Matyu 6:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Egh e ateghtɨ, e osɨmtɨzibar aven ikɨtɨ bizitam en navim bɨraghtɨ, e arazir kuratam damuan kogham. Nɨ arazir kurabar gavgavim da e inigh.’

Godɨn Akar Aghuim; Akar Dɨkɨrɨzir Gavgavir Igiam

¹³ Egh e ateghtɨ, e osɨmtɨzibar aven ikɨtɨ bizitam en navim bɨraghtɨma, e arazir kuratam damuan kogham. Nɨ arazir kurabar gavgavim da e inigh.’

Matyu 6:13 ပူးပေါင်းရင်းမြစ်များ

1 Korin 10:13

Osɨmtɨzir ia bativiba, da osɨmtɨzir kabanangɨra, gumazamiziba bar me batifi. Ezɨ God uan akar dɨkɨrɨzimɨn gɨn ghua, osɨmtɨzir ian gavgavibagh afirazɨ tam ateghtɨ, a ia batoghan kogham. Osɨmtɨziba ia bativtɨ, God ian akuraghsɨ tuavim damigham. Tuavir kam kamakɨn: a ia damightɨ, ia tuivigh gavgavigham, eghtɨ osɨmtɨzir kam ia abɨraghan kogham.

Jon Osirizir Akar Aghuim 17:15

Kɨ, nɨ nguazir kamɨn me inigh azenan mangasa nɨn azangsɨzir pu. Puvatɨ. Kɨ, nɨ men ganasa, kɨ nɨn azai, eghtɨ Gumazir Kuram pazɨ me damuan kogham.

Matyu 26:41

Ia na bagh deravɨra gan, egh God ko mɨkɨm, eghtɨ osɨmtɨzitam ia damutɨ, ia ireghan kogham. Kɨ fo, ian navir averiaba ifonge, ezɨ inivafɨziba gavgaviba dar puvatɨ. Kamaghɨn pariam ian azi.”

Akar Mogomem 19:1

Ezɨ bizir kabar gɨn kɨ orazi, nɨgɨnir dafam, gumazamizir bar avɨrimɨn mɨn Godɨn Nguibamɨn kamaghɨn dɨa mɨgei: “E Godɨn ziam feka! En God, gavgavim ko ziam iti, a uabɨra en Akurvazir Gumazim!

2 Tesalonika 3:3

Ezɨ Ekiam guizɨn arazibagh ami, eghtɨ ia bar nɨghnɨzir gavgavimra an ikɨ. A gavgavim ia danɨngɨva, ia geghuvtɨ, Satan paza ia damighan kogham.

Matyu 6:10

Eghtɨ Dughiar Nɨ Bizibagh Ativamim, a izɨ. Eghtɨ nɨn Nguibamɨn itir darazi nɨn ifongiamɨn gɨn zui moghɨn, e uaghan nguazir kamɨn nɨn ifongiamɨn gɨn mangam.

Jeremaia 15:21

Kɨ gumazir arazir kurabagh amiba ko apangkuviba puvatɨzir gumaziba, men agharim da ua nɨ inightɨ, me ua nɨ gasɨghasighan kogham.”

2 Pita 2:9

Ekiam amizir biziba, e dagh nɨghnɨgha kamaghɨn fo, osɨmtɨzitam gumazamizir Godɨn Arazibar gɨn zui taba batogham, God osɨmtɨzir kam uam me da a iniamin tuavim gɨfo. Ezɨ God arazir kurabagh amir gumazamizibagh fo, egha men arazir kuraba ikarvaghamin tuavim gɨfo, mamaghɨra ikɨ mangɨva Godɨn Kotɨn Ekiamɨn Dughiam otogham.

1 Tesalonika 1:10

Ezɨ ia an Otarim mɨzuai, a Godɨn Nguibam ategh uamategham. Otarir kam aremezɨma God a gamizɨ, a ua dɨkafi. A Iesus, an en akurvasi, egh dughiar Godɨn anɨngagharim izamim, an en akuragham.

Onger Akaba 47:7

God, a nguazimɨn itir gumazamiziba bar men atrivim. E a bagh ongɨva an ziam fam!

1 Eghaghaniba 29:11

Nɨ gavgavir bar ekiam ikia, ziar ekiam ikia, bar pɨn mar iti, nɨ bar faragha iti. Bar guizbangɨra, overiam ko nguazimɨn itir bizir kaba bar nɨn biziba. Kamaghɨn amizɨ, nɨ biziba bar dagh ativagha dar atrivir ekiam.

Akar Mogomem 21:4

Egh a men damazir teriba vaghvagh da adizam. Bizir faragha itir kurar kabanang, da bar gɨvagham. Eghtɨ gumazamiziba uam ovengan kogham, egh me ua naviba osɨmɨva egh uam azian kogham, egh ua mɨzaziba inian kogham.”

Onger Akaba 10:16

Ikiavɨra Itir God atrivimɨn ikɨ mamaghɨra ikiam. Egh a uan nguazimɨn, Kantrin Igharazibar Gumazamizir kuraba batueghtɨ, me bar moghɨra gɨvagham.

Akar Mogomem 3:10

Ia nan akamra gɨn ghuava osɨmtɨzir ia bativiba ia dar aven tugha gavgavighavɨra iti. Kamagh amizɨ, kɨ ian ganam. God gɨn nguazimɨn itir gumazamiziba bar, men nɨghnɨzir gavgavim tuisɨgh egh foghasa, a gavgaviz, o puvatɨ, eghtɨ kamaghɨn osɨmtɨzir ekiamɨn dughiam otoghtɨ, dughiar kamɨn kɨ ian gantɨ ia deragham.

1 Jon 3:8

Satan faraghavɨra arazir kurabagh amua iza datɨrɨkɨn. Kamaghɨn e fo, tina arazir kurabagh ami, a Satanɨn borim. Godɨn Otarim Satanɨn ingangarim gasɨghasɨghasa nguazir kamɨn ize.

1 Pita 5:8

Ia angamɨra ikɨ, uari bagh gan. Satan, gumazir ian apanimɨn itir kam, a laionɨn mɨn tiarim akara diagharui. A zurara gumazamizibar amasa me buriagharui.

Onger Akaba 41:13

E Ikiavɨra Itir Godɨn ziam fam, a Israelian God. Eghtɨ gɨn otivamin ovaviba bar, me uaghan an ziam fam. Guizbangɨra! Bar guizbangɨra!

1 Eghaghaniba 16:36

E Ikiavɨra Itir Godɨn ziam feka, a Israelian God. E datɨrɨghɨn ko, gɨn izamin dughiabar zurara an ziam feka. Asapɨn adarazi ighiar kam bangegha gɨvazɨ, gumazamiziba kamaghɨn mɨgei, “Bar guizbangɨra!” Egha me Ikiavɨra Itir Godɨn ziam fa ghaze, “Aleluia!”

1 Eghaghaniba 4:10

Ezɨ dughiar mamɨn Jabes kamaghɨn Israelian Godɨn dɨa ghaze, “O God, kɨ kamaghsua, nɨ deravɨra na damuva nguazir avɨriba na danɨngtɨ, da nguazir kɨ datɨrɨghɨn itim gafiragham. Eghtɨ nɨn gavgavim na ko ikɨva nan akurvagh! Egh nɨ bar deravɨra na geghuvtɨ, arazir kuraba mɨzaziba na danɨngan kogham.” Ezɨ God Jabesɨn azangsɨzim baregha Jabes an azarazɨ moghɨram ami.

Godɨn Araziba 8:16

Egha danganir kamɨn a manan daghem ia ganɨngizɨ ia aneme. Manan dagher kam, ia ko ian inazir afeziaba fomɨram anemegha a gɨfozir puvatɨ. A kamaghɨn ifonge, ia uari abɨnigh an apengara ikiam. Egh a kamaghɨn foghasa, ia ti an akabar gɨn mangɨ biziba bar dar amuam, o puvatɨgham. Kamaghɨn amizɨ, an osɨmtɨziba ia bagha da amadi. Egh a gɨn bizir bar aghuiba isɨ ia danɨngam.

Ua Me Ini 15:18

Ikiavɨra Itir God, an atrivimɨn mɨn ikɨ mamaghɨra ikiam.”

Jenesis 22:1

Egha gɨn dughiar mam God Abrahamɨn nɨghnɨzir gavgavim gɨfoghasa a guizbangɨra gavgaviz, ti puvatɨ? Kamaghɨn an an dɨa ghaze, “Abraham!” Ezɨ Abraham ghaze, “Kɨ kati.”

2 Korin 1:20

Godɨn akar dɨkɨrɨzir avɨriba iti. Ezɨ Krais “Guizbangɨra,” akar dɨkɨrɨzir kaba bar dav gei. Kamaghɨn, e Godɨn akam barazima a Kraisɨn ziamɨn ghaze, “A guizbangɨra,” ezɨ e Godɨn ziam fe.

Onger Akaba 47:2

Ikiavɨra Itir God, a Godɨn Bar Pɨn Itim, an atrivir ekiamɨn ikia nguazir kam gativagha an gari. Kamaghɨn amizɨ, e bar an atiatiava an apengan iti.

Dɨboboniba 5:22

Dɨpar mɨsozir kam nɨn navimɨn aven mangɨ an ingartɨ, a buva nɨn mɨkarzir mogomem damightɨ a ikuvigham.’ Eghtɨ amizim suam, ‘Aria, guizbangɨra. Ikiavɨra Itir God mɨkemezɨ moghɨn damu.’

Akar Mogomem 2:10

Ia kɨran oveghangɨn mɨzazitaba iniam, eghtɨ bizir kam ia damutɨ ia atiatingan markɨ. Ia uari bagh ganigh. God ian nɨghnɨzir gavgavim tuisɨgh egh foghasa, a gavgafi, o puvatɨ. Kamaghɨn amizɨ, Satan ia damutɨ me ian tongɨn tarazi kalabus darɨgham. Eghtɨ ia 10plan dughiabar osɨmtɨziba ko mɨzaziba ateram. Egh ia nɨghnɨzir gavgavir Kraisɨn itimɨn suiragh gavgavigh mamaghɨra ikɨ mangɨ, ia aremeghamin dughiamɨn otoghtɨ, kɨ ikɨrɨmɨrir aghuimɨn ivezir aghuarimɨn mɨn pura ia danɨngam.

Akar Mogomem 1:18

Egha kɨ gumazir angamɨra itim. Fomɨra kɨ areme. Datɨrɨghɨn nɨ gan, kɨ zurara angamɨra ikɨ mamaghɨra ikiam. Kɨ Ovevemɨn ki, koma Gumazamizir Oveaghuezibar Nguibamɨn ki, kɨ aningɨn suiragha aningɨn ganamin gavgavim iti.

Matyu 5:37

Ia pura kamaghɨn mɨkɨm, ‘Guizbangɨra,’ o ‘Puvatɨ.’ A kamaghɨn dera. Ezɨ mɨgɨrɨgɨar igharazir isafuraziba, da Satanɨn otivaghirir mɨgɨrɨgɨaba.”

Daniel 4:25

Nɨ gumazamizibar nguibam ategh, mangɨva asɨzir atiaba ko ikiam. Nɨ bulmakaubar mɨn dadabar amɨ, egh puram azenan dakuam. Eghtɨ dɨmagarimɨn ghuariar dɨpaba 7plan azenibar nɨ giram. Nɨ kamaghɨra ikɨ, mangɨ kamaghɨn fogham, Godɨn Bar Pɨn Itim bar gumazamizibagh atifa. Ezɨ a uabɨ uan ifongiamɨn, gumaziba mɨsevima me atrivibar otifi.

Aghuzir Akaba 30:8

nɨ nan akuraghtɨ, kɨ akɨrim ragh ifavarir arazibagh asaragham. Eghtɨ nɨ na ateghtɨ, kɨ dagɨaba izɨvazir gumazimɨn mɨn otivan kogh, egh uaghan onganarazibagh amir gumazimɨn mɨn otivan kogham. Nɨ dughiar vamɨran vaghvagh daghebara na danɨng.

Godɨn Araziba 8:2

Ikiavɨra Itir God, en God, a 40plan azenibar ian faragha ghua ia inigha gumazamiziba puvatɨzir danganim garui. Ia bizir kam gɨnɨghnɨghvɨra ikɨ. A dughiar kamɨn ian navir averiabagh fofoghasa, ia an Akar Gavgavibagh nɨghnɨghavɨra iti, o puvatɨ. Ia uari fer arazim agɨvagh, an apengan ikiasa, an osɨmtɨzir maba ia ganɨngi.

1 Korin 14:16

Nɨ kamaghɨn damuan kogh, egh duamɨn aven God mɨnabɨtɨ, gumazamizir kɨnitaba ian tongɨn ikɨva, nɨ amir mɨgɨrɨgɨar kam gɨfoghan koghɨva, me manmaghɨn nɨ mɨnabir mɨgɨrɨgɨam gɨfogh suam, “A guizbangɨra?” Me foghan kogham, nɨ tizibav gei.

Matyu 28:20

Egh kɨ ia mɨkemezir mɨgɨrɨgɨaba, ia bar da isɨva men sure damu, eghtɨ me dar gɨn mangɨ. Ia deravɨra fogh, kɨ ia ko ikɨvɨra ikɨ mangɨtɨ, nguazir kamɨn dughiam gɨvagham.”

Daniel 7:18

Eghtɨ gɨn Godɨn Bar Pɨn Itimɨn gumazamiziba, me gavgavim inighɨva, biziba bar dagh ativagh, ikɨ mamaghɨra ikiam.”

Onger Akaba 106:48

E Ikiavɨra Itir Godɨn ziam feka, a Israelian God. E datɨrɨghɨn ko, gɨn izamin dughiabar zurara an ziam feka. Gumazamiziba bar mɨkɨm suam, “Bar guizbangɨra!” E Ikiavɨra Itir Godɨn ziam fam. Aleluia!

Onger Akaba 89:52

E zurara Ikiavɨra Itir Godɨn ziam fɨ kamaghɨra ikiam. Bar guizbangɨra.

Onger Akaba 72:19

E zurara an ziar aghuir kam fɨvɨra ikiam. Bar guizbangɨra. An ziar Ekiam nguazir kam bar a gizɨfagh.

1 Atriviba 1:36

Ezɨ Jehoiadan otarim Benaia, kamaghɨn atrivimɨn akam ikaragha ghaze, “Bar guizbangɨra. Atrivim, nɨ nan gumazir ekiam. E kamaghsua, Ikiavɨra Itir God, a nɨn God, a mɨkemezɨ moghɨn, a bizir kabar amightɨ da otivam.

Akar Mogomem 19:4

Ezɨ 24plan gumazir dapaniba ko 4plan bizir angamɨra itir kaba, teviba apɨrigha egha Godɨn uan atrivir dabirabimɨn aperaghav itimɨn ziam fe. Egha me kamaghɨn mɨgei: “Bar guizbangɨra! E an ziam fe!”

Akar Mogomem 5:13

Egha kɨ God ingarizir gumazamiziba ko biziba bar men ighiam barasi, kar bizir overiamɨn itiba ko nguazimɨn itiba ko nguazimɨn apengan itiba ko ongarimɨn itiba kamaghɨn mɨgei: “Gumazir uan atrivir dabirabim gapiaghirim ko, Sipsipɨn Nguzim uaghan, e zurazurara aning mɨnabɨvɨra ikiam. Egh aningɨn ziar ekiamning fɨva, aning bagh bar akongegh, egh aningɨn gavgavir ekiamɨn apengan ikɨ zurara mamaghɨra ikiam.”

Akar Mogomem 3:14

Gumazir kam ua kamaghɨn mɨgei, “Nɨ Laodisian nguibar ekiamɨn itir siosɨn garir ensel bagh akataba osirigh. Akar kaba kamakɨn: “Kɨ gumazir ‘guizbangɨra’ mɨgeim. Godɨn akar dɨkɨrɨziba ko an akaba bar, kɨ guizbangɨra mɨgɨa, zurara guizɨn akamrama akuri. Kɨ God ingarizir biziba bar dar mɨngarim. Egha akar kam nɨ bagha anemadazɨ a izi.

Hibru 11:36

Ezɨ apaniba marazi osɨmtɨziba me garɨgha dɨbovir akabar me mɨgɨa, me fozorogha senbar me ikia, me isa kalabusɨn me arɨki.

1 Timoti 1:17

Ezɨ an Atrivir Zurara Itim. An oveghan kogham, ezɨ e gumazamiziba an ganighan kogham. A uabɨra bar guizbangɨn God. Kamaghɨn amizɨ, e zurazurara ziar ekiam a danɨng mamaghɨra ikɨ mɨkɨm suam, God nɨ bar ekevegha bar dera. Bar guizbangɨra.

Jeremaia 28:6

Jeremaia kamaghɨn mɨgei, “Bar guizbangɨra, Ikiavɨra Itir God, nɨ mɨkemezɨ moghɨn damuasa kɨ ifonge. Ikiavɨra Itir God nɨn akam inigha izir gumazimɨn akar kabar amutɨ, da guizbangɨram otivigham. Egh a uan Dɨpenimɨn biziba uam ada iniam. Egh Babilonɨn itir gumazamizir kaba, a ua me inigh Jerusalemɨn izam.

Onger Akaba 22:28

Me fogh suam, Ikiavɨra Itir God atrivimɨn ikia, kantriba bar dar gumazamizibagh gativagha men gari.