Nehemia 12:46 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴⁶ Bar fomɨra, Atrivim Devit ko Asapɨn dughiamɨn, aning ighiaba batir gumazimning, gumazir onger akar kamɨn faragha zuiba ingara, ighiaba banga God bagha bar akuegha a mɨnabi. Ezɨ datɨrɨghɨn men ovavir boriba, gumazir ighiabagh amibar otifi.

Nehemia 12:46 ပူးပေါင်းရင်းမြစ်များ

2 Eghaghaniba 29:30

Ezɨ Atrivim Hesekia gumazir dapaniba ko, me Atrivim Devit ko akam inigha izir gumazim Asap, aning fomɨra Ikiavɨra Itir Godɨn ziam fasa osirizir ighiaba bangasa Livaibav gei. Ezɨ Livaiba bar akuegha ighiabagh ami. Egha me gɨn teviba apɨrigha dapaniba avigha Godɨn ziam fe.

Onger Akaba 83:1

O God, nɨ akam dukuagh pura ganan markɨ. Nɨ pura uabɨn asugh nɨmɨra ikian markɨ.

Onger Akaba 73:1

God bar guizbangɨra Israelian dera. Egha an damazimɨn zuezir gumazamiziba, a bar men dera.

1 Eghaghaniba 9:33

Ezɨ Livain anabamɨn ikɨzibar gumazir dapanir maba, me onger akabar amuamin ingangarim iti. Gumazir kaba, me dɨmagariba ko aruebar ingangarir kam damuam. Me ua ingangarir igharaziba puvatɨ. Kamaghɨn amizɨma, me Godɨn Dɨpenim avɨnizir dɨvazimɨn aven itir danganir mabar akui.

Onger Akaba 137:4

E manmagh suvɨra kantrin igharazimɨn ikɨ, egh Ikiavɨra Itir Godɨn onger akabar amuam? Kar en kantri puvatɨ, e kamaghɨn damuan kogham.

Nehemia 11:17

Gumazir dapanim Matania, a Mikan otarim. Ezɨ Mika, a Sapdin otarim, ezɨ Sapdi a Asapɨn otarim. Dughiar me Godɨn Dɨpenimɨn iza Godɨn ziam febar, Matania a gumazir God ko mɨgɨa a mɨnabir gumazir dapanimɨn iti. Ezɨ Bakbukia, a gumazir dapanir mam, a Matanian akurvagha ingangarir kam gami. Ezɨ uaghan, gumazir dapanim Apda, Samuan otarim, ezɨ Samua a Galalɨn otarim, ezɨ Galal a Jedutun otarim.