Nahum 1:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ An ongarim dagarvagh an atartɨ, ongarim dakegham. Egha uaghan fanebagh ami da dati. Egh a suam, biziba ikuvigham, eghtɨ azeniba ko, grazir aghuariba mɨsɨngigh arɨmɨghiregham. Basanɨn nguazir aghuimɨn itir azeniba ko, Karmelɨn Mɨghsɨamɨn itir temeba ko, Lebanonɨn kantrin itir akɨmariba, da bar mɨdiava ariaghiri.

Nahum 1:4 ပူးပေါင်းရင်းမြစ်များ

Aisaia 33:9

Ezɨ nguazim uabɨ bar osemegha azirakabagh amima, an gavgavim gɨfa. Lebanonɨn ruaribar temeba mɨdɨi, egha bar aghumsɨki. Ezɨ Saronɨn Danganir Zarim bar mɨsɨngigha dɨpaba puvatɨzir danganim gava. Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri.

Onger Akaba 106:9

An Akar Gavgavim Ongarir Aghevim ganɨngi, ezɨ a dakegha mɨsɨngi. Ezɨ a gumazamiziba inigha ongarir torir kamɨn apengan itir nguazimɨn tuavir dakɨrtɨzimɨn zui.

Aisaia 51:10

Egha nɨrara, gumazamiziba fɨrighɨrɨgh daru mangasa ongarir konim gamizɨma, a mɨsɨngizɨ tuavim oto.

Aisaia 44:27

Kɨ kamagh mɨkɨm suam, ongarim nɨ dakegh, eghtɨ a dakegham. Egh kɨ uaghan faner uaghira ongarim ginivizibar amightɨ, da mɨsigham.

Onger Akaba 114:5

O Ongarim, nɨ manmaghsuava arav ghu? O Jordanɨn Fanem, nɨ manmaghsua ua ivemari puvatɨ?

Onger Akaba 114:3

Dughiar kam, Ongarir Aghevim Godɨn gavgavimɨn garava egha arav ghu. Ezɨ Jordanɨn Fanem pura mɨtɨghav ikia ua ivemarir puvatɨ.

Onger Akaba 104:7

Nɨ gɨn ongarim pamten a mɨkemezɨ an arav ghu. Nɨn tiarim ararimɨn mɨn dagarvazima, ongarim a baragha a foregha ghugha gɨfa.

Onger Akaba 74:15

Faneba ko daghuriba, nɨ dɨpaba dagh atɨzɨ da ivemara uaghiri. Nɨ faner ekiabagh ami da dati.

Matyu 8:26

Ezɨ a kamaghɨn me mɨgei, “Ian nɨghnɨzir gavgavim bar sufi. Ia tizim bagha atiati?” Egha a dɨkavigha amɨnim ko ongarim mɨgɨrɨgɨar gavgavim aning ganɨngizɨ, amɨnim gɨvazɨ, dɨpam uam amɨraghirɨ.

Amos 5:8

God mɨkovezir kamning Guezam ko, Iavibamɨn ingarigha, egha uaghan mɨkovezir pɨn ikia angazangarim anɨdiba sara ingari. A mɨtarmer bar pɨzim gɨrazɨ, angazangarim oto. Egha angazangarim gɨrazɨ mɨtatem oto. Egha ongarimɨn deima, a izima, an a isa nguazim ginge. A gumazir gavgaviba ko men dɨpenir gavgaviba sarama asɨghasɨsi. God bar bizir kabagh ami, ezɨ an ziam, Ikiavɨra Itir God.

Amos 1:2

Amos kamaghɨn mɨgei: “Ikiavɨra Itir God, Jerusalemɨn nguibar ekiamɨn Saionɨn Mɨghsɨamɨn iti. Egha an azenan iza pamtemɨn dɨa dagarvasi. Ezɨ grazir aghuariba ko, Karmelɨn Mɨghsɨamɨn orazimɨn itir terafariba bar mɨsɨngi.”

Esekiel 30:12

Kɨ Nailɨn Fanem damightɨ a dakegham. Egh Isip isɨ gumazir arazir bar kurabagh amibar dafarim datɨgham. Egh kɨ azenan izezir gumazamizibar amamangatɨghtɨ, me izɨ nguazim ko a gisɨn itir biziba bar dagh asɨghasigham. Kɨ Ikiavɨra Itir God, kɨ kamaghɨn mɨkeme.

Jopɨn Akɨnafarim 38:11

Kɨ ongarim mɨgɨa ghaze, ‘Nɨ ongarir ekiam, nɨ dɨkav bar pɨn mavanang dɨpɨr izɨ kaghɨra tugh. Nɨ mɨtaghniar kam fagh vongɨn mangan markɨ.’

Jenesis 8:1

Ezɨ dughiar kamɨn God Noa ko asɨzir a ko kurimɨn itiba gɨn amadazir puvatɨ, a me gɨnɨghnɨghavɨra ikiava amɨnim amadazɨ a dɨpam gisɨn ivaima dɨpam sɨvagha uaghiri.

Josua 3:16

Ezɨ dɨpam bar pɨrigha ivemari puvatɨgha, buigha mɨghsɨar mamɨn mɨn tughav iti. Fanem bua ghuavanaga Adamɨn nguibar ekiamɨn tu, a Saretan nguibar ekiamɨn boroghɨn itir nguibam. Ezɨ fanemɨn dɨpar ivemara Amangsɨzim Itir Dɨpar Akaremɨn zuim, a bar mɨsɨngi. Ezɨ gumazamiziba fanemɨn vongɨn ghua Jerikon nguibamɨn boroghɨn oto.

2 Samuel 22:16

O Ikiavɨra Itir God, nɨ men atarir adarir kam, mati amɨnir ekiam nɨn atinimɨn otogha me gɨva me munamadi. Nɨn adarir kam ongarim gamizɨ, a bar mɨsɨngi, ezɨ bizir nguazir mɨngarimɨn suiraziba, bar azenim gire.

Aisaia 42:15

Kɨ mɨghsɨaba bar dagh asɨghasigh, egh temeba ko grazibar amightɨ, da mɨsigham. Egh kɨ faner ekiaba ko dɨpar akarebar amightɨ, da bar dakegham.

Esekiel 38:20

Ongarimɨn itir osiriba, ko overiamɨn itir kuaraziba, ko nguazimɨn itir asɨzir ekiaba ko doziba, ko gumazamizir nguazir kamɨn itiba, da bar nan damazimɨn puvɨra akongɨva atiatingam. Mɨghsɨaba irɨtɨ danganir kuraba bɨghiram, eghtɨ nguibar ekiaba avɨnizir dɨvaziba akarighiram.

Onger Akaba 18:16

Ikiavɨra Itir God pɨn ikia uan agharim amadazɨ, a izaghira nan suiragha na gekui. An ongarir bar konimɨn uam na inigha azenim gatɨ.