Matyu 5:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ia datɨrɨghɨn azia itir gumazamiziba, ia bar akuegham. Kamaghɨn ian naviba deragh.

Godɨn Akar Aghuim; Akar Dɨkɨrɨzir Gavgavir Igiam

⁴ Ia datɨrɨghɨn azia itir gumaziba, ia bar akuegham. Kamaghɨn ian naviba deragh.

Matyu 5:4 ပူးပေါင်းရင်းမြစ်များ

Akar Mogomem 21:4

Egh a men damazir teriba vaghvagh da adizam. Bizir faragha itir kurar kabanang, da bar gɨvagham. Eghtɨ gumazamiziba uam ovengan kogham, egh me ua naviba osɨmɨva egh uam azian kogham, egh ua mɨzaziba inian kogham.”

Aisaia 57:18

“Me amir arazir kuraba, kɨ dar ganigha gɨfa, egh kɨ me gasɨghasɨghan kogham. Puvatɨ. Kɨ men arazir kuraba adeghtɨ, me ua ghuamaghegham. Egh gumazamizir osɨmtɨziba ikiava araiba, kɨ men aku tuavim men akagh me damutɨ, me osɨmtɨzir arazim ataghɨragh, na mɨnabɨ bar akueghamin ighiabar amuam. Kɨ Ikiavɨra Itir God, kɨ kamaghɨn mɨgei, Bar guizbangɨra, nan navir amɨrizim ko dabirabir aghuim, gumazamizir roghɨra itiba ko nguibar saghon itiba baghavɨra iti. Kɨ me damightɨ me ua deraghtɨ, kɨ dughiar aghuim me danɨngam.

Luk Osirizir Akar Aghuim 6:21

Ia datɨrɨghɨn mɨtiriam aziba, ia gɨn izɨvagham, kamaghɨn ian naviba deragh. Ia datɨrɨghɨn azi darasi, ia gɨn akam, kamaghɨn ian naviba deragh.

Jems 1:12

Gumazim osɨmtɨziba aterɨva, egh uaghan osɨmtɨziba bar dar aven tugh gavgavigh, uan nɨghnɨzir gavgavim ateghan koghtɨ, God ivezir aghuim a danɨngtɨma a zurara itir ikɨrɨmɨrir aghuim iniam. Ivezir aghuir kam, God akar dɨkɨrɨzim gamua ghaze, gumazir bar a gifongeziba, a me danɨngam. Kamaghɨn, gumazir kam bar akongegh.

Aisaia 25:8

Egh God ovevem dɨkabɨragh, a gasɨghasɨgh, bar a gafiragham. Ikiavɨra Itir God, en Ekiam, men ararem agɨvagham, egh bar gumazamizibar damazibar teriba bar da adizam. Egh a uan gumazamizir aghumsɨgha itiba, a men aghumsɨziba bar da gɨvagham. Kar, Ikiavɨra Itir God kamaghɨn damuasa mɨkemezir akam.

Aisaia 66:10

“Ia Jerusalem gifongezir darasi, ia a ko bar akongegh. Ia gumazamizir a bagh azia itiba, ia datɨrɨghɨn a bagh bar akongegh.

Esekiel 9:4

egha kamaghɨn a mɨgei, “Nɨ dɨkavigh Jerusalemɨn nguibar ekiam bar an averiam daruva gumazamizir men namakaba amir arazir kurar God aghuazibar osemegha itiba, nɨ me bativ, men guaba osizirir ababanim me darɨgh.”

Aisaia 35:10

Gumazamizir Ikiavɨra Itir God men akuragha ua iniziba, me ua izɨ, Saionɨn Mɨghsɨamɨn bagh izɨva, bar akongegh ongɨ, tiariba akarɨva tuavir kamɨn izam. Egh me dabirabir bar aghuim ikɨtɨ, bar akongezir arazir kam a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh, ua men ikian kogham.

Aisaia 30:19

Ia Jerusalemia, ia Saionɨn Mɨghsɨamɨn iti, ia ua kuarkuv aziv arangan kogham. Ezɨ Ikiavɨra Itir God datɨrɨghɨn ian apangkuvigha, deravɨra ia damuasa gara iti. Egh ia uari bagh an azangsɨgh an dɨmtɨ, a zuamɨra ian dɨmdiam baregh ian akuragham.

Luk Osirizir Akar Aghuim 16:25

“Ezɨ Abraham an dɨmdiam ikaragha ghaze, ‘Otarim, nɨ bizir kam uam a ginɨrɨgh, nɨ angamɨra itir dughiamɨn, nɨ bizir aghuiba iti. Ezɨ Lasarus bizir kuraba iti. Ezɨ a datɨrɨghɨn kagh deraghavɨra itima nɨ mɨzazir kuram isi.

Esekiel 7:16

Eghtɨ mɨdorozimɨn ariaghirezir puvatɨzir darasi, me arɨ mɨghsɨabar mangam. Egh uan arazir kurar me amizibagh nɨghnɨgh naviba bar osemegh puvɨrama aziam. Eghtɨ men azirakam, mati danganir zaribar itir kuarazibar ararebar mɨn mangam.

Luk Osirizir Akar Aghuim 6:25

Ia dagher avɨriba itiba, ia gɨn mɨtiriam ian agham, kamaghɨn ia ikuvigham. Ia datɨrɨghɨn ati darasi, ia gɨn arangɨva temeribagh ruam, kamaghɨn ia ikuvigham.

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Luk Osirizir Akar Aghuim 7:50

Ezɨ Iesus kamaghɨn amizim mɨgei, “Nɨn nɨghnɨzir gavgavim nɨn akura, kamaghɨn amizɨ nɨ navir amɨrizimɨn mangɨ.”

Luk Osirizir Akar Aghuim 7:38

Egha a Iesusɨn gɨrakɨrangɨn an dagarimningɨn boroghɨn tughav ikia azima, an teriba Iesusɨn dagarimning giri. Ezɨ a uan dapanir arɨzimɨn an dagarimning adizava, an dagarimningɨn tora borem an dagarimning ginge.

Sekaraia 12:10

Ezɨ Ikiavɨra Itir God ua ghaze, “Kɨ Devitɨn ovaviba ko, Jerusalemɨn nguibamɨn itir gumazamizir igharaziba, kɨ me damutɨ, me uan navir averiabar aven apangkuvir arazim ko, God ko mɨgeir arazimɨn gɨn mangam. Egh gumazir me afuzimɨn ruazim, me an ganigh a bagh bar puv aziam. Mati gumazim otarir ivariamra itima, an aremezɨ, an a bagha puvɨram azi moghɨn, me bar osemegh puvɨram aziam.

Aisaia 66:2

Kɨ uabɨ, uan dafarimningɨn overiam ko nguazim ko biziba bar dar ingarizɨ, da otivigha iti. Nan navim kamaghɨn amir gumazamizibar iti: Gumazamizir uari abɨrava, uan arazir kuraba bagha osemegha, nan akam baregha nan atiatia nɨgha, nan apengan itiba, kɨ men gara bar me gifonge. Kɨ Ikiavɨra Itir God, kɨ mɨkemegha gɨfa.