Nahum 1:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ikiavɨra Itir God a zuamɨram atarir puvatɨ. A Godɨn Gavgavir Ekiaba Itim, egha a zurara arazir kurabagh amir gumazamiziba mɨzazim me gasi. Ikiavɨra Itir God, danganir manamɨn mangɨtɨ, amɨnir ekiam ko amozim otivam, eghtɨ ghuariaba mati an dagarimning nguazim dɨtima, nguazim mɨneziba mɨzi.

Nahum 1:3 ပူးပေါင်းရင်းမြစ်များ

Onger Akaba 147:5

En Ekiam, a bar gavgavigha, ziar bar ekiam iti, an fofozim bar pɨn iti, ezɨ e an fofozim bativsɨ damuva avegham.

Nehemia 9:17

Me nɨn akabar gɨn mangan aghua. Me mirakelɨn gavgavir nɨ men tongɨn amiziba, me bar da gɨn amada. Me uari fa puv akaba batogha, ua Isipɨn mangɨ ua kalabuziar ingangaribar amuasa, men faragha zuir gumazim, me uari bagha anemɨsefe. O God, nɨ nguazir kamɨn gumazamizibar arazir kuraba gɨn amadi. Nɨ en kuarkuvigha e gifuegha deragha e gami, egha bar nɨmɨra nɨmɨra en atari. Nɨn apangkuvir arazim ekevegha, nɨ en inazir afeziaba akɨrim me gasarazir puvatɨ.

Onger Akaba 104:3

Nɨ uan dɨpenim dɨpar pɨn itibagh isɨn an ingari. Ezɨ overiamɨn mɨghariba, da mati nɨn karis, ezɨ amɨnim nɨ atera zui.

Onger Akaba 103:8

Ikiavɨra Itir God en kuarkuva an apangkuvim en iti. A bar en apangkuvigha zuamɨram en atarir puvatɨ.

Jems 1:19

Nan adarasi, ia deravɨra bizir kam gɨfogh. Ia bar zuamɨra kuaribar arɨgh akaba baragh, egh zuamɨra mɨkɨman markɨ, egh zuamɨra ataran markɨ.

Sekaraia 9:14

“Ikiavɨra Itir God uan gumazamizibagh isɨn azenaram otogh barir pimɨn asam. Eghtɨ an afuziba onɨmarim mɨn taghtagh zuamɨra mangam. Eghtɨ Ikiavɨra Itir Godɨn Ekiam sɨgham givigh, sautɨn amadaghan ikegh, pamtem sueba akun daru, amɨnir bar gavgavim ko, amozim sara izam.

Aisaia 66:15

Ia gan! Ikiavɨra Itir God avim sara izam, mati a uan karis daperagh amɨnir bar gavgavimɨn mɨn bar puv akɨgh izam. Eghtɨ an anɨngagharimɨn avivzariaba, an apanibar isitɨ, a ivezir kuram me danɨng, bar me agɨvagham.

Jopɨn Akɨnafarim 9:4

God nɨghnɨzir aghuim ko fofozim ko gavgavir ekiam iti. Kamaghɨn, tinara a batuegh a gafiragham? Gumaziba puvatɨ.

Dɨboboniba 14:18

‘Kɨ Ikiavɨra Itir God, kɨ zuamɨra anɨngazir puvatɨ. Kɨ zurara gumazamizibar apangkuva, egha zurara uan mɨgɨrɨgɨabar gɨn ghua guizɨn arazibagh ami. Kɨ men arazir kuraba ko arazir akaba batoziba ko, igharagha garir bizir kurar avɨriba gɨn amadi. Egha kɨ garima, arazir kurabagh amir gumaziba, me osɨmtɨziba itima, kɨ ivezir kuram me ganɨdi. Egh men boribar borir gɨn otivamiba, kɨ ivezir kuram me danɨng mangɨtɨ men igiav otaribar boriba otivigham.’

Akar Mogomem 1:7

Ia gan, a ghuariabar tongɨn izaghirasava ami, eghtɨ gumazamiziba bar uari uan damazibar an ganam. Gumazir a giniviziba, me bar uaghan an ganam. Eghtɨ nguazir kamɨn kantriba bar, dar gumazamiziba a gɨnɨghnɨgh azi naviba bar me basemegham. Are, bizir kam otivam. Guizbangɨra.

Matyu 26:64

Ezɨ Iesus kamaghɨn a mɨgɨa ghaze, “Are, nɨ mɨkemezɨ moghɨra. Kɨ guizbangɨra ia mɨgei, ia gɨn gantɨ, Gumazamizibar Otarim gavgavim itir Godɨn agharir guvim daperagh overiamɨn ghuariabagh isɨn izam.”

Jona 4:2

Egha a kamaghɨn Ikiavɨra Itir God ko mɨgɨa ghaze, “Ekiam, nɨ nan akam barakigh. Kɨ tɨghar nguibam ataghɨraghamin dughiamɨn, kɨ fo, arazir nɨ amizir kam nɨ a damuam. Kamaghɨn amizɨ, kɨ arɨ mangasa, egha ara Tarsisɨn zui. Kɨ fo, nɨ gumazamiziba bar me gifongegha, bar men apangkufi. Egha nɨ zuamɨrama atarir pu. Puvatɨ. Nɨn apangkuvim bar moghɨram en ekefe. Egha nɨ zurara uan nɨghnɨzim gɨghasa ifongeghavɨra ikia, egha gumazamizibar arazir kuraba ikarvazir puvatɨ.

Daniel 7:13

Ezɨ nan irebar kɨ dɨmagarimɨn ganizir kam, kɨ gumazir mam, a Gumazamizibar Otarimɨn mɨn kɨ an gani. A ghuariamɨn tongɨn ikegha nan boroghɨn izi. Ezɨ me a inigha ghua Fomɨra Fomɨra Itir Gumazir Kam ganɨngi.

Aisaia 19:1

Isipia bar ikuvighasa, Ikiavɨra Itir God akar kam me bagha an anɨngi. “Ia gan! Ikiavɨra Itir God ghuariam gisɨn aperaghav ikia, ivegha akɨgha Isipɨn kantrin izi. A izɨ otoghamin dughiamɨn, Isipian aseba, bar puvɨra nɨghtɨ, Isipian gumazamiziba bar puvɨram atiatingɨva, gavgaviba amɨragh magɨrɨgh bar gɨvagham.”

Onger Akaba 66:3

E Godɨn mɨkɨm suam, “Bizir nɨ amiba da bar dera. Nɨn gavgavim bar moghɨram ekefe, ezɨ nɨn apaniba bar atiatigha, nɨn damazimɨn uan teviba apɨri.”

Onger Akaba 62:11

Nan orarazim, God dughiar avɨribar kamaghɨn mɨgei, “Kɨ God, kɨ gavgavir ekiam iti.

Jopɨn Akɨnafarim 38:1

Ikiavɨra Itir God amɨnir ekiam ko amozimɨn aven ikia kamaghɨn Jopɨn akam ikaragha ghaze:

Jopɨn Akɨnafarim 10:14

Nɨ bar deravɨra nan garavɨra iti, eghtɨ kɨ arazir kuratam damightɨ, nɨ nan arazir kuram gɨn amadaghan kogham.

Joel 2:13

Ia pura uan korotiaba abɨghɨva azir arazim damuan markɨ. Ian navir averiaba aven bɨghiregh, ian ararem akagham. Ia fo, Ikiavɨra Itir God gumazamiziba bar me gifongegha bar men kuarkufi. Egha zuamɨrama atarir pu. Puvatɨ. An apangkuvim bar moghɨra men ekefe. Egha a zurara uan nɨghnɨzim gɨghasa ifongeghavɨra ikia, egha gumazamizibar arazir kuraba ikarvazir puvatɨ. Kamaghɨn amizɨ, ia ua Ikiavɨra Itir God, ian God bagh izɨ.

Onger Akaba 50:3

En God a izi, egha a nɨmɨra izir puvatɨ. Avir ekiam bizir avɨribar isia an faragha izima, amozim ko amɨnir ekiam a sara izi.

2 Samuel 22:10

God overiam kuigha izaghiri, ezɨ mɨgharir pɨziba an dagarimningɨn apengan iti.

Aisaia 29:6

Ikiavɨra Itir Godɨn Gavgaviba Bar Itim otoghɨva, arariba ko mɨkɨmkɨzim, ko nɨgɨnir bar dafam, ko amɨnir bar gavgavim, amozir bar dafam ko, avir mɨzariar bar kurar biziba bar da tueghamim sara izam.

Jeremaia 4:13

Ezɨ kɨ Jeremaia, kɨ Ikiavɨra Itir Godɨn akamɨn, kamaghɨn gumazamizibav gei, “Ia gan! Apaniba ghuariar pɨzimɨn mɨn pɨghatome, men mɨdorozir gumazibar karisba, mati amɨnir bizibagh asɨghasɨzim pamten iza tɨngagha nɨdi, ezɨ men hoziaba mati kuarazir bagabar mɨn akɨzɨrɨgha bar puvɨra izi. Evzika! E datɨrɨghɨn bar ikuvigha gɨfa.

Hosea 8:7

Men arazir kuram, mati pura amɨnir muziarim, eghtɨ arazir kurar kamra, gumazamizibagh asɨghasɨgham, mati amɨnir ekiam iza gumazamizibagh asɨghasɨsi. Egha mati witɨn azenir dagheba mɨsevir puvatɨzim, ezɨ bretbar ingaramin witba puvatɨ. Eghtɨ witɨn kurar kam dagher bar muziariba mɨseveghtɨ, kantrin igharazimɨn gumazamizibara izɨ dar amam.