Nahum 3:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ O Ninive, nɨ mati tuavimɨn amizim, kamaghɨn amizɨ, God ivezir kuram nɨ ganɨdi. Nɨn ganganim bar derazɨ, nɨ kantrin igharazibagh etui, mati tuavimɨn amizim akavsiaba ko, imezibagh amua gumazibagh etui. Kantrin Igharazibar Gumazamiziba nɨ bagha ghua tuavimɨn amizimɨn mɨn nɨ ko, arazir kurabagh ami. Egha me nɨn kalabuziar gumazamizibar mɨn iti.

Nahum 3:4 ပူးပေါင်းရင်းမြစ်များ

Aisaia 47:9

Ezɨ noka, arazir kamning zuamɨra nɨ bativam. Dughiar kamra nɨn pam aremegham, eghtɨ nɨn boriba uaghan bar moghɨram arɨghiregham. Nɨ ti kamaghɨn nɨghnɨsi, nɨ imeziba ko akavsiar gavgavir avɨriba iti, ezɨ bizir kaba nɨn akuraghan kogham. Bar puvatɨgham. Nɨ bar dughiar kuram batogham.

Akar Mogomem 18:23

Eghtɨ lamɨn angazangariba ua nɨn aven isian kogham. Eghtɨ gumazamizir uarir ikiasa mɨgeir mɨgɨrɨgɨaba, da ua nɨn aven otivan kogham. Nɨn gumazamizir fomɨra dagɨaba bagha biziba amadiba, gumazamizir igharazibar damatuzibar gumazamizir bar ekiabar otifis. Ezɨ nɨ kantrin igharaziba bar dar gumazamizibagh ifara imezir igharagha garir avɨribar ingari.

Akar Mogomem 18:9

“Nguazimɨn atriviba a ko arazir mɨzɨrɨzibagh amua, egha uaghan a ko arazir kurar igharagha garibagh ami. Egh atrivir kabanagh an gantɨ avir mɨgharim an otoghtɨma, me a bagh naviba osemegh egh a bagh aziam.

Aisaia 47:8

“Nɨ dughiar aghuim baghavɨra nɨghnɨzir amizim, nɨ akar kam baragh! Nɨ ti ghaze, nɨ deravɨra ikɨtɨ, bizir kuratam nɨ batoghan kogham. Egha nɨ kamaghɨn uabɨ mɨgɨa ghaze, ‘Kɨ uabɨra kɨ gavgaviba bar iti, ezɨ tav nan mɨn itir puvatɨ. Kɨ amizir pam ko boriba ariaghirezimɨn mɨn otoghan kogham.’

Esekiel 16:35

Ikiavɨra Itir God ua kamaghɨn mɨgei: “O Jerusalem. Nɨ tuavimɨn amizim, nɨ nan akam barakigh! Kɨ Ikiavɨra Itir God.