Matyu 5:35 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁵ Ia uan mɨgɨrɨgɨaba gavgavim dar anɨngsɨ, nguazir kam dɨponan markɨ. God nguazimɨn uan suemning arɨsi. Egh ia uan mɨgɨrɨgɨaba gavgavim dar anɨngsɨ, Jerusalem dɨponan markɨ. Jerusalem Atrivir Ekiamɨn nguibar ekiam.

Godɨn Akar Aghuim; Akar Dɨkɨrɨzir Gavgavir Igiam

³⁵ Ia uan mɨgɨrɨgɨaba gavgavim dar anɨngsɨ, nguazir kam dɨponan markɨ. God nguazimɨn uan suemning arɨsi. Egh ia uan mɨgɨrɨgɨaba gavgavim dar anɨngsɨ, Jerusalem dɨponan markɨ. Jerusalem Atrivir Ekiamɨn nguibar ekiam.

Matyu 5:35 ပူးပေါင်းရင်းမြစ်များ

Onger Akaba 48:2

Saionɨn Mɨghsɨar kam, an ganganim bar deragha bar pɨn mar iti. A notɨn amadaghan iti, ezɨ atrivir ekiamɨn nguibam an iti. Ezɨ nguazimɨn gumazamiziba mɨghsɨar kam bagha bar ifonge.

Akar Mogomem 21:10

Ezɨ Godɨn Duam pamtem nan ingarima, ensel na inigha ghua mɨghsɨar bar ekiamɨn ghuavanabo. Egha Nguibar Ekiar God Baghavɨra Itim, Jerusalem nan aka. Nguibar kam a Godɨn damazimɨn ikegha Godɨn Nguibam ategha izaghiri.

Malakai 1:14

Ian tina, na ko ofa damuasa akam akɨrigha inabazir asɨzir mɨkarziba sara itir aghuiba ategha, asɨzir kurar mɨzɨrɨziba inigha Ikiavɨra Itir God, bagha izi. Ia ifavarir arazir kam bangɨn ia ivezir kuram iniam. Kɨ Ikiavɨra Itir Godɨn Gavgaviba Bar Itim. Kɨ atrivibar Ekiam, ezɨ kantribar gumazamiziba bar nan atiatia nan ziamra fe. Kamaghɨn amizɨ, kɨ bizir kam bagh ia gasɨghasigham.”

Akar Mogomem 21:2

Ezɨ Nguibar God Baghavɨra Itim, a Jerusalemɨn igiam, kɨ an gari. Kɨ an garima, a Godɨn damazimɨn ikegha Godɨn Nguibam ategha izaghiri. A uabɨ akɨrigha, kurukazir bar aghuim gami, mati amizim uan pamɨn ikiasa kuruke.

Onger Akaba 99:5

Ia Ikiavɨra Itir Godɨn ziam fɨ, a en God. An arazir aghuiba, ko an damazimɨn zuezir arazibara amir God. Kamaghɨn, ia an boroghɨn mangɨ teviba apɨrigh, an ziam fɨ.

Onger Akaba 87:2

Israelɨn nguazimɨn itir nguibaba bar, dar tongɨn, Ikiavɨra Itir God, Jerusalemra bar a gifonge.

Aisaia 66:1

Ikiavɨra Itir God kamaghɨn mɨgei, “Overiam, a nan atrivir dabirabim, ezɨ nguazim kɨ uan dagarimning arɨzir danganim. Eghtɨ ia managh nan Dɨpenimɨn ingaram? Eghtɨ danganir manamra nan avughsazir danganimɨn mɨn ikiam? Bar puvatɨgham.

Matyu 5:36

Egh ia uan mɨgɨrɨgɨaba gavgavim dar anɨngsɨ uan dapanibar akakaghan markɨ. Ia fo, ian tav uan dapanir arɨzitam damutɨ a pigham, o ghurghurighan kogham.

Aposel 7:49

“ ‘God kamaghɨn mɨgei: Overiam, a nan atrivir dabirabim, ezɨ nguazim kɨ uan dagarimning arɨzir danganim. Eghtɨ ia managh nan Dɨpenimɨn ingaram? Eghtɨ danganir manamra nan avughsɨzir danganim ikiam? Bar puvatɨgham.