Nehemia 13:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Ia fo, en inazir afeziaba fomɨra arazir kam gamizɨ, God ivezir kuram isa me ganɨga, nguibar ekiar kam gasɨghasɨki. Ezɨ datɨrɨghɨn ia Sabatɨn dughiam gasɨghasɨzir arazir kam gamuavɨra itima, Godɨn adarim ian ikiavɨra iti.”

Nehemia 13:18 ပူးပေါင်းရင်းမြစ်များ

Esekiel 23:26

Me nɨn korotiaba bar da surarigh nɨn bisba ko ringɨn diriba inigham.

Esekiel 23:8

A uan igiamra Isipɨn ikia tuavimɨn amizimɨn arazir kam, a gamuavɨra iti. Dughiar kamɨn, gumaziba a koma akua a ko ikararaima, a uan mɨkarzim isa me ganɨga ghuavɨra iti.

Jeremaia 44:9

Ian inazir afeziaba ko atriviba, ko atrivibar amuiba, arazir kuram gami. Egha ia uaghan uan amuiba ko arazir kuram gami. Ia bar moghɨra arazir kam Judan nguibaba ko Jerusalemɨn tuavibar arazir kam gami. Ia ti bizir kurar kaba gɨnamadagha gɨfa, a?

Jeremaia 17:27

Egh ia nan akamɨn gɨn mangan aghuagh, Sabatɨn dughiam amɨseveghtɨ a nan dughiamra ikian kogh, ia biziba inigh Sabatɨn dughiamɨn Jerusalemɨn tiar akabar aven mangɨgh izegh damutɨ, kɨ tiar akar kaba avim dar atɨghtɨ da isiam. Eghtɨ Jerusalemɨn itir dɨpenir ekiaba bar isigham. Eghtɨ tav avir kam amungeghan kogham.’ ”

Dɨboboniba 32:14

Ia oragh! Ia datɨrɨghɨn uan afeziabar danganiba inigha, arazir kurabagh amir gumazamizibar otifi. Egh ia ti Ikiavɨra Itir God damutɨ, an anɨngagharir bar kuram uam Israelia damuam.

Ofa Gami 26:28

kɨ bar anɨngaghegh, ian arazir kuraba bangɨn, dughiar bar avɨribar osɨmtɨzir bar ekiaba ua ia darɨgham.

Ofa Gami 26:18

“Bizir kurar kabar gɨn, ia nan akam baraghan aghuavɨra ikɨtɨ, kɨ ian arazir kuraba bagh osɨmtɨzir avɨrim ia darɨghvɨra ikiam.

Jeremaia 44:22

Ia arazir bar kuribagh ami, ezɨ gɨn Ikiavɨra Itir God ian arazir kurar kam bar a giporpore. Bizir kam bangɨn, a ian nguazim gamizɨ, a ikuvigha nguazir kɨnimɨn oto. Ezɨ gumazitam an itir puvatɨgha iza datɨrɨghɨn tu. Kamaghɨn amizɨ, Kantrin Igharazibar Gumazamiziba akar kurabar uan apanibav kɨmasa kamaghɨn mɨgei, ‘Ia Juda ikuvizɨ moghɨn, ia ikuvigham.’

Jeremaia 44:23

Ia aseba bagha ofan mɨgharir mughuriar aghuim zuibagh amua, egha arazir kuraba, Ikiavɨra Itir Godɨn damazimɨn dagh ami. Egha ia an Araziba ko an arazir a ifongeziba batuegha, an akabar gɨn zuir puvatɨ. Kamaghɨn amizɨ, dughiar kurar ia batozim ikiavɨra iti.”

Ua Me Ini 31:12

Egha Ikiavɨra Itir God Israelia mɨkɨmasa kamaghɨn Moses mɨgei, “Sabatɨn dughiam, kar dughiar avughsamim. Kamaghɨn ia zurara Sabatɨn dughiamɨn avughsɨ. Sabatɨn dughiam, an ababanimɨn mɨn kɨ ia ganɨdi, a datɨrɨghɨn ko ian adarazir dughiar gɨn izamibar ababanimɨn mɨn ikiam. Ababanir kam ian akaghtɨ ia fogh suam, kɨ Ikiavɨra Itir God, kɨ ia gamizɨ ia nan gumazamizibar mɨrara iti.

Nehemia 10:32

“Azeniba bar e vaghvagh Ikiavɨra Itir Godɨn Dɨpenimɨn ingangarim bagh silvan dagɨar akuar muziarir tabar anɨngam.

Amos 8:5

Ia kamaghɨn uariv gɨa ghaze, Godɨn ziam fer isar ekiar kaba zuamɨra gɨvaghtɨ, e uan daghetaba inigh mangɨ dagɨaba bagh da amangam. Dughiar manamra Sabat gɨvagham? Eghtɨ e uan dagheba inigh da amadir danganimɨn mangɨ dar iveziba pɨn dar arigham. Egh ababanir ifavaribar amu, egh skel guva me gifartɨ, me bizir kabagh ivezam.