Nahum 3:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ia oragh, benir hoziabar akɨriba ifozorozim ikia tɨngazi, ezɨ hoziabar sueba ko, karisɨn wilba tuavimɨn tɨngazi. Ezɨ karisba tuavimɨn dagɨabagh isɨn ghua nɨdi.

Nahum 3:2 ပူးပေါင်းရင်းမြစ်များ

Jeremaia 47:3

Eghtɨ hoziaba ivemar izɨtɨ, dar suer puziba puvɨra nguazim mɨsogh tɨngaghɨtɨ, me da baragham. Eghtɨ me karisbar nɨgɨnim baraghtɨ da puvɨra ivemartɨ, dar wilba pamtemɨn tɨngagham. Eghtɨ gumazamiziba bar puvɨram atiatingɨva, aregham. Eghtɨ ameboghfeziaba onganigh uan boribagh nɨghnɨghan koghɨva, me mɨzuamighan kogham.

Gumazir Dapaniba 5:22

Ezɨ hoziar atamra ivemara zuiba, me pamtem uan suebar nguazim gabɨri a tɨngaghavɨra iti.

Aisaia 9:5

Guizbangɨra, mɨdorozir gumaziba mɨdorozir korotiar aghua ghua mɨsoziba, avim bar dar isigham. Men dagarir asuaba ko men korotiar gumazibar ghuziba itiba, avim bar adar isigham. Eghtɨ osɨmtɨziba bar gɨvaghtɨma, dughiar aghuim otogham.

Joel 2:4

Odezir kaba, mati mɨdorozir hoziabar mɨn, ivemara izi.

Joel 2:5

Da mɨghsɨar orazibar uari akura ghuavanadir dughiamɨn, dar nɨgɨnim mati, karisba dagɨabagh isɨn ghua tɨngazi, egha mati tuzim isia mɨzariaba dɨkava tɨngazi. Egha mati mɨdorozir gumazir bɨzir bar ekiam, mɨdorozim damuasava ami.