Nahum 2:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

^1-2 Apaniba faragha Israelia gasɨghasigha, men biziba bar da inigha ghue. Ezɨ datɨrɨghɨn Ikiavɨra Itir God, Israelɨn ziar ekiam damutɨ, a faragha ikezɨ moghɨn uam otivam. O Niniven adarasi, apaniba datɨrɨghɨn ia mɨsosi. Ia gasɨghasɨghamin gumazim izegha gɨfa. Ia mɨdorozir gumaziba arɨghtɨ me ian nguibar ekiamɨn okarigham. Ia bar deravɨra tuavibar gan. Ia mɨsoghsɨ tuivigh gavgavigh gan.

Nahum 2:1 ပူးပေါင်းရင်းမြစ်များ

2 Eghaghaniba 25:8

Nɨ kamaghɨn fogh, God uabɨra gumazibar amutɨ, me uan apaniba abɨragham, o men apaniba me abɨragham. Kamaghɨn amizɨ, pura bizim, nɨ uan mɨdorozir gumaziba ko Israelian mɨdorozir gumaziba inigh mɨdorozim bagh mangɨ, egh atiatingan koghɨva bar pamtem mɨsogham. God nɨn apanibar amightɨ, me nɨ abɨragham.”

Jeremaia 50:23

Babilon mati haman mam, tintinibar nguazir kamɨn kantriba bar da mɨsaragharɨki. Ezɨ datɨrɨghɨn ia Babilonɨn apaniba, kantrin kam apɨrigh, a gasɨghasɨkigh, datɨrɨghɨn haman kam bar mɨsarighiregham. Eghtɨ Kantrin Igharazibar Gumazamiziba an ganigh, bar dɨgavir kuram damigh, bar moghɨram atiatigham.”

Aisaia 14:6

Atrivir kaba pura gumazamizibar anɨngaghegha paza me gami. Egha me arazir kurabar kantrin igharazibagh amua, me gasɨghasɨghan avughsir puvatɨ. Me dughiaba bar, kantrin igharazibar atara osɨmtɨzir kuraba me ganɨga me gatifa.

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Onger Akaba 50:14

“Kamaghɨn deragham, ia bar God mɨnabagh. Kamaghɨn garir ofa ia a damu. Kɨ Godɨn Bar Pɨn Itim, bizir aghuir ia na danɨngasa mɨkemegha gɨvaziba, ia da isɨ na danɨng.

Onger Akaba 65:2

Nɨ guizbangɨra en mɨgɨrɨgɨaba barasi. Kamaghɨn, e gumazamiziba bar moghɨra nɨ bagh mangam.

Aisaia 29:7

Eghtɨ kantrin igharazibar mɨdorozir gumazir avɨrir Ariel ko mɨsogha paza a gamiziba, da uam ikian kogham. Ezɨ me nguibar ekiam iniasa ingarizir dakoziba, da pura gɨvagham, mati Jerusalemia irebar kuramɨn men ganizɨ mokɨn. Egh mati irebamɨn mɨn garir bizim dɨmangan otogha zuamɨra pura zui moghɨn, an apaniba zuamɨra bar gɨvagham.

Aisaia 29:8

Ezɨ kantrin avɨribar mɨdorozir gumazir avɨrir kaba, Saionɨn Mɨghsɨam ko mɨsoghasa ize, egh me bar a dɨkabɨraghan kogham. Bar puvatɨgham. Mati mɨtiriam azir gumazim irebamɨn garava, an aven api, egha an osezir dughiamɨn, a uabɨ barazi, mɨtiriam an aghavɨra iti. Egha mati gumazim dɨpam amasa kuarim bar a mɨsɨngi, egha a irebamɨn aven gari, a dɨpam api. Egha, a dɨkavizir dughiamɨn, a uabɨ barazi, kuarim an pɨravɨra iti.

Aisaia 52:7

Godɨn akar aghuim inigha izir gumazamizibar darorim, a bar dera. Me mɨghsɨabar pɨn ikegha akar aghuim inigha iza Saionɨn aven iza kamaghɨn mɨgei, “Ia dabirabir aghuim ko navir amɨrizimɨn ikɨ! Bizir bar aghuiba ia bativam, God ian akurvaghtɨ ia deravɨra ikiam. Eghtɨ ia Saionɨn gumazamiziba, ian God, an atrivimɨn ikiam.” Eghtɨ gumazamiziba akam inigha izir gumazamizibar gansɨ bar akuegham.