Nahum 2:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Dughiar bar ruarimɨn Niniven nguibar ekiam nɨmɨra iti, mati dɨpar akarem. Ezɨ datɨrɨghɨn an gumazamiziba ara nguibar ekiam ategha azenan zui, mati dɨpam apɨrizir dɨvazim akariaghɨrɨzɨ, dɨpam puvɨra ivemari. Men marazi pamten dɨa ghaze, “Ia mɨtifigh, ia mɨtifigh. Ia arɨ mangan markɨ.” Ezɨ tav mɨtɨgha uamategha zuir puvatɨ. Bar puvatɨ.

Nahum 2:8 ပူးပေါင်းရင်းမြစ်များ

Akar Mogomem 17:15

Ezɨ ensel kamaghɨn na mɨgei, “Dɨpar nɨ ganizir kabanang, amizir arazir kurabagh amim dagh isɨn aperaghav iti, dar mɨngarimra kara: da mɨkarzir igharagha gariba ko, dakoziba bar dar gumazamiziba ko, kantriba bar dar gumazamiziba ko, vaghvagha akabav geir gumazamiziba.

Akar Mogomem 17:1

Ezɨ 7plan enselɨn itarir 7plan suighizir kabanangɨn mav iza kamaghɨn na mɨgei, “Nɨ kagh izɨ. Eghtɨ kɨ amizir ivezir kuram iniamim, nɨn akaghasa. Amizir kam, arazir kurabagh amir amizim, a dɨpar ekiar avɨribagh isɨn apiav itir amizim.

Nahum 3:17

Ian gumazir dapaniba mati odezir okoruam, orangtɨzimɨn dughiam, da dɨvazibagh isɨn iti. Ezɨ aruem anadima da mɨgha ghue. Ezɨ gumazamiziba fozir puvatɨ, da managh ghue?

Jeremaia 51:30

Babilonɨn mɨdorozir gumaziba mɨdorozim ategh, mɨdorozir dɨpenir gavgavimɨn aven ikiam. Egh me amizibar mɨn ikɨva, gavgaviba puvatɨgham. Apaniba Babilonian dɨpenibar apongɨva, egh nguibabar dɨvazibar tiar akaba akaram.

Jeremaia 50:16

Ia bar Babilonia agɨfagh, eghtɨ gumazir dagheba oparitam ko, gumazir dagheba iniamiba puvatɨgham. Eghtɨ kantrin igharazir Babilonɨn itiba, ia Babilonia gasɨghasɨzir gumaziba, me ian atiatingam. Egh me zuamɨra Babilon ategh uamategh uan kantribar mangegh, uari uan gumazamizibara me ko ikiam.”

Jeremaia 46:5

Ezɨ datɨrɨghɨn manmaghɨn ami? Kɨ Ikiavɨra Itir God, kɨ Isipian garima, me bar puvɨram atiatigha ara uamategha ize. Apaniba men mɨdorozir gumazir gavgaviba dɨkabɨra, ezɨ Isipia mɨdorozim ategha zuamɨra ua ize. Me atiatir biziba da tintinibar iti. Kamaghɨn me ua ikɨgha gɨrakɨrangɨn garir puvatɨ.

Aisaia 48:20

Ia kantri Babilon ategh, nguibar kamɨn gumazamizibar arɨmangɨgh. Egh ia bar akuegh pamtemɨn tiariba akar, egh kamaghɨn akam amadaghtɨma a nguazir kamɨn ruaghatevibar mangɨ, “Ikiavɨra Itir God uamategha uan ingangarir gumazim Jekop, uam a ini.”

Aisaia 47:13

Fofozir gumazir avɨriba nɨghnɨzim nɨ ganɨdima, nɨn nɨghnɨzim deravɨra ingarir puvatɨ. Egha nɨ mɨkovezibar garir akavsiabagh amir gumaziba bagh akam amada. Gumazir kaba, me overiam ko mɨkovezibar gara zurara iakɨnibar nɨ bagha iza, bizir nɨ bativamibar gun nɨ mɨgei. Ezɨ me ti nɨn akuragham.

Aisaia 13:14

Dughiar kamɨn, gumazamiziba bar puvɨram atiatingɨva aregham, mati asɨzir atiam, gumazim ruarimɨn ghua a gasasava amima, an arav ghuzɨ moghɨn, me arɨmangegham. Egh mati sipsipbar garir gumaziba puvatɨzɨ, me onganigh pura tintinibar zui moghɨn, me tintinibar arɨ uamategh pura uan nguibabar mangam.

Jenesis 10:11

Egha Nimrot Babilon ategha Asirian amadaghan ghua nguibar ekiar kabar ingari, Ninive, Rehobotir, Kala,

Jeremaia 51:13

O Babilon, nɨ dɨpar avɨriba ko bizir aghuir bar avɨriba nɨn nguibamɨn iti. Ezɨ nɨ ikuvamin dughiam a roghɨra izegha gɨfa. Nɨn ikɨrɨmɨrim mati tretɨn mam, me datɨrɨghɨn aneghorasava ami.

Jeremaia 47:3

Eghtɨ hoziaba ivemar izɨtɨ, dar suer puziba puvɨra nguazim mɨsogh tɨngaghɨtɨ, me da baragham. Eghtɨ me karisbar nɨgɨnim baraghtɨ da puvɨra ivemartɨ, dar wilba pamtemɨn tɨngagham. Eghtɨ gumazamiziba bar puvɨram atiatingɨva, aregham. Eghtɨ ameboghfeziaba onganigh uan boribagh nɨghnɨghan koghɨva, me mɨzuamighan kogham.

Nahum 1:1

Godɨn akam inigha izir gumazim Nahum, a irebamɨn mɨn garir bizir mamɨn garima, God akar kam a ganɨngizɨ, an akɨnafarir kam osiri. Akar kam, a Niniven nguibar ekiamɨn akam. Godɨn akam inigha izir gumazim Nahum, an nguibam Elkos.

Aisaia 38:14

Kɨ mɨzazim isa ara deima, nan arareba gavgaviba puvatɨ, mati kuarazir nguzimɨn ararem. Nan arareba, da kuarazir bunbamɨn ararebar mɨn bar nɨmɨram arai. Kɨ dughiar bar ruarimɨn akurvazim iniasa, kogha overiamɨn garava araima, nan damazimning teriba ira na gamizɨ, kɨ bar amɨra. O Ekiam, kɨ osɨmtɨzir bar ekiam iti, ezɨ nɨ izɨva nan akuragh.

Aisaia 59:11

Osɨmtɨzir kaba e gamima, e bar osemegha arai, mati afiar atiaba aroi. E dughiabar aghumra ikia aziavɨra iti, mati kuarazir bunbaba aghumram arai. E Godɨn guizɨn arazim bagha mɨzua iti. Bar puvatɨ. E Godɨn akurvazim bagh an gara iti. Ezɨ a bar en saghon iti.