Nahum 1:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Godɨn akam inigha izir gumazim Nahum, a irebamɨn mɨn garir bizir mamɨn garima, God akar kam a ganɨngizɨ, an akɨnafarir kam osiri. Akar kam, a Niniven nguibar ekiamɨn akam. Godɨn akam inigha izir gumazim Nahum, an nguibam Elkos.

Nahum 1:1 ပူးပေါင်းရင်းမြစ်များ

Sefanaia 2:13

Ikiavɨra Itir God uan gavgavimɨn Asirian gumazamizibagh asɨghasigham, kantrin kam a notɨn amadaghan iti. Egh a men nguibar ekiam Ninive gasɨghasigham. Eghtɨ nguibar ekiar kam dɨpaba puvatɨzir danganimɨn mɨn otogham, eghtɨ gumazamiziba ua an ikian kogham.

Sekaraia 9:1

Ikiavɨra Itir God kamaghɨn uan akam na ganɨga ghaze, Ikiavɨra Itir God, Distrik Hadrak ko, Damaskusɨn nguibar ekiam daperagh avughsɨ ikiam. Guizbangɨra, a uan damazimningɨn Israelian anababar gari moghɨn, a kantriba bar dar gumazamizibar gari.

Jona 1:2

“Niniven nguibar bar ekiam, an arazir kuram nan damazimɨn otogha gɨfa. Kamaghɨn amizɨ, nɨ datɨrɨghɨra mangɨ, akam akunɨva a gasɨva a mɨkɨm.”

Nahum 2:8

Dughiar bar ruarimɨn Niniven nguibar ekiam nɨmɨra iti, mati dɨpar akarem. Ezɨ datɨrɨghɨn an gumazamiziba ara nguibar ekiam ategha azenan zui, mati dɨpam apɨrizir dɨvazim akariaghɨrɨzɨ, dɨpam puvɨra ivemari. Men marazi pamten dɨa ghaze, “Ia mɨtifigh, ia mɨtifigh. Ia arɨ mangan markɨ.” Ezɨ tav mɨtɨgha uamategha zuir puvatɨ. Bar puvatɨ.

Aisaia 13:1

God kantri Babilon gasɨghasɨghasa, kamaghɨn, a irebamɨn mɨn garir bizimɨn aven, akam isa Emosɨn otarim, Aisaia ganɨngi.

Jenesis 10:11

Egha Nimrot Babilon ategha Asirian amadaghan ghua nguibar ekiar kabar ingari, Ninive, Rehobotir, Kala,

Aisaia 23:1

Bizir Tairɨn nguibar ekiamɨn otivamiba, Ikiavɨra Itir God, dar akam anɨdi: O ia gumazir kurir ekiabar ongarim garuiba, iavzika! Ian nguibar ekiam Tair, a bar ikuvigha gɨfa, ezɨ tam uam an itir puvatɨ. Ia Tarsisɨn nguazimɨn ikegha, uamategha iza Saiprusɨn Arighatɨzim ategha, uan nguibam bagha izi, egha dughiar kamɨn ia asɨghasɨghizir arazir kam baraki. Kamaghɨn amizɨ, ia naviba ikuvigh aziv arang.

Aisaia 21:1

Ikiavɨra Itir God, Babilon ikuvighamin akar kam anɨngi, an ongarimɨn boroghɨn gumazamiziba puvatɨzir danganimɨn iti. Ia oragh, osɨmtɨzir bar dafam ko, bizibagh asɨghasɨzir arazim me batogham. Apaniba izɨ mati, amɨnir bar gavgavim, Negevɨn danganim, a sautɨn amadaghan itir gumazamiziba puvatɨzir danganimɨn ikegha, pamtem ivegha iza bɨzimɨn mɨn nguazim avigha izi. Gumazamiziba puvatɨzir danganir kam, gumazamizibagh amima me bar atiati.

Aisaia 15:1

Ikiavɨra Itir God kantri Moap gɨnɨghnɨgha akar kam anɨngi: Apaniba dɨmagarimɨn iza kantri Moapɨn otogha, Arɨn nguibar ekiam gasɨghasɨsi. Me ghua Kirɨn nguibar ekiam gasɨghasɨghizɨ, Moapɨn kantri datɨrɨghɨn bar ikufi.

Aisaia 14:28

Atrivim Ahas aremezɨ azenimɨn, Ikiavɨra Itir God akar mam anɨngi. Akar kam kamakɨn:

Aisaia 22:1

Ikiavɨra Itir God, Irebamɨn Mɨn Garir Biziba Otivamin Danganir Zarim bagh akar kam anɨngi. Ia Jerusalemɨn itir gumazamiziba, ia bar manmaghɨra nɨghnigha, dɨa nɨgɨnir dafam gamua, egha bar akonge? Ia uan dɨpenir inogoribar ghuavanega pamtem deima, ian nɨgɨnim nguibar ekiamɨn ruaghateviba bar dar ghu. Ian gumazir ariaghireziba, me mɨdorozir gumazir gavgavibar mɨn mɨsoghava ariaghirezir puvatɨ.

Aisaia 19:1

Isipia bar ikuvighasa, Ikiavɨra Itir God akar kam me bagha an anɨngi. “Ia gan! Ikiavɨra Itir God ghuariam gisɨn aperaghav ikia, ivegha akɨgha Isipɨn kantrin izi. A izɨ otoghamin dughiamɨn, Isipian aseba, bar puvɨra nɨghtɨ, Isipian gumazamiziba bar puvɨram atiatingɨva, gavgaviba amɨragh magɨrɨgh bar gɨvagham.”

2 Atriviba 19:36

Ezɨ Senakerip mɨdorozir gumazir ikiavɨra itiba ko, dɨkavigha uamategha Asirian kantrin ghuegha, Niniven nguibar ekiamɨn iti.

Habakuk 1:1

Kar Godɨn akam inigha izir gumazim Habakuk, a irebamɨn mɨn garir bizimɨn aven akar kam baraki.

Malakai 1:1

Ikiavɨra Itir God, Israelia mɨkɨmasa akar kam isa Malakai ganɨngi.

Aisaia 10:5

Egha Ikiavɨra Itir God kamaghɨn mɨgei: Asirian kantrin gumazamiziba, mevzika! Me bar ikuvigham. Kɨ uan gumazamiziba puvɨra men atari. Kamaghɨn kɨ datɨrɨghɨn ingangarim isɨ Asirian kantrin gumazamizibar anɨngtɨ, me nan aghorimɨn mɨn otoghtɨ, gumazamizir nan navim gamima a ikuviziba, me ivezir kuram me danɨngɨva me gasɨghasigham.

Jeremaia 28:8

Bar fomɨra iza datɨrɨkɨn, Godɨn akam inigha izir gumaziba en faragha otifi. Me kamaghɨn mɨgɨa ghaze, Mɨdorozir ekiaba ko, mɨtiriar ekiaba ko, arɨmariar kuraba, da kantrin avɨriba bativ, uaghan nguibar ekiabar otivam.