Nehemia 2:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Ezɨ Senbalat ko Tobia, ko Arebian gumazim Gesem, me bizir e damuamin akam baregha, me iza e dɨpova en ingarava aka kamaghɨn mɨgɨa ghaze, “Ia tizim damuasa? Ia ua nguibar ekiamɨn dɨvazir bar mɨtiar gavgavimɨn ingarasa, a? Ia ti ghaze, ia kamaghɨn damuva atrivim ko mɨsogh an akam batogham.”

Nehemia 2:19 ပူးပေါင်းရင်းမြစ်များ

Nehemia 6:6

Akɨnafarir kam kamaghɨn mɨgei: “Kɨ Senbalat, kɨ Gesem barazima, a kamaghɨn mɨgei, en boroghɨn itir gumazir maba mɨgɨrɨgɨar mam gamizɨ an oto. Mɨgɨrɨgɨar kam kamakɨn: Nɨ ko Judan gumazamiziba atrivimɨn apengan ikian aghuagha, uari baghvɨra gumazir dapanim amɨseveghtɨ a mɨsoghasa. Bizir kam bagha ia dɨvazimɨn ingari. Egh nɨ uabɨ uabɨ damigh atrivimɨn otoghasava ami.

Mak Osirizir Akar Aghuim 5:40

A kamaghɨn me mɨgeima, me a dɨpova an ingarava kava uariv gei, “E fo, a guizbangɨram areme.” Gumazamiziba kamaghɨn mɨgeima, a bar me batuegha guivimɨn afeziam ko amebam inigha an suren gumazir pumuning ko mɨkezim, merara a ko zui. A me inigha me guivimɨn kuam itir danganimɨn aven ghue.

Hibru 11:36

Ezɨ apaniba marazi osɨmtɨziba me garɨgha dɨbovir akabar me mɨgɨa, me fozorogha senbar me ikia, me isa kalabusɨn me arɨki.

Aposel 24:5

“E gumazir kamɨn garima an osɨmtɨzir avɨribagh ami. A Judan nguibaba bar dar adariba ko mɨdoroziba forima da otifi, a Nasaretɨn ifarir darazir gumazir dapanim.

Jon Osirizir Akar Aghuim 19:12

Pailat akar kam baregha Iesus ateghtɨ a mangasa tuaviba buri. Ezɨ Judaba kamaghɨn dei, “Nɨ gumazir kam ateghtɨ a mangɨtɨ, nɨ Sisarɨn namakam puvatɨ. Guizbangɨra, gumazim uabɨra uabɨ mɨgɨa ghaze, an atrivim, a Sisarɨn apanim.”

Luk Osirizir Akar Aghuim 23:2

Egha me dɨkavigha a gifara, kamaghɨn a mɨgɨa ghaze, “E gumazir kamɨn garima an en gavmanɨn ikura. Egha a dagɨaba Sisar danɨngan bar en anogoregha, kamaghɨn mɨgɨa ghaze, a uabɨ atrivim ko God Uam E Iniasa Mɨsevezir Gumazim, Krais.”

Jeremaia 20:8

Kɨ zurara nɨn akam akurima, nɨ na gamima kɨ tiarim akara kamaghɨn dɨa mɨgei, “Mɨdorozim otoghtɨ, ia ikuvigham!” Ezɨ gumazamiziba akar kam baragha, zurara aghumsɨzim na ganɨga akar kurabar na mɨgei.

Onger Akaba 80:6

Nɨ gumazir en boroghɨn itibar arirazɨ, me iza en nguazim iniasa uariv sosi. En apaniba e dɨpovava en ingaravati.

Onger Akaba 79:4

Gumazamizir en boroghɨra itiba e dɨpova, en ingaravaka, akar kurabar e mɨgei.

Jopɨn Akɨnafarim 30:1

Jop ua kamaghɨn mɨgei: “Datɨrɨghɨn ziaba puvatɨzir gumazibar boriba, dɨbovir akabar na mɨgei. Men afeziaba pura bizir kɨnibar mɨn ikia, egha gumazamizibar damazimɨn onganarazibagh amua, bizir aghuitam gamizir puvatɨ. Kamaghɨn garir gumaziba, kɨ me ataghizɨ me nan sipsipbagh eghuvir afiabar tongɨn itir puvatɨ.

Nehemia 6:9

Kɨ fo, me atiatim e danɨngtɨ e ingangarim ategh anegɨvaghan koghasa, me akar kam gami. Egha kɨ Ikiavɨra Itir Godɨn azai, “Kɨ fo Nɨrara gavgavim na danɨngtɨ, kɨ ingangarim damuam.”

Nehemia 4:1

Ezɨ Senbalat kamaghɨn oraki, e Judaba dɨvazir kamɨn ingari. Ezɨ a puv atara dɨbovir akabar e gami.

Nehemia 2:10

Ezɨ Bethoronɨn nguibamɨn gumazim Senbalat ko, Tobia an Amonian ikɨzimɨn ingangarir gumazir ekiar mam, aning orazi, kɨ Israelian akurvaghasa izi. Ezɨ aning bar na baseme.

Matyu 9:24

Ezɨ Iesus me batogha me mɨgɨa ghaze, “Ia dɨkavigh mangɨ. Guivim aremezir puvatɨ. An akui.” A kamaghɨn mɨgeima, me a dɨpofi.

Nehemia 13:28

Dughiar kam ofa gamir gumazibar dapanim Eliasip, an otarim Joiada, an otaribar mav ikɨzir igharazir mamɨn amizimɨn iti. Amizir kam, an Horonian gumazim, Senbalatɨn guivim. Kamaghɨn amizɨ, kɨ Joiadan otarim batoghezɨ, an arav ghugha, ua Jerusalemɨn itir puvatɨ.

Onger Akaba 123:4

Dughiar bar ruarimɨn dagɨaba itir gumazamiziba dɨbovir akabar e mɨgɨa, uari fa pazava e gami. Ezɨ e bar amɨra.

Jeremaia 41:10

Ezɨ gɨn, Ismael Mispan itir gumazamizir igharaziba inigha, Mispa ategha, men akua Amonɨn kantrin zui. Babilonɨn mɨdorozir gumazibar dapanim Nebusaradan, a faragha gumazamizir kaba, Mispan nguibamɨn me ataghizɨ me itima, a men ganasa Gedalia amɨsefe. Ezɨ Judan atrivimɨn guiviba uaghan men tongɨn iti.

Onger Akaba 80:7

O Ikiavɨra Itir Godɨn Gavgaviba Bar Itim, nɨ uamategh e inigh izɨtɨ, e ua dɨkavigh tuivigh, fomɨra ikezɨ moghɨn ua ikiam. Nɨ uan angazangarim e gisiragh, en apangkuvigh en akuraghtɨ e ovengan kogham.

Aisaia 36:5

Mɨgɨrɨgɨar kɨniba ti mɨdorozimɨn gavgavim gafiraz, o? Bar puvatɨ! Nɨ nan akaba barazir puvatɨ. Egha nɨ ghaze, tina izɨ nɨn akuragham! Ezɨ nɨ na baraghan aghua.