Matyu 4:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Gumazamizir arazir kurabar mɨtatemɨn aven aruiba, me datɨrɨghɨn angazangarir ekiamɨn gari. Me danganir mɨtatemɨn apiaghav ikiava aremeghasava ami, ezɨ datɨrɨghɨn amɨnim tirazɨ angazangarim me gisira.”

Godɨn Akar Aghuim; Akar Dɨkɨrɨzir Gavgavir Igiam

¹⁶ Kar, gumazamizir arazir kurabar mɨtatemɨn aven itiba, me angazangarir ekiamɨn gani. Egha gumazamizir ovengamin mɨtatemɨn aven ikeziba, angazangarim me gisira.”

Matyu 4:16 ပူးပေါင်းရင်းမြစ်များ

Aisaia 9:2

Gumazamizir arazir kurabar mɨtatemɨn aven aruiba, me datɨrɨghɨn angazangarir ekiamɨn gari. Me danganir mɨtatemɨn apiaghav ikiava aremeghasava ami, ezɨ datɨrɨghɨn amɨnim tirazɨ angazangarim me gisira.

Maika 7:8

Eghtɨ en apaniba aghumsɨzir akabar e damuan kogham. E guizbangɨra iregha gɨfa, egh e ua dɨkavigh tuivigham. E datɨrɨghɨn amɨnirbɨrimɨn iti, eghtɨ Ikiavɨra Itir God uam angazangarim e danɨngam.

Amos 5:8

God mɨkovezir kamning Guezam ko, Iavibamɨn ingarigha, egha uaghan mɨkovezir pɨn ikia angazangarim anɨdiba sara ingari. A mɨtarmer bar pɨzim gɨrazɨ, angazangarim oto. Egha angazangarim gɨrazɨ mɨtatem oto. Egha ongarimɨn deima, a izima, an a isa nguazim ginge. A gumazir gavgaviba ko men dɨpenir gavgaviba sarama asɨghasɨsi. God bar bizir kabagh ami, ezɨ an ziam, Ikiavɨra Itir God.

Jopɨn Akɨnafarim 34:22

Dɨmagarir bar mɨtater pɨzi tam ikɨtɨ, Godɨn damazimɨn arazir kurabagh amir gumazamiziba ti an aven modogham o?

Jeremaia 13:16

Ia datɨrɨghɨn Godɨn akurvazimɨn angazangarim bagha garavɨra iti. Eghtɨ gɨn Ikiavɨra Itir God, angazangarir kam giraghtɨ, a mɨtarmer bar ekiamɨn otogham. Guizbangɨra, dughiar kuram otogham, mati Ikiavɨra Itir God ian nguibaba mɨtarmem dar anightɨ, ia mɨghsɨabar pɨn daruva asaghpor tintinibar iregham. Kamaghɨn, arazir kam faragha otivamin dughiamɨn, ia zuamɨra ziar ekiam isɨ Ikiavɨra Itir God, ian God, a danɨng.

Jopɨn Akɨnafarim 10:22

Nguibar kamɨn itir biziba, da deragha itir puvatɨgha bar ikufi. Egha angazangariba bar moghɨra puvatɨ, kamaghɨn amizɨ, mɨtarmemra nguibar kam avara.”

Jopɨn Akɨnafarim 3:5

A dughiar kam gamizɨ a bar mɨtarmegha, ghuariar pɨziba overiam avaraghɨva aruemɨn angazangarim bar anepazazɨ, kamaghɨn deraghai.

Onger Akaba 44:19

Nɨ guizbangɨra e abɨra, mati nɨ asɨzir atiaba itir danganimɨn e ataghizɨ, e akurvaziba puvatɨgha uarira iti. Nɨ mɨtarmer bar ekiamɨn e avarazɨ e an aven iti.

Aisaia 9:1

Eghtɨ gɨn, osɨmtɨziba aterir darasi, me uam osemeghan kogham. Ia fo, Ikiavɨra Itir God, fomɨra Naptali ko Sebulunɨn anababar nguibaba bar dagh asɨghasɨghizɨ, me bar aghumsɨki. Eghtɨ gɨn dughiatam izɨtɨ, tuavir ongarimɨn zuimɨn boroghɨra itir danganim, ko Jordanɨn Fanemɨn dadarir vongɨn itir danganim, a Galilin Distrighɨn nguazim, danganir kam Kantrin Igharazibar Gumazamizir avɨriba uaghan an aven iti, nguibar kaba uaghan bar moghɨra, men dughiar kuraba da gɨvaghtɨ, me ziar ekiam iniam.