Matyu 9:36 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁶ A gumazamizir avɨrir dafamɨn garima, men nɨghnɨziba tintinibar itima, me osɨmtɨzibar aven arua, mati sipsipbar mɨn ami, me ghuaviba puvatɨgha asaghasazibar mɨn puram arui. Kamaghɨn amizɨ, a bar men apangkufi.

Godɨn Akar Aghuim; Akar Dɨkɨrɨzir Gavgavir Igiam

³⁶ A gumazamizir avɨrir dafamɨn garima, men nɨghnɨziba tintinibar itima, me osɨmtɨzibar aven arua, mati sipsipba ghuaviba puvatɨzir moghɨn iti. Kamaghɨn amizɨ, a bar men apangkufi.

Matyu 9:36 ပူးပေါင်းရင်းမြစ်များ

Dɨboboniba 27:17

Egh men faragh mangɨ men dabirabimɨn akurvagh, mɨdorozibar aven akar gavgavim me danɨngtɨ, me deravɨra ikiam. Puvatɨghtɨ, me ghuaviba puvatɨzir sipsipbar mɨn ikiam.”

Mak Osirizir Akar Aghuim 6:34

Ezɨ Iesus ghua dɨpar dadarimɨn otogha garima, gumazamizir bar avɨriba iti. A men gari, me mati sipsipbar mɨn amua, ghuaviba puvatɨgha asaghasazibar mɨn puram arui. Kamaghɨn amizɨ, a bar men apangkufi. Egha a bizir avɨribar men sure gami.

Jeremaia 50:6

“Nan gumazamiziba sipsipbar mɨn ovegha iti. Me geghuvir gumaziba me gamima me tuavir aghuim ataki, egha tintinibar mɨghsɨamɨn arui. Me tintinibar mɨghsɨamɨn arua, egha uan avughsir danganir dɨvazim itim gɨn amada.

Matyu 14:14

Ezɨ Iesus ghua dɨpar dadarimɨn otogha garima, gumazamizir bar avɨriba iti. Ezɨ a men apangkuva men gumazamizibar arɨmariaba akɨra da gefi.

Sekaraia 10:2

Gumazamiziba, me gɨn otivamin bizibagh foghasa, aseba ko kukunir gumazibar azangsɨsi. Ezɨ me ifavarir akabar me gami. Gumazir maba irebabar mɨngaribar gun mɨgei, me uaghan ia gifari. Me ghaze ia navir amɨrizim iniam, ezɨ puvatɨ, ian navir osɨmtɨzim ikɨvɨra ikiam. Gumazamiziba mati sipsipba tintiniba arua ovegha gɨfa. Me geghuvir gumaziba puvatɨzɨ, kamaghɨn amizɨ me osɨmtɨziba ateri.

Matyu 15:32

Ezɨ Iesus uan suren gumazibar diazɨ, me izima a kamaghɨn me mɨgei, “Gumazamizir kaba, me na ko aruer pumuning ko mɨkezimɨn ikia, egha dagheba puvatɨgha mɨtiriam men azi, kamaghɨn kɨ men apangkufi. Mɨtiriam men aghɨtɨ, kɨ me amangan aghua. Me mangɨ damaziba men isirtɨ, me tuavimɨn dagh iram.”

Matyu 15:24

Ezɨ Iesus kamaghɨn me ikaragha ghaze, “God Israelian akurvaghasavɨra na amada. Me sipsipba gumazir dar ganamiba puvatɨzɨ moghɨn iti.”

2 Eghaghaniba 18:16

Ezɨ Mikaia Ahap mɨgɨa ghaze, “Kɨ garima, Israelian mɨdorozir gumaziba mati, ghuaviba puvatɨzir sipsipbar mɨn pura tintinibar mɨghsɨabagh mɨri. Ezɨ kɨ Ikiavɨra Itir God barazi, a ghaze, ‘Gumazamizir kabar faragh mangamin gumazir dapaniba puvatɨ. Nɨ me amangightɨ, me vaghvagh uan nguibabar mangɨ egh deraghvɨra ikɨ.’ ”

Hibru 5:2

Egha a uabɨ a Godɨn damazimɨn bizibar amuamin gavgaviba puvatɨ. Kamaghɨn amizɨ, gumazir fofoziba puvatɨgha pazav amiba, a men asughasusi.

Hibru 4:15

E uari arazir kuraba dɨkabɨnamin gavgaviba puvatɨ. Egh e kamaghɨn nɨghnɨghan kogham, Ofa Gamir Gumazibar Dapanir kam, en nɨghnɨzibagh fogh en kuarkuvighan kogham. Puvatɨ. Satanɨn ifavarir arazir e bativiziba, da uaghan bar a bativigha gɨfa. Ezɨ an arazir kuratam gamizir puvatɨ.

Matyu 10:6

Ia Israelɨn ikɨzimɨn itir sipsipɨn ovengeziba bagh mangɨ.

1 Atriviba 22:17

Ezɨ Mikaia Ahap mɨgɨa ghaze, “Kɨ garima Israelian mɨdorozir gumaziba mati, ghuaviba puvatɨzir sipsipbar mɨn pura tintinibar mɨghsɨabagh mɨri. Ezɨ kɨ Ikiavɨra Itir God barazi, a ghaze, ‘Gumazamizir kabar faragh mangamin gumazir dapaniba puvatɨ. Nɨ me amangightɨ, me vaghvagh uan nguibabar mangɨ egh deraghvɨra ikɨ.’ ”

Sekaraia 11:16

Guizbangɨra, kɨ uan gumazamizibar ganasa gumazir mam atɨ, me mati sipsipɨn okoruar mam. Ezɨ gumazir kam sipsipbar tongɨn dar ikuvizibar akurvazir puvatɨ, egha a uaghan sipsipɨn ovengeziba tong da buria dar deir puvatɨ. A uaghan dar duaba nozir puvatɨ, egha deravɨra itiba, a dagheba dagh anɨdir puvatɨ. Bar puvatɨ. A mɨkarziba sara itiba, a uabɨ dar tuziba apava dar duiaba ko, puziba sara bar da asigha da ame.

Aisaia 13:14

Dughiar kamɨn, gumazamiziba bar puvɨram atiatingɨva aregham, mati asɨzir atiam, gumazim ruarimɨn ghua a gasasava amima, an arav ghuzɨ moghɨn, me arɨmangegham. Egh mati sipsipbar garir gumaziba puvatɨzɨ, me onganigh pura tintinibar zui moghɨn, me tintinibar arɨ uamategh pura uan nguibabar mangam.

Mak Osirizir Akar Aghuim 8:2

“Gumazamizir kaba, me na ko aruer pumuning ko mɨkezimɨn ikia, egha dagheba puvatɨgha mɨtiriam men azi, kamaghɨn kɨ men apangkufi.