Matyu 27:51 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵¹ Ezɨ dughiar kamra, Godɨn Dɨpenimɨn guraghav itir inir ekiam pɨn ikegha tongɨra bigha, ghuaghira vɨn otogha akuar pumuning irɨ. Ezɨ mɨkɨmkɨzim otozɨma, dagɨar ekiaba bɨaghire.

Godɨn Akar Aghuim; Akar Dɨkɨrɨzir Gavgavir Igiam

⁵¹ Ezɨ dughiar kamra, Godɨn Dɨpenimɨn guraghav itir inir ekiam pɨn ikegha tongɨra bigha, ghuaghira vɨn otogha akuar pumuning irɨ. Ezɨ mɨkɨmkɨzim otozɨma, dagɨar ekiaba bɨaghire.

Matyu 27:51 ပူးပေါင်းရင်းမြစ်များ

Mak Osirizir Akar Aghuim 15:38

Ezɨ Godɨn Dɨpenimɨn itir inir ekiar guraghav itim pɨn ikegha tongɨra bigha ghuaghira vɨn otogha akuar pumuning irɨ.

Hibru 6:19

Egha e bizir aghuir e fogha iniamiba bagha mɨzuair arazir kam, a en akuragha en ikɨrɨmɨrimɨn suiragha gavgavim e ganɨdi, mati angka kurimɨn suirazɨ a gavgavigha danganir vamɨran iti. E Iesus mɨzuaima, an aven ghua inir ekiar me Godɨn Dɨpenimɨn gurazimɨn gɨrakɨrangɨn Bar Anogoroghezir Danganimɨn oto.

Akar Mogomem 11:19

24plan gumazir dapaniba mɨkemegha gɨvazɨma, Godɨn Dɨpenir an Nguibamɨn itim kuiaghirɨzɨma, me garima, Akar Dɨkɨrɨzir Gavgavim itir Boksiam Godɨn Dɨpenimɨn aven iti. Ezɨ overiamɨn onɨmariba taghtagha tintinibar zuima, nɨgɨnir dafam otozɨ, arariba dagarvasi, ezɨ mɨkɨmkɨzim otozɨ amozir ofɨzir ekiar dagɨabar mɨn gariba iri.

Matyu 27:54

Ezɨ 100plan mɨdorozir gumazibar garir gumazir dapanir mam, uan mɨdorozir gumaziba ko, me garima mɨkɨmkɨzim otozɨma, arazir kaba otivima, me bar puvɨram atiati. Egha me kamaghɨn mɨgei, “Bar guizbangɨra, gumazir kam Godɨn Otarimra.”

Matyu 28:2

Ezɨ mɨkɨmkɨzir ekiam maghɨram oto. Ezɨ Godɨn enselɨn mam Godɨn Nguibam ategha izaghira, dagɨar Iesusɨn mozir akamɨn itim poghpuegha, mong mozir apɨnimɨn ghugha, dagɨam gaperaghav iti.

Aisaia 25:7

Datɨrɨghɨn gumazamizir naviba osemegha itiba, me mati gumazim aremezɨ, me a bagha osemegha korotiar pɨziba aghui. Eghtɨ Ikiavɨra Itir God, Saionɨn Mɨghsɨamɨn ikɨ, gumazamiziba bar men ovever osɨmtɨziba agɨvam, mati me gumazir kuam avarazir niravɨzir kam, a me dama anedegham.

Akar Mogomem 11:13

Ezɨ dughiar kamra mɨkɨmkɨzir dafam otozɨ, God nguibar ekiamɨn dɨpeniba 10plan okoruabar da tuirazɨ dar okoruar mam bar ikufi. Ezɨ 7,000plan gumazamiziba ariaghire, ezɨ ariaghirezir puvatɨziba ikia, bar atiatigha Godɨn uan Nguibamɨn itimɨn ziam fe.

Hibru 9:3

Egha me inir bar ekiam, bɨrimɨn mɨn Anogoroghezir Danganimɨn gɨrakɨrangɨn anegura. Ezɨ inir kamɨn gɨrakɨrangɨn danganir igharazir mam uaghan iti, me kamagh a dɨbori, “Bar Anogoroghezir Danganim.”

2 Eghaghaniba 3:14

Egha Bar Anogoroghezir Danganimɨn tiar akam avasa, me inir bluplaba, ko pɨghagheviba, ko agheviba ko, inir ghurghurir aghuariba sara inigha inir ekiam isami. Egha me enselɨn bar gavgavibar nedaziba inir kamɨn da isamigha, tiar akamɨn anegura.

Ofa Gami 21:23

Egh a Bar Anogoroghezir Danganim modir nir ekiam iti naghɨn ko ofa gamir dakozimɨn boroghɨn mangan markɨ. Kɨ uabɨ Ikiavɨra Itir God, kɨ uan ingangarimra damuasa me amɨsefe. Kamaghɨn amizɨ, an adar boroghɨn izɨ, egh a bizir bar zuezir kabar amutɨ da nan damazimɨn mɨzegham.”

Habakuk 3:13

Nɨ tizim bagha arazir kabagh ami? Guizbangɨra, nɨ uan gumazamiziba ko, atrivir nɨ mɨsevezimɨn akurvaghasa ifonge, egha nɨ arazir kabagh ami. Egha nɨ gumazir kurabar gumazir dapanim mɨsuegha, bar an adarazi gasɨghasɨki, mati gumazim dɨpenir siriamɨn ikegha anekaragharigha, bar izaghira an dɨpenir akɨnibar tu. (Ighiam gamua an suiam atugha avughsegha ua ighiam gami.)

Onger Akaba 18:15

O Ikiavɨra Itir God, nɨ men atarir adarir kam, mati amɨnir ekiam nɨn atinimɨn otogha me gɨva me munamadi. Nɨn adarir kam ongarim gamizɨ, a bar mɨsɨngi, ezɨ bizir nguazir mɨngarimɨn suiraziba bar azenim gire.

Onger Akaba 18:7

Kamaghɨn amizɨ, a nan apanibar atari. Egha mɨkɨmkɨzim gamizɨ an otogha, mɨghsɨabagh inobaghnobasi.

Ofa Gami 16:2

“Nɨ uan avebam Aron mɨkemegh. A zurara nan purirpenimɨn aven nir ekiamɨn akɨrangɨn Danganir Bar Anogoroghezimɨn pura mangɨva, Akar Dɨkɨrɨzir Gavgavimɨn Boksiar asuamɨn guamɨn tuivan markɨ. Kɨ ghuariar mamɨn tongɨn ikɨ, Akar Dɨkɨrɨzir Gavgavimɨn Boksiamɨn asuam gisɨn ikiam, kar arazir kuraba gɨn amadir danganim. Kamaghɨn amizɨ, kɨ uabɨ dughiam atɨghtɨ, an an aven mangɨ. A pura danganir kamɨn aven mangɨghtɨ, kɨ a mɨsueghtɨ an aremegham.

Ua Me Ini 40:21

Egha me Ikiavɨra Itir God Moses mɨkemezɨ moghɨra, Boksiam Purirpenim gatɨgha, inim agurazɨ a Boksiam modo.

Dɨboboniba 4:5

“Israelia danganir mam ategh mangɨsɨ, Aron uan otariba ko Purirpenimɨn aven mangɨ, Akar Dɨkɨrɨzir Gavgavimɨn Boksiam modir inir aghuarir ekiam adegh a inigh an onegh Boksiam avaragh.

Luk Osirizir Akar Aghuim 23:47

Ezɨ mɨdorozir gumazibar gumazir dapanim kamaghɨn ganighava Godɨn ziam fe. Egha kamaghɨn mɨgei, “Guizbangɨra, kar gumazir aghuim, a bizitam pazava a gamizir puvatɨ.”