Matyu 8:29 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁹ Ezɨ aning pamten dɨa ghaze, “Nɨ Godɨn Otarim, nɨ manmaghɨn ga damuasa? Dughiam tɨgharɨ, nɨ kagh izɨ ga gasɨghasɨghasa?”

Godɨn Akar Aghuim; Akar Dɨkɨrɨzir Gavgavir Igiam

²⁹ Egha aning pamten dia ghaze, “Nɨ Godɨn Otarim, nɨ tizim ga damuasa? Dughiam tɨgharɨ, nɨ kagh izɨ ga gasɨghasɨghasa?”

Matyu 8:29 ပူးပေါင်းရင်းမြစ်များ

Mak Osirizir Akar Aghuim 1:24

A dɨa kamaghɨn mɨgei, “Nɨ manmaghɨn e damuasa, Nasaretɨn gumazim Iesus? Nɨ e gasɨghasɨghasa ize? Kɨ nɨ gɨfo, nɨ God amadazir gumazim, nɨ Godɨn damazimɨn zuezir gumazim.”

Luk Osirizir Akar Aghuim 4:34

“Iesus, Nasaretɨn gumazim, nɨ manmaghɨra e damuasa ize? Nɨ e gasɨghasɨghasa izi? Kɨ nɨ gɨfo, nɨ Godɨn damazimɨn zuezir gumazim!”

Jems 2:19

Nɨ nɨghnɨzir gavgavim kamaghɨn ikia ghaze, “Godɨn vamɨra iti.” A dera. Duar kuraba uaghan nɨghnɨzir gavgavir kam ikia, egha agoa atiati.

Mak Osirizir Akar Aghuim 5:7

Ezɨ Iesus kamaghɨn duar kuram mɨgei, “Nɨ duar kuram, nɨ gumazir kam ategh azenan izɨ.” Iesus kamaghɨn a mɨgeima, gumazir kam pamtem ara kamaghɨn mɨgei, “Nɨ manmaghɨn na damuasa, Iesus, Godɨn Bar Pɨn Itimɨn Otarim. Kɨ Godɨn damazimɨn pamtem nɨn azangsɨsi, nɨ arazir kuratam na damuam markɨ!”

Luk Osirizir Akar Aghuim 8:28

Egha duar kurar kam dughiar avɨribar an suigha anekurima a daghiri. Egha uaghan an dafariba ko sueba me senbar da ike, ezɨ an garir gumaziba an boroghɨra ikiava an gari, ezɨ duar kurar kam a gamima a uan senba aghorava, ara ghua gumazamiziba puvatɨzir danganimɨn iti. Ezɨ Iesus duar kuram batogha ghaze, nɨ gumazim ategh azenan izɨ. Ezɨ a Iesusɨn apigha, arava Iesusɨn dagaribar apengan irɨgha pamtem dɨa mɨgei, “Nɨ tizim na damuasa, Iesus, Godɨn Bar Pɨn Itimɨn Otarim? Kɨ nɨn azangsɨsi nɨ arazir kuratam na damuam markɨ!”

2 Pita 2:4

Ia fo, bar fomɨra enselɨn maba arazir kurabagh ami, ezɨ God me ataghizir puvatɨ. A senbar me ikegha helɨn me akunizɨma me mɨtater bar ekiamɨn aven ti. Me kalabusɨn ikiavɨra ikia Godɨn kotiamɨn dughiam bagha mɨzua iti.

Matyu 4:3

Ezɨ gumazir ifavaribagh amim Satan iza a batogha kamaghɨn a mɨgei, “Nɨ guizbangɨra Godɨn Otarim, nɨ dagɨar kaba akar gavgavim dav kemeghtɨ da bretɨn rubuzibar mɨn otifigh.”

Jon Osirizir Akar Aghuim 2:4

Ezɨ Iesus kamaghɨn a mɨgei, “Amebam, kar nɨn bizim, nan bizim puvatɨ. Nan dughiam a tɨghar izam.”

Luk Osirizir Akar Aghuim 4:41

Egha a uaghan duar kurabagh ami da gumazamiziba ataghɨragha azenan iza kamaghɨn dei, “Nɨ Godɨn Otarim!” Duar kuraba fo, kar God Gumazamiziba Ua Me Iniasa Mɨsevezir Gumazim. Kamaghɨn amizɨ Iesus mɨkɨman dar anogoroke.

2 Samuel 16:10

Ezɨ atrivim kamaghɨn Seruian otarimning Abisai ko Joap, aning mɨgɨa ghaze, “Kar guan bizim puvatɨ. Anetakigh. Ikiavɨra Itir God ti a mɨkemegha ghaze, ‘Nɨ akar kurabav kɨm Devitɨn atar,’ eghtɨ a bizir kam bagh nan ataram, a dera. Eghtɨ tinara kamaghɨn an azaragham, ‘Nɨ tizim bagha Devitɨn atari?’ ”

Jut Osirizir Akɨnafarim 1:6

Ia enselɨn kurar maba, ia dagh nɨghnɨgh. God me ganɨngizir ingangariba me dar amuan aghua. Egha me uan danganiba ataki. Kamaghɨn amizɨ, Ekiam zurara ikɨ mamaghɨra ikiamin senbar me ike. Egha me isa kalabuziar danganir bar mɨtarmangizɨmɨn me arɨki. Ezɨ me Kotiam Damuamin Dughiar Ekiam mɨzuai.

Aposel 16:17

Ezɨ guivir kam, Pol ko bar en gɨn iza kamaghɨn dɨa mɨgei, “Gumazir kaba Godɨn Bar Pɨn Itimɨn ingangarir gumaziba. Me God ian akurvaghamin tuavimɨn gun ia mɨgei.”

Mak Osirizir Akar Aghuim 3:11

Iesus me mɨgeima, duar kuraba apazazir gumazir maba iza, Iesusɨn gara duar kuraba zuamɨra me gamima me Iesusɨn guamɨn daighira kamaghɨn dɨa mɨgei, “Nɨ Godɨn Otarim.”

1 Atriviba 17:18

Ezɨ amizim Elaija mɨgɨa ghaze, “Nɨ Godɨn ingangarir gumazim, nɨ manmaghsua arazir kamɨn na gami? Nɨ ti kagh izegha nan arazir kuraba isa Godɨn damazim gatɨ, ezɨ bizir kam bangɨn nan otarim areme.”

2 Samuel 19:22

Ezɨ Devit kamaghɨn Abisai uan avebam Joap ko aning mɨgɨa ghaze, “Kar guan bizim puvatɨ, gua Seruian otarimning. Gua tizim bagha nan apanim damuasa? Kɨ datɨrɨghɨn kamaghɨn fo, kɨ Israelia bar men atrivim. Ezɨ dughiar kamɨn, e Israelian gumazitam mɨsueghtɨ an aremeghan kogham. Bar puvatɨgham.”

Joel 3:4

“Ia Tair ko, Saidonɨn nguibamningɨn adarazi ko, Filistian kantrin danganiba bar, ia manmaghɨn na damuasa? Ia ti ghaze, Kɨ arazir kuram gamizɨ, ia na ikarvaghasa a? Ia kamaghɨn nɨghnɨghtɨ, kɨ zuamɨra ian arazir kuram ikaragham.

Gumazir Dapaniba 11:12

Ezɨ Jepta gɨn Amonian atrivim kamaghɨn an azangasa gumaziba amada, “Nɨ tizim bagha iza nan atara nan nguazim iniasa na ko mɨsosi?”

2 Atriviba 3:13

Ezɨ Elisa Israelian atrivimɨn ganigha ghaze, “Ia manmaghsua na bagha izi? Ia akam inigha izir gumazir nɨn ameboghfeziaba fomɨra ghua azangsɨghizir kaba, me bagh mangɨ.” Ezɨ Atrivim Joram kamaghɨn a ikaragha ghaze, “Puvatɨ. Ikiavɨra Itir God uabɨ e 3plan atriviba en diagha e isa Moapɨn atrivimɨn dafarim gatɨ. Ezɨ e nɨ bagha izi.”

2 Eghaghaniba 35:21

Ezɨ Atrivim Neko kamaghɨn Josaia bagha akam amaga ghaze, “O Judan atrivim, kɨ adariba nɨn puvatɨ, egha nɨ ko mɨsoghasa izir puvatɨ. Kamaghɨn amizɨ, nɨ tizim bagha na mɨsoghasa? God na ko ikia, egha apanibav soghasa nan avɨra, ezɨ kɨ mangɨ merara mɨsoghasa. Kamaghɨn amizɨ, nɨ Godɨn anogoroghan markɨ. Puvatɨghtɨma, a nɨ gasɨghasigham.”

Matyu 8:30

Ezɨ dar bɨzir ekiar mam mong saghon apa iti.