Nahum 3:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ia ti fo, Tebes, kantri Isip ko, kantri Itiopian ruaghatevir mam gativagha aningɨn gari. Ezɨ kantrin tam an gavgavim abɨrazir puvatɨ. Ezɨ kantri Put ko, kantri Libia a ko, porogha mɨdorozibagh ami.

Nahum 3:9 ပူးပေါင်းရင်းမြစ်များ

Esekiel 30:5

“Mɨdorozimɨn aven, Itiopian gumazamiziba ko, Putɨn gumazamiziba ko, Lidian gumazamiziba ko, Libian gumazamiziba ko, nan gumazamiziba uaghan arɨmɨghiregham.

Esekiel 27:10

Persian kantri ko Lidia ko Libia, men marasi, nɨn mɨdorozir gumaziba. Me uan oraba ko dapanir asuaba nɨn dɨvazibar da gui. Gumazir kaba nɨn akuragha mɨsoghezɨ, nɨ ziar ekiam ini.

Esekiel 38:5

Ezɨ Persian kantri ko Itiopian kantri ko Libian kantrin mɨdorozir gumaziba bar ia ko iti. Egha me bar oraba ko mɨdorozimɨn dapanir asuaba iti.

Jeremaia 46:9

Ia nan hoziaba, ia ivemar mangɨ. Ia nan karisba, ia bar puvɨra ivemar. Ia nan mɨdorozir gumazir gavgaviba, ia Itiopia ko Libian kantrining, ia aningɨn mɨdorozir gumaziba, ia oraba suizir gumaziba, ia Lidian kantrin pibar asir gumaziba, ia bar moghɨra mangɨ mɨsogh.’

Aisaia 20:5

Gumazamiziba kantri Itiopia ko kantri Isipɨn gara men ziamning fa ghaze, Aning ti en apanibav soghsɨ en akurvagham, egh me guizbangɨra dɨgavir kuram damigh, bar aghumsigh, naviba bar ikuvigham.

2 Eghaghaniba 12:3

Atrivim Sisak uan mɨdorozir gumazir bar avɨrim ko ize, eghtɨ gumaziba me mengan iburagham. Egha a uaghan mɨsoghamin karisɨn 1,200pla ko 60,000ɨn mɨdorozir gumazir hoziabagh apia mɨsoziba iti. Mɨdorozir gumazir kaba, me kantri Isip ko kantri Libia ko kantri Suki ko kantri Itiopian gumaziba.

Jenesis 10:6

Ezɨ Hamɨn otaribar ziabar kara: Kus, Isip, Libia ko Kenan.

1 Eghaghaniba 1:8

Ezɨ Hamɨn otaribar ziabar kara: Kus, Isip, Libia ko Kenan.

2 Eghaghaniba 16:8

Nɨ kamaghɨn fo, Itiopian kantri ko Libian kantrin mɨdorozir gumaziba iza nɨ ko mɨsoke. Me mɨdorozir gumazir bar avɨriba ko mɨdorozir karisɨn bar avɨriba ko mɨdorozir gumazir bar avɨrir hoziabagh apiaghira mɨsoziba iti. Ezɨ dughiar kamɨn, nɨ nɨghnɨzir gavgavim Ikiavɨra Itir Godɨn ikiava, an azarazɨma, a nɨn akura. Ikiavɨra Itir God gavgavim nɨ ganɨngizɨ, nɨ me abɨra.

Esekiel 31:2

“O nguazir kamɨn gumazim, nɨ Isipian atrivim ko an gumazamizir avɨriba me mɨkɨm suam: “Ia Isipia gavgavir bar ekiam iti. Bizir manamra, ia an mɨn gavgafi?

Daniel 11:43

Egh a Isipɨn ivezir ekiaba itir bizir aghuir maba ko gol ko silvan avɨrim inigham. Egh kantri Libia ko Itiopia dɨkabɨraghtɨ, aning an apengan ikiam.

Esekiel 29:7

Me daruasa nɨn suirazɨ, nɨ dɨpɨrigha, men dɨpɨzibagh amizɨ da mɨzazir kuram ini. Me nɨn suirazɨ, nɨ mati ighurunir kɨnimɨn mɨn dɨpɨrizɨ, men sueba amɨrazɨ, me ira uan ogaba amɨki.