Nehemia 11:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ezɨ gumazamizir maba uan ifongiamɨn gɨn ghua Jerusalemɨn iti. Kamaghɨn amizɨma Israelia me bagha bar akonge.

Nehemia 11:2 ပူးပေါင်းရင်းမြစ်များ

Gumazir Dapaniba 5:9

Kɨ uan navir averiamɨn aven, Israelian mɨdorozir gumazibar faragha zuir gumazir dapanibagh nɨghnɨghavɨra iti. Guizbangɨra, men marazi uari isa mɨdorozim ganɨdi. Kamaghɨn, e Ikiavɨra Itir Godɨn ziam fam.

Jopɨn Akɨnafarim 31:20

Kɨ korotiar aghuir me nan sipsipɨn arɨzibar ingarizim a ganɨngi. Korotiar kam fefem a ganɨdima, a nan ziam fa na mɨnabi.

Jopɨn Akɨnafarim 29:13

Gumazamizir kɨran oveghangɨn ovengamiba, kɨ men akurvasi, ezɨ me na mɨnabi, egha God deravɨra na damuasa me a ko mɨgei. Ezɨ amuir odiariba, kɨ men akurvazima, me uan navir averiabar aven bar akonge.

Godɨn Araziba 24:13

Aruem ghuaghirir dughiamra, ia an inim inigh izɨ uam a danɨngigh, eghtɨ a dɨmangan dakusɨ uan mɨkarzim avam. Eghtɨ gumazir kam ia mɨnabaghtɨ, Ikiavɨra Itir God, ian God, ian arazibagh ifuegham.

Onger Akaba 110:3

Nɨ uan apanibav soghamin dughiam, nɨn gumazamiziba uaghan nɨ ko mangɨ nɨn akurvagham, egh ia Godɨn mɨghsɨamɨn ghuavanangam. E gari ghuariabar amariba dɨmagaribar ira azenibagh iri da aghua dagher avɨriba iti. Kamaghɨra, nɨ dughiabar zurara gavgavim ini mamaghɨra ikɨ, egh gumazir igiamɨn mɨn otogham.

Nehemia 7:4

Jerusalemɨn nguibam, a nguibar bar ekiam. Ezɨ gumazamizir avɨriba an itir puvatɨ. Egha me uaghan an aven dɨpenir avɨriba tɨghar dar ingaram.

Onger Akaba 122:6

Ia Jerusalem bagh Ikiavɨra Itir God ko mɨkɨm. Eghtɨ a navir amɨrizim Jerusalemɨn iti darazir anightɨ, me navir amɨrizimɨn ikɨva deragh ikiam.