Nahum 3:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ O Ninive! Men gumazamiziba puvɨra ifara gumazamizibav sozi me ariaghiri. Egha bizir avɨrim okemegha, nguibar ekiam garɨzima a bar izɨfa. Kamaghɨn amizɨ, God gumazamizir kaba bar me gasɨghasigham. Mevzika!

Nahum 3:1 ပူးပေါင်းရင်းမြစ်များ

Habakuk 2:12

“Iavzika! Ia uan nguibar ekiam damightɨ, a tugh gavgavighasa, ia gumazamizir avɨrim mɨsoghezɨ me ariaghire. Egha ia uan nguibar ekiam damightɨ, a mɨtɨgh gavgavighasa nɨghnɨgha, arazir kurar avɨribagh ami. Kamaghɨn amizɨ, ia bar ikuvigham.

Hosea 4:2

Me akar kurabar gumazamizibav gei. Me uarigh ifarava, gumazamizibav sozi me ariaghiri, egha igharazibar biziba okɨava, egha poroghamiba uari bakeir arazim gami. Me arazir kurar avɨrim saram ami, egha gumazamizibav suagharɨgha ghuavɨra iti. Ezɨ arazir kam bar ekevegha ghuavɨra iti.

Aisaia 42:24

Tinara mɨkemezɨ, apaniba iza, e Jekopɨn anabamɨn gumazamizibagh asɨghasɨki? E Israelia, tinara e isa en apanibar agharim gatɨzɨ, me izegha en biziba okeme? Ikiavɨra Itir God uabɨ arazir kam gami. E akɨrim ragha Ikiavɨra Itir God gasaragha arazir kurabagh amua, an Akar Gavgaviba batogha, a ifongezɨ moghɨn zuir puvatɨ. Kamaghɨn amizɨ, a uabɨ bizir kam gamizɨ, an oto.

Aisaia 17:14

Guaratɨzibar, apaniba iza nguibam korima, gumazamiziba bar atiatingi. Egha mɨzarazibar me itir puvatɨ. God, arazir kamɨn, en apanibar tuaviba apɨrima, me iza pazav e gamua, en biziba okeir puvatɨ.

Aisaia 24:9

Me wainɨn dɨpaba apir dughiamɨn, me ua ighiabagh amir puvatɨ. Men osɨmtɨziba me gamima, dɨpar onganim ua men akatoribar isɨngizir puvatɨ.

Onger Akaba 62:10

Ia mɨdorozir arazim ko okɨmakɨar arazim kamaghɨn aning gɨnɨghnɨghan markɨ, “Aning dera, aning e damightɨ e dagɨar avɨriba ikiam.” Ian dagɨaba ko ian biziba bar avɨrasemeghtɨ, ia kamaghɨn mɨkɨman markɨ, “Bizir kaba darara en gavgaviba.”

Nahum 2:13

Ikiavɨra Itir Godɨn Gavgaviba Bar Itim kamaghɨn Ninivebav gei, “Kɨrara ian apanim. Kɨ ian karisba dapongtɨ da bar isigham. Eghtɨ ian mɨdorozir gumaziba, laionɨn igiabar mɨn mɨdorozimɨn aven arɨmɨghiregham. Eghtɨ bizir ia igharaz darazi da iniziba, kɨ bar uam ada inigham. Eghtɨ Kantrin Igharazibar Gumazamiziba ua ian abuir gumaziba baraghan kogham.”