Nehemia 12:36 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁶ Ezɨ Sekaraian ikɨzimɨn marazi an gɨn zui. Men ziabar kara: Semaia, Asarel, Milalai, Gilalai, Mai, Netanel, Juda ko Hanani. Me bar moghɨra ighiabar amuamin gitaba ko marvir igharagha garir avɨriba inigha, da sara ghua dagh ikararai. Atrivim Devit, fomɨra gitaba ko marvir kabanang, a dagh ikararangi. Ezɨ Godɨn Arazibagh fozir gumazim Esra, a gumazir kabar faragha zui.

Nehemia 12:36 ပူးပေါင်းရင်းမြစ်များ

Nehemia 12:24

Egha me Godɨn ziam fa a mɨnabir dughiamɨn, Atrivim Devit mɨkemezɨ moghɨn Livaiba ami. Devit a gumazir Godɨn akam akurim. Ezɨ Livaiba gumazir bɨzir pumuningɨn iti, bɨzir mam ighiar otevir mam bange, ezɨ bɨzir mam me ikarvagha ighiar akuar igharazir mam bange. Ezɨ Hasabia ko Serebia ko Jesua Katmielɨn otarim, me ingangarir kam me ganɨngi.

2 Eghaghaniba 8:14

Solomon uan afeziam Devitɨn arazibar gɨntɨgha, bizir a damuasa mɨkemeziba, a zurara Godɨn ofa gamir gumaziba a men ikɨzibar, ingangariba bagha me tuira. Egha a Godɨn ofa gamir gumazibar akurvagh ingangarim damuasa Livaiba vaghvagha me tuira. Ezɨ men marazi uaghan ighiabar amu Godɨn ziam fam. Livaibar ingangarir a me bagha inabaziba, me dughiabar vaghvagha dagh ami. Egha Solomon uaghan garir gumaziba men ikɨziba, a Godɨn Dɨpenimɨn tiar akabar ganasa vaghavagha me tuira. Arazir kaba, God baghavɨra itir gumazim Devit, a me mɨkeme.

1 Eghaghaniba 23:5

Eghtɨ men 4,000plan gumaziba, Ikiavɨra Itir Godɨn Dɨpenimɨn itiar akabar gan a geghuv ikɨ. Eghtɨ men 4,000pla, Ikiavɨra Itir Godɨn ziam fɨsɨ buaba ko gitabav soghamin ingangaribar amuam. Kɨ Godɨn ziam fasa sɨghaba ko dɨbɨarir guar avɨribar ingari. Eghtɨ me bizir kaba inigh an ziam fɨ.”

Amos 6:5

Ia Devit ami moghɨn, ighiar igiaba osira, da bangasa gitabav sosi.

Esra 8:1

Kar Israelian anababar gumazir dapanir Babilonɨn kalabus ategha, Esran gɨn uamategha Jerusalemɨn ghuziba, men ziabar kara. Dughiar kamɨn Artaserksis atrivimɨn iti.

Esra 7:1

Azenir avɨriba gɨvazɨma gɨn, Artaserksis Persian atrivimɨn itima, gumazir mam Babilonɨn iti, an ziam Esra. Esra an Aronɨn ovavir boribar mav. Esran inazir afeziabar ziabar kara: Esra, a Seraian otarim. Ezɨ Seraia, Asarian otarim. Ezɨ Asaria, Hilkian otarim. Ezɨ Hilkia, Salumɨn otarim. Ezɨ Salum, Sadokɨn otarim. Ezɨ Sadok, Ahitupɨn otarim. Ezɨ Ahitup, Amarian otarim. Ezɨ Amaria, Asarian otarim. Ezɨ Asaria, Meraiotɨn otarim. Ezɨ Meraiot, Serahian otarim. Ezɨ Serahia, Usin otarim. Ezɨ Usi, Bukin otarim. Ezɨ Buki, Abisuan otarim. Ezɨ Abisua, Finiasɨn otarim. Ezɨ Finias, Eleasarɨn otarim. Ezɨ Eleasar, Aron otarim. Ezɨ Aron, a ofa gamir gumazibar dapanim.

Dɨboboniba 1:8

Egh Isakarɨn anabamɨn adarazir gumazim Suar, an otarim Netanel, gua a inigh.