Nehemia 11:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

^7-9 Benjaminɨn anabamɨn adarasi, men gumazir dapanibar ziabar kara: Salu ko Gabai, Salai, Joel ko Juda. Salu a Mesulamɨn otarim, ezɨ Mesulam Joetɨn otarim, ezɨ Joet Pedaian otarim, ezɨ Pedaia Kolaian otarim, ezɨ Kolaia Masean otarim, ezɨ Masea Itielɨn otarim, ezɨ Itiel Jesaian otarim. Jerusalemɨn itir Benjaminɨn anabamɨn adarazi bar moghɨra, men dɨbobonim, 928ɨn tu. Ezɨ Sikrin otarim Joel, Benjaminɨn adarazir faragha zuir gumazir dapanim. Ezɨ Hasenuan otarim Juda, a Benjaminɨn adarazir mav. A gumazir dapanir Joelɨn gɨn zuim, a an akuragha Jerusalemɨn aven itir distrighɨn mamɨn gari.

Nehemia 11:7 ပူးပေါင်းရင်းမြစ်များ

1 Eghaghaniba 3:21

Ezɨ Hananian otarimningɨn ziamning, Pelatia ko Jesaia. Ezɨ Jesaia, a Refaian afeziam, ezɨ Refaia, a Arnanɨn afeziam, ezɨ Arnan, a Obadian afeziam, ezɨ Obadia, a Sekanian afeziam.

Nehemia 11:6

Egha Peresɨn ovavir borir Jerusalemɨn itiba, me bar gumazir gavgavibara. Me bar moghɨra, men dɨbobonim, 468ɨn tu.

1 Eghaghaniba 8:28

Gumazir kaba, me uan ikɨzibar gumazir dapaniba, egha me uaghan gumazir aruaba. Me Jerusalemɨn iti.