgɨrɨgɨar ifavarir avɨribagh ami. Ia mati dokta gumazimɨn arɨmariam akɨran fofozim puvatɨ.

Aposel 25:10

Ezɨ Pol a ikara, “Kotɨn kɨ tughav itir kam, kar Sisarɨn kotiam. Kotɨn kamra, kar nan kot. Nɨ uaghan bar fo, kɨ osɨmtɨzitamɨn Judabagh amizir puvatɨ.

Aposel 25:7

Pol izava otozɨma Judan Jerusalemɨn ikegha izaghireziba an okarigha tuifi. Egha kamaghɨn mɨgei, gumazir kam arazir kurar avɨribagh ami. Egha me an osɨmtɨzitam Festusɨn akazir puvatɨ.

Jon Osirizir Akar Aghuim 8:44

Ia uan afeziam Satanɨn boriba. Egha ia uan afeziamɨn ifongiamɨn gɨn mangasa bar gavgafi. A fomɨra ikia gumazamizibav sozima me ariaghiri. Ezɨ guizbangɨn arazim an itir puvatɨ, kamaghɨn amizɨ, a guizbangɨn arazibar gɨn zuir puvatɨ. An akar ifavaribagh ami, kar an akamra. An akar ifavaribagh amir gumazim, egha guizbangɨra akar ifavaribar afeziam.

Matyu 12:34

Ia gumazir kuraba, ia kuruzir kurabar mɨn iti! Egh manmagh mɨgɨrɨgɨar aghuitam mɨkemegham? Puvatɨ. Ian navir averiabagh izɨvazir nɨghnɨzibar mara ian akatoribar otifi.

Daniel 11:27

Egh gɨn atrivir kamning uaning inigh daperagh damam. Egh aningɨn nɨghnɨziba bar ikuvightɨ, aning akam gitɨva, akar ifavarir avɨribar uaning mɨkɨmam. Egh bizir aning damuasa ifongeziba, aning dar amighan kogham. God bizir kabar amuasa inabazim dughiam a tɨghar otivam.

Aisaia 59:4

Ia deravɨra kotiabagh amir pu. Puvatɨ. Ia akar ifavaribagh amua, pura gumazir igharazibagh ekua kotiam bagha zui. Egha ia mɨgɨrɨgɨar ifavarir guar avɨribagh ami, eghtɨ me iararam oragh igharaz darazi dɨkabɨnam. Ian nɨghnɨziba ko naviba, arazir kurabar amuamin araziba dagh gizɨfa, ezɨ ia arazir kurar guar avɨribagh amima da otifi.

Onger Akaba 38:12

Gumazir na mɨsueghtɨ kɨ aremeghasava amiba, me na bagha azuazim guragha gɨfa. Gumazir na gasɨghasɨghasava amiba, me zurara pazavɨra na damuasavɨra mɨgei. Egha me dughiabar zurara na gasɨghasɨghasavɨra akabav sosi.

Onger Akaba 36:3

Men akatoribar akaba ikuvizɨ, me zurara bizibagh ifari. Egha arazir aghuibara amuamin fofozir aghuitam itir puvatɨ.

Nehemia 6:7

E orazi, Nɨ Godɨn akam inigha izir gumazibav mɨkemezɨ me Jerusalemɨn akam akun mɨkɨm suam, Judaba atrivir mam iti. Kɨ akavsiar kamɨn mɨngarim gɨfoghasa, kamagh ifonge. Kɨ foghtɨ, atrivim uabɨ akar me nɨ mɨkemezir kam baregham. Kamaghɨn amizɨ, ga uaning akuvagh mɨgɨrɨgɨam akɨrigham.”