Matyu 8:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ mɨdorozir gumazir dapanim Iesusɨn akam ikaragha a mɨgɨa ghaze, “Ekiam, kɨ gumazir aghuir manam, nɨ nan dɨpenimɨn aven izam? Markɨ. Nɨ pura mɨkɨmtɨma, nan ingangarir gumazim deragham.

Godɨn Akar Aghuim; Akar Dɨkɨrɨzir Gavgavir Igiam

⁸ Ezɨ mɨdorozir gumazir ekiam Iesusɨn akam ikaragha a mɨgɨa ghaze, “Ekiam, kɨ gumazir aghuir manam, nɨ nan dɨpenimɨn aven izam? Markɨ. Nɨ pura mɨkɨmtɨma, nan ingangarir gumazim deragham.

Matyu 8:8 ပူးပေါင်းရင်းမြစ်များ

Onger Akaba 107:20

A uabɨ mɨgeima, an akar kam men mɨkarzibagh amizɨ da ua dera. Ezɨ a matmatiamɨn ua me ini.

Onger Akaba 33:9

A mɨkemezɨ nguazir kam puram oto. An Akar Gavgavim mɨkemezɨ, biziba bar nguazir kamɨn otifi.

Matyu 8:3

Ezɨ Iesus uan agharim isa gumazir kam gatɨgha ghaze, “Kɨ ifonge. Nɨn mɨkarzim zuegh, egh ua deragh.” A kamaghɨn mɨgɨavɨra itima, gumazir kamɨn lepan arɨmariam zuamɨra anetaghizɨma gumazim ua dera.

Jon Osirizir Akar Aghuim 1:27

A gumazir kam, a nan gɨn izi. Kɨ an dagarir asuabar beniba fɨran ibura.”

Luk Osirizir Akar Aghuim 5:8

Ezɨ Saimon Pita ko a ko iti darasi, me osirir me inizir kabar ganigha dɨgavir kuram gami. Saimonɨn roroamning Jems ko Jon, Sebedin otarimning. Aning Saimon ko ingarir gumazimning, aning uaghan dɨgavir kuram gami. Kamaghɨn amizɨ Saimon kamaghɨn ganigha, tevimning apɨrigha Iesusɨn suemningɨn boroghɨn irɨ. Egha ghaze, “Ekiam, kɨ gumazir arazir kurabagh amim! Kamaghɨn amizɨ nɨ na ategh mangɨ.” Ezɨ Iesus kamaghɨn Saimon mɨgei, “Nɨ atiatingan markɨ, datɨrɨghɨn ikegh mangɨ, nɨ gumazamiziba iniam.”

Matyu 3:11

“Ia navibagh irazir arazim akakaghasa kɨ dɨpamɨn ia rue. Ezɨ nan gɨn izir gumazim, an gavgavim nan gavgavim gafira. Ezɨ kɨ an dagarir asuabar ateramin gavgaviba puvatɨ. Gumazir kam Godɨn Duam ko avimɨn ia ruam.

Luk Osirizir Akar Aghuim 15:21

“Ezɨ an otarim kamaghɨn a mɨgei, ‘Kɨ arazir kuram God ko nɨ gami. Kɨ ua gumazir aghuim puvatɨ, nɨ borim na darɨghan markɨ.’

Luk Osirizir Akar Aghuim 15:19

Kɨ datɨrɨghɨn gumazir aghuim puvatɨ. Eghtɨ nɨ borim na darɨghan markɨ. Nɨ na ateghtɨ kɨ pura nɨn ingangarir gumazimɨn mɨn ikiam.” ’

Matyu 3:14

Ezɨ Jon an anogorogha ghaze, “Nɨ manmaghsua, uabɨ ruasa na bagha izi? Nɨ na rutɨ, kamaghɨn deragham!”

Dɨboboniba 20:8

“Nɨ asadivir aghorir Akar Dɨkɨrɨzir Gavgavimɨn Boksiamɨn guamɨn itim inigh. Egh nɨ Aron ko mangɨ gumazamiziba bar moghɨra me akufagh. Egh nɨ men damazimɨn, dagɨar munam mɨkɨmtɨ, arazir kamɨn dɨpam an otogh azenan fasfagh irɨtɨ, gumazamiziba uan asɨziba ko anemam.”

Onger Akaba 10:17

O Ikiavɨra Itir God, gumazamizir osɨmtɨziba atera nɨn apengan itiba, nɨ men dɨmdiam baragh gavgavim isɨ men navir averiabar anɨngigh.

Jenesis 32:10

Guizbangɨra, kɨ nɨn ingangarir gumazim, kɨ gumazir aghuim puvatɨ, ezɨ nɨ nan apangkuvigha egha nɨ mɨkemezɨ moghɨra deragha na gami. Kɨ Laban ko ikɨsɨ mangasa Jordanɨn Fanem atugha bizitam suiragha ghuzir puvatɨ, kɨ pura fidizir kɨnim suiragha ghu. Egha datɨrɨghɨn kɨ gumazamizir okoruar pumuning ko izi.

Matyu 8:7

Ezɨ Iesus ghaze, “Kɨ mangɨ a damightɨ, a ua deragham.”

Matyu 8:9

Kɨ uabɨ mɨdorozir gumazir mabar apengan iti, egha uabɨ mabar garima, me nan apengan iti. Egh kɨ me mɨkɨm suam, ‘Ia mangɨ,’ eghtɨ me mangam. O, kɨ me mɨkɨm suam, ‘Ia izɨ.’ Eghtɨ me izam. Egh kɨ uan ingangarir gumazir mam mɨkɨm suam, nɨ ingangarir kam damu, eghtɨ an a damuam. Egha kɨ fo, nɨ mɨkɨmtɨ, nan ingangarir gumazim ua deragham.”