Nahum 1:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ God uan gavgavim akazɨ, mɨghsɨaba agoa nɨgha, dɨpabar mɨn otifi. A uan gavgavim akazɨ, mɨkɨmkɨzim nguazim ginobagha a gamima a nɨsi, ezɨ gumazamiziba uaghan agoa nɨsi.

Nahum 1:5 ပူးပေါင်းရင်းမြစ်များ

Maika 1:4

Eghtɨ mɨghsɨaba an suemningɨn apengan dɨpabar mɨn otivigham, mati kendel isia amera izaghira dɨpamɨn mɨn emɨri. Mɨghsɨar kaba, irɨ danganir zaribar otivigham, eghtɨ dagɨaba poghpogh izighirɨ, mati dɨpam mɨghsɨabar ikegha ivemara izaghiri.

Jeremaia 4:24

Ezɨ kɨ mɨghsɨabar garima, mɨkɨmkɨzim adagh nuabima, dar ghuaba mangɨgh zeghi gami.

2 Samuel 22:8

Kamaghɨn amizɨ, a nan apanibar atari. Egha mɨkɨmkɨzim gamizɨ an otogha, overiabagh inobaghnobasi.

Onger Akaba 68:8

Bar guizbangɨra, Israelian God, nɨ izegha gɨfa. Nɨ izegha gɨvazɨ, Sainain Mɨghsɨam mɨkɨmkɨzim a gunabavɨra iti. Mɨkɨmkɨzim otozɨ amozir dafam arɨki.

Gumazir Dapaniba 5:5

Mɨghsɨaba Ikiavɨra Itir Godɨn damazimɨn vazvasi, a Sainaian God, a Ikiavɨra Itir God, Israelian God.

Onger Akaba 114:6

O mɨghsɨar ekiaba, ia manmaghsua memebar mɨn uari akuri? O mɨghsɨar doziba ia manmaghsua sipsipɨn nguzibar mɨn uari akuri?

Onger Akaba 114:4

Ezɨ mɨghsɨar ekiaba memebar mɨn uari akuri. Ezɨ mɨghsɨar muziariba sipsipɨn nguzibar mɨn uari akuri.

Onger Akaba 98:7

Nɨ ongarim, nɨ ko nɨn itir osiriba, ko bizir nɨn aven itiba, ia bar pamten dɨm mɨkɨm. Nɨ nguazim, nɨ ko nɨn itir gumazamiziba ko bizir nɨn itiba, ia bar onger akabar amu.

Onger Akaba 46:6

Kantrin avɨribar gumazamiziba dɨgavir kuram damigh uarira uariv sogham. Eghtɨ atriviba uan gumazamiziba ko bar iregham. Eghtɨ Godɨn tiarim ararimɨn mɨn dagaraghtɨ, nguazim puram ameregh magɨram.

Ua Me Ini 19:18

Ezɨ Ikiavɨra Itir God avimɨn aven ikia, egha izaghira Sainain Mɨghsɨamɨn iti, ezɨ mɨgharir ekiam mɨghsɨam bar anevara. Mɨgharir kam ghuavanaga, mati avir ekiamɨn mɨgharim ghuavanadi. Ezɨ mɨkɨmkɨzir ekiam mɨghsɨamɨn oto.

Akar Mogomem 20:11

Egha kɨ atrivir dabirabir ghurghurir ekiamɨn garima a iti, ezɨ gumazir a gapiaghirim, kɨ an garima a iti. Ezɨ nguazim ko overiam aning arav ghu, eghtɨ gumazitam uam aningɨn ganan kogham.

Matyu 28:2

Ezɨ mɨkɨmkɨzir ekiam maghɨram oto. Ezɨ Godɨn enselɨn mam Godɨn Nguibam ategha izaghira, dagɨar Iesusɨn mozir akamɨn itim poghpuegha, mong mozir apɨnimɨn ghugha, dagɨam gaperaghav iti.

Matyu 27:51

Ezɨ dughiar kamra, Godɨn Dɨpenimɨn guraghav itir inir ekiam pɨn ikegha tongɨra bigha, ghuaghira vɨn otogha akuar pumuning irɨ. Ezɨ mɨkɨmkɨzim otozɨma, dagɨar ekiaba bɨaghire.

Akar Mogomem 6:14

Overiam mati, akɨnafarir bar dafam me a righa anetɨzɨ moghɨn, a uan danganim ataki. Ezɨ mɨghsɨaba ko arighatɨziba bar uan danganiba ategha, sɨvagha ghue.

Onger Akaba 18:7

Kamaghɨn amizɨ, a nan apanibar atari. Egha mɨkɨmkɨzim gamizɨ an otogha, mɨghsɨabagh inobaghnobasi.

Aisaia 5:25

Ikiavɨra Itir God uan gumazamizibar anɨngaghe. Egha datɨrɨghɨn uan agharim ghufegha me gasɨghasɨghasa gara iti. A dughiar vamɨran agharim akunightɨ, mɨkɨmkɨzim otoghtɨ, mɨghsɨaba ivazvaghtɨ, gumazamizir bar avɨrim arɨghiregham. Eghtɨ men kuaba nguibar ekiamɨn tuavibar buarir pozibar mɨn pura tintinibar ireghɨv ikiam. Ikiavɨra Itir God kamaghɨn damuam, eghtɨ bizir kam an anɨngagharim agɨvaghan kogham. Puvatɨ. A ivezir kuram isɨ me danɨngvɨra ikiam.

Aisaia 24:1

Ia deravɨram oragh! Ikiavɨra Itir God nguazim bar a gasɨghasɨghtɨ, a bar nguazir kɨnimɨn otoghtɨ gumazamiziba puvatɨgham. A nguazim dɨkaragh a rɨghɨrigham. Egh a gumazamizibar amightɨ, me arɨ tintinibar mangegham.

Aisaia 24:20

Nguazim ivazvagh, mati gumazim wainɨn dɨpam apava onganigha mangɨn izegh gami. Egh mati averpenir muziarimɨn mɨn, amɨnir gavgavim a givaima, a mangɨn izegh damuam. Gumazamizibar arazir kuramɨn osɨmtɨzim, bar osemezɨ nguazim an ateran ibura. Kamaghɨn amizɨ, nguazim irɨgh, ua dɨkavighan iburagham.”

Joel 2:10

Me zuima nguazim mati mɨkɨmkɨzim a gɨnobazɨ a ivazvasi, ezɨ overiam mati God a gɨnobazɨ a nɨdi. Ezɨ aruem ko iakɨnim mɨtarmangizɨ, mɨkoveziba ua isir puvatɨ.

Sekaraia 4:7

Eghtɨ bizir ekiaba mati mɨghsɨaba nɨn tuavim apɨrtɨ, kɨ bar da batueghtɨ da voroghɨra ikiam. Eghtɨ nɨ ua nan Dɨpenimɨn ingaram, egh nɨ dagɨar abuananam nan dɨpenim datɨghtɨ, gumazamiziba tiariba akar suam, ‘Dɨpenir kam a bar dera. God deraghvɨra a damu!’ ”

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Jopɨn Akɨnafarim 9:5

Egh an anɨngagheghamin dughiamɨn, a zuamɨra mɨghsɨabagh isɨvaghsɨvazi, da zui, egha bar moghɨra dagh asɨghasɨsi.

Jopɨn Akɨnafarim 26:11

God atarir dughiamɨn, mɨghsɨaba ko overiam dɨgavir kuram gamua agoa nɨsi.

Onger Akaba 18:8

Mɨgharim Ikiavɨra Itir Godɨn atinimɨn otivaghiri, ezɨ avim an akamɨn otivaghira bizir avɨribar isi. Egha mɨzariaba ira tintinibar zui.

Onger Akaba 104:32

A nguazimɨn garima, mɨkɨmkɨzim puram a batifi. A dafarim mɨghsɨabagh arɨzima, mɨghariba pura dar otifi.

Jeremaia 10:10

Ezɨ Ikiavɨra Itir God, a guizbangɨra God. A Godɨn zurara ikia mamaghɨra itim, egh atrivimɨn ikɨ mamaghɨra ikiam. Ezɨ an anɨngagharim nguazim gamima, a ivazvasi, eghtɨ gumazamiziba deraghvɨra ikian kogham.

Esekiel 38:20

Ongarimɨn itir osiriba, ko overiamɨn itir kuaraziba, ko nguazimɨn itir asɨzir ekiaba ko doziba, ko gumazamizir nguazir kamɨn itiba, da bar nan damazimɨn puvɨra akongɨva atiatingam. Mɨghsɨaba irɨtɨ danganir kuraba bɨghiram, eghtɨ nguibar ekiaba avɨnizir dɨvaziba akarighiram.

Amos 9:5

Ikiavɨra Itir Godɨn Bar Gavgaviba Itim, a en Ekiam, a uan dafarimɨn nguazimɨn suirazɨ, mɨkɨmkɨzim a gɨnobaghnobasi. Eghtɨ nguazimɨn itir gumazamiziba, men naviba osemeghtɨ me arangam. Eghtɨ nguazir kamɨn danganiba bar akongam. Mati Isipɨn kantrin itir Nailɨn Fanemɨn aperiam otogha buigha ua mɨkɨrɨzɨ moghɨn, nguazir kam bar buigh ghuanabogh izighiram.