Nahum 1:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ikiavɨra Itir God, an arazir aghuibar e gami. Osɨmtɨzibar dughiabar a uan gumazamizibar mogomer danganimɨn mɨn ikia, egha gumazamizir a bagha zuiba, a men akurvasi.

Nahum 1:7 ပူးပေါင်းရင်းမြစ်များ

2 Timoti 2:19

Ezɨ God mati gumazim dɨpenimɨn ingari moghɨn, a uan siosɨn ingarasa dɨpenir akɨnir gavgaviba akunizɨ da tugha ikia gavgafi. Egha dɨpenir akɨnir kabar a kamaghɨn osiri, “Ekiam bar uan gumazamizibagh fo.” Egha ua kamaghɨn osiri, “Gumazamizir Ekiamɨn ziam itiba, me akɨrim ragh bar arazir kurabagh asaragh.”

Jon Osirizir Akar Aghuim 10:27

Nan sipsipba nan tiarim barasi, ezɨ kɨ me gɨfozɨ, me nan gɨn izi.

Jon Osirizir Akar Aghuim 10:14

“Kɨ uabɨ kɨ sipsipbagh eghuvir gumazir aghuim. Afeziam na gɨfozɨma, kɨ Afeziam gɨfozɨ moghɨra kɨ uan sipsipbagh fo, ezɨ nan sipsipba na gɨfo. Ezɨ kɨ sipsipbar akurvaghsɨ, me bagh aremegham.

Onger Akaba 100:5

E fo, Ikiavɨra Itir God arazir aghuibaram amua, egha zurara bar en apangkuvighavɨra iti. A damuasa mɨkemegha gɨvazir biziba, a zurara dagh amua kamaghɨra iti.

Onger Akaba 27:5

Eghtɨ osɨmtɨziba otivamin dughiamɨn a uan Dɨpenimɨn bar deravɨra na modogham. A na isɨ uan Purirpenimɨn aven na modogham. A na isɨ dagɨar gavgavimɨn pɨn mar na afagham.

Aghuzir Akaba 18:10

Ikiavɨra Itir Godɨn ziam mati dɨpenir gavgavim. Eghtɨ gumazir aghuiba, ivemarɨva an mangɨva deraghvɨra ikiam.

Onger Akaba 1:6

Guizbangɨra, gumazamizir Ikiavɨra Itir Godɨn damazimɨn deraziba, a me geghuv deragh men ganam. Eghtɨ gumazamizir arazir kurabagh amiba, me bar ikuvigh ovegham.

Galesia 4:9

Ezɨ datɨrɨghɨn ia Godɨn boroghɨn zui. O kɨ kamaghɨn mɨkɨmam, God ian boroghɨn zui. Ia kamaghɨn nɨghnɨgha ghaze, ia zurara Moses Osirizir Arazibar dughiar ekiaba ko iakɨnir igiabar dughiaba ko azenir igiabar dughiaba ko dagheba otir dughiabar gɨn mangam. Manmaghsua ia ua nguazim ko overiamɨn bizibagh ativagha dar garir pura duar kurabar gɨn zui? Da gavgaviba puvatɨ. Ia ti uamategh dar ingangarir gumazir kɨnibar ikiasa?

Aisaia 25:4

Gumazamizir biziba puvatɨziba, nɨ deravɨra me geghuva men gari. Gumazamizir onganarazibagh amiba, osɨmtɨzibar dughiamɨn itima, nɨ men mogomer danganir bar gavgavimɨn mɨn iti. Atrivir kurabar adariba ko anɨngaghariba, mati amɨnir gavgavim iza dɨpenir bɨrim ginifi. Ezɨ nɨ mati averpenim me avarazɨ, amɨnir gavgavim izɨva me gɨnobaghan kogham. Ezɨ gumazir kurabar adariba, mati aruemɨn fefem dɨpaba puvatɨzir danganimɨn ikegha pamtem me gisira. Ezɨ nɨ mati, me tememɨn dughuazimɨn apengan ikia, aruemɨn fefemɨn uari apasi. Ezɨ amɨnim ko amozimɨn dughiamɨn, nɨ biziba puvatɨzir gumazamiziba avarazɨ me deravɨra iti, ezɨ aruer gavgavim me gapongezir puvatɨ, mati overiamɨn ghuariaba aruemɨn fefeim avarazɨ, nguibam bar orangi. Nɨ ifaghatir apanibar akaba dukumizɨ, atrivir kurabar dɨmdiaba pura gefi.

1 Eghaghaniba 16:34

Ikiavɨra Itir Godɨn Araziba bar dera, ezɨ a zurara en apangkuva ikia mamaghɨra iti. Kamaghɨn amizɨ, e bizir kam bagh a mɨnabagham!

Jeremaia 33:11

Egh me navir aghuimɨn ikɨva, bar akuegh poroghamiba uarir ikiamin isabar amuam. Egh gumazamiziba na mɨnabir ofaba inigh Ikiavɨra Itir Godɨn Dɨpenimɨn izam. Egh me ofaba inigh izɨ, kamaghɨn ighiaba bangam: “Ikiavɨra Itir Godɨn Gavgaviba Bar Itim bar deravɨra e gami. A zurara bar en apangkufi. Kamaghɨn, e a mɨnamam. “Dughiar kamɨn, kɨ Ikiavɨra Itir God, kɨ nguazir kam damightɨ a fomɨra ikezɨ moghɨn ua deravɨram otogham.

Onger Akaba 86:7

Kɨ fo, nɨ na baregh nan akurvagham. Kamaghɨn, kɨ osɨmtɨzim itir dughiam, kɨ uabɨn akurvaghasa nɨn dei.

Aisaia 32:2

Gumazamiziba akurvazim bagh izɨtɨ, gumazir dapanir kaba deravɨra vaghvagh bar deravɨra men akurvagham. Gumazir dapanir kaba, gumazamizibar danganir mogomemɨn mɨn ikiam, eghtɨ dughiar amozir ekiaba ko amɨnir ekiaba izɨtɨ, me mangɨ men uari mongam. Eghtɨ me mati dɨpaba puvatɨzir danganimɨn, dɨpam ivemara an zui moghɨn ikɨ, egh mati dagɨar ekiam aruem apazagha, danganir orangtɨzimɨn mɨn iti. Aruem bar gavgavightɨ, gumazamiziba mangɨ an apazangɨn dapiagh ikɨ avughsam.

Onger Akaba 25:8

Ikiavɨra Itir God bar dera, ezɨ an araziba bar guizbangɨra. Kamaghɨn amizɨ, a gumazamizir arazir kurabagh amiba, a uan arazibar gɨn mangasa men sure gami.

Daniel 3:28

Ezɨ atrivim kamaghɨn mɨgei, “E bar Satrak, Mesak, ko Abetnego, men Godɨn ziam fam. God uan ensel amadazɨ a 3plan gumazir an ziam fa egha nɨghnɨzir gavgavim an itibar akura. Me nan akam batuegha ovengan atiatingizir puvatɨ. Egha godɨn igharazitam tevimning apɨrigha an ziam feir puvatɨ. Me uan Godɨn ziamra fe.

Onger Akaba 71:3

Nɨ dagɨar ekiamɨn mɨn na modogh. Nɨ dɨvazir gavgavimɨn mɨn ikɨ na ekɨarughtɨ, nan apaniba na abɨnan kogham. Kɨ nɨn aven modogh ikiam. Nɨrara deragh na geghuv nan gantɨ, kɨ deragh ikiam.

Onger Akaba 91:15

Eghtɨ me na ko mɨkɨmtɨ, kɨ me baragham. Egh osɨmtɨzim me batoghtɨ kɨ me ko ikɨva, ua me inigh ziar ekiam me danɨngam.

Onger Akaba 59:16

Osɨmtɨzir bar avɨriba faragha na bativizɨ, nɨ nan dɨvazimɨn mɨn iti. Kɨ nɨn aven modogha itima nɨ bar deragha nan gari. Kamaghɨn, kɨ mɨzarazibar vaghvagh nɨn gavgavim ko apangkuvir arazim gɨnɨghnɨgh, ighiabar amu nɨn ziar ekiam fam.

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

Daniel 6:23

Ezɨ atrivim bar akuegha laionbar mozimɨn Daniel gekuigh azenim darɨghasa gumazibav gei. Me mozimɨn a gekuigha azenim gatɨgha gɨvagha, an garima, Daniel guizbangɨra nɨghnɨzir gavgavim Ikiavɨra Itir Godɨn iti, kamaghɨn amizɨ, laionba duatam a gatɨzir puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 11:22

Kamaghɨn amizɨ ia deravɨra nɨghnɨgh. God arazir aghuibagh amua, uaghan ivezir kuraba anɨdi. Gumazamizir an arazibar gɨn zuir puvatɨziba, a ivezir kuram me ganɨdi. Ia an arazir aghuibar suiragh tugh gavgavightɨma, an arazir aghuibar ia damuam. Ia dar amuan koghtɨma, a uaghan ia aghoregham.

2 Eghaghaniba 32:21

Ikiavɨra Itir God aningɨn dɨmdiam baregha enselɨn mam amadazɨ, a Asirian atrivimɨn mɨdorozir gumaziba itir danganimɨn ghua, gumazir dapaniba ko, mɨdorozir gumazir bar gavgaviba ko, mɨdorozir gumazibar garir gumazir dapanibav soghezɨ me bar ariaghire. Kamaghɨn amizɨ, Atrivim Senakerip bar aghumsigha, uamategha uan kantrin ghu. Egha gɨn, a uan asemɨn ziam fasa, an dɨpenimɨn aven ghuzɨ, an otarir maba iza mɨdorozir sababar a mɨsoghezɨ, an areme.

Matyu 27:43

A nɨghnɨzir gavgavim Godɨn ikia, egha ghaze, kɨ Godɨn Otarim. Eghtɨ God guizbangɨra ifongiam an ikɨva, datɨrɨghɨn an akuraghtɨ, e ganika!”

Matyu 7:23

Eghtɨ kɨ Dughiar kamɨn bighɨvɨra me mɨkɨm suam, ‘Kɨ tong ia gɨfozir puvatɨ. Ia gumazamizir arazir kurabagh amiba, ia na gitagh!’ ”

Esra 3:11

Me bar akongegha uarira uari ikarvazir ighiabagh amua Ikiavɨra Itir Godɨn ziam fava a mɨnabi: “Ikiavɨra Itir God, a bar dera! Guizbangɨra, a zurara Israelian apangkuvigha mamaghɨra iti.” Me gara guizbangɨra fo, ingangarir gumaziba Ikiavɨra Itir Godɨn Dɨpenimɨn dagɨar ekiar an apengan ikɨ gavgavim a danɨngamiba, me da arɨghizɨ da iti. Kamaghɨn amizɨ, me bar uan gavgavibar pamtemɨn tiariba akara Ikiavɨra Itir Godɨn ziam fe.

2 Eghaghaniba 32:11

Kɨ fo, Hesekia kamaghɨn ia mɨgei, Ikiavɨra Itir God, a ian God, a ian akuraghtɨ, e Asiriaba ia gasɨghasighan kogham. Hesekia ia gifari, ia nɨghnɨzir gavgavim an akabar ikɨ e ateghtɨ, e ian nguibar ekiam inigham koghtɨ, ia uari bagh ganigh. E ia ekɨarughtɨ, ia damamin dagheba ko, dɨpaba puvatɨgh arɨghiregham.

2 Eghaghaniba 32:8

Asirian atrivim, a gumaziba da uan gavgavim ini, ezɨ en gavgavim, a Ikiavɨra Itir God, en Godra. A e ko ikɨ en akuragh, en mɨdorozibar aven, an e bagh en apaniba abɨnam.” Gumazamiziba atrivimɨn akaba barazima, akar kaba gavgavim men navibagh anɨngi.

1 Eghaghaniba 5:20

Ezɨ mɨdorozimɨn dughiamɨn, Israelia uarir akurvaghasa Godɨn diagha an azai. Ezɨ God men akurazɨ me uan apanir kaba abɨra. Me bar uarir akurvaghasa nɨghnɨzir gavgavir ekiam Godɨn itima, God men akura.

Onger Akaba 20:1

Nɨ osɨmtɨzim ikiamin dughiamɨn, Ikiavɨra Itir God nɨn dɨmdiam ikaragh nɨn akurvagham. A en ovavim Jekopɨn God, a nɨ geghuv nɨn ganam.

Onger Akaba 37:39

Ikiavɨra Itir God uabɨ, gumazamizir an damazimɨn derazibar akura. Me osɨmtɨzibar aven ikiava, a baghavɨra ghua an aven modima, a me geghuva deragha men gari.

Onger Akaba 37:40

Ikiavɨra Itir God men akuragha ua me ini. Me an boroghɨn ikia an aven modi. Ezɨ a gumazamizir kurabar dafaribar uam me inizɨ, me deraghavɨra iti.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Jeremaia 17:17

Nɨ na damutɨ kɨ bar puvɨram atiatingan markɨ. Puvatɨ. Nɨ dughiar kurabar aven, nan mogomer danganir aghuimɨn mɨn iti.

Jeremaia 24:5

“Kɨ Ikiavɨra Itir God, Israelian God, kɨ ghaze, Judan gumazamizir kɨ me batoghezɨ, me ghua Kaldian nguazimɨn ghueziba, kɨ men garima, me mati fighɨn ovɨzir aghuiba.

Joel 3:16

Ikiavɨra Itir God, Jerusalemɨn aven Saionɨn Mɨghsɨamɨn pamtemɨn deima, an dɨmdiam mati ararim dagarvasi, ezɨ overiam ko nguazim nɨsi. Ezɨ God uan gumazamizibagh eghufi, eghtɨ me ikuvighan kogham. A Israelian mogomer danganimɨn mɨn iti.

Sefanaia 3:12

Eghtɨ gumazamizitaba, kɨ me ateghtɨ me Jerusalemɨn nguibamɨn ikiam. Me bizir avɨriba puvatɨgh guizbangɨra uari dɨkabɨragham. Egh na bagh izɨ uarir akurvaghsɨ nan azangsɨgham.

2 Eghaghaniba 13:18

Dughiar kamɨn, Judaba kamaghɨn fo, Ikiavɨra Itir God, a men inazir afeziabar God, a mɨdorozimɨn men akurvagham. Me nɨghnɨzir gavgavim Godɨn iti, kamaghɨn amizɨ, me Israelia gafiragha bar me abɨra.

Onger Akaba 9:10

O Ikiavɨra Itir God, gumazamizir nɨ bagha iziba, nɨ akɨrim giragha me gasir puvatɨ. Kamaghɨn gumazamizir nɨ gɨfoziba, me nɨghnɨzir gavgavim nɨn iti.

Onger Akaba 46:2

Mɨkɨmkɨziba otivtɨ, mɨghsɨaba dɨpɨrighɨrɨ ongarir torimɨn magɨrɨtɨ, e atiatingan kogham.

Aisaia 50:10

Ia Ikiavɨra Itir Godɨn atiatia an apengan ikia, an ingangarir gumazimɨn akabar gɨntɨziba, ia atiatingan markɨ. Ia angazangarim puvatɨgha mɨtarmemɨn arui darasi, ia nɨghnɨzir gavgavim Ikiavɨra Itir Godɨn ikɨva a mɨzuam ikɨ.