Matyu 27:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Pailat fo, me Iesus amir biziba bagha naviba ikuvava, a inigha kotiamɨn ize, egha kamaghɨn men azai.

Godɨn Akar Aghuim; Akar Dɨkɨrɨzir Gavgavir Igiam

¹⁸ Pailat fo, men naviba pura Iesusɨn ikuvigha egha a inigha kotiamɨn ize, egha kamaghɨn men azai.

Matyu 27:18 ပူးပေါင်းရင်းမြစ်များ

Aghuzir Akaba 27:4

Gumazir atarim ko anɨngazim, mɨzazim isa gumazir igharazibagh anɨga, bar paza me gami. Navimɨn aven atara navim ikuvizir arazim, a bar ikuvigha, adarir arazim ko anɨngazir arazim gafira.

Aposel 5:17

Ezɨ ofa gamir gumazibar dapanim ko an akurvazir adarasi, kar Sadyusibar aven itir gumaziba. Me aposelba amir biziba bagha navim ikufi.

Mak Osirizir Akar Aghuim 15:10

Pailat fo, ofa gamir gumazir ekiaba Iesus amir biziba bagha naviba ikuvava, a isa Pailatɨn dafarim gatɨ.

Jems 4:5

Godɨn Akɨnafarim kamaghɨn mɨgei, “Duar God en navir averiabagh atɨzir kam, e God uabɨn apengara ikiasa a bar ifonge.” Ia ti ghaze, akar kam ti pura bizim? Puvatɨ.

Aposel 13:45

Ezɨ Judaba gumazamizir okoruar kamɨn ganigha, men naviba bar ikufi. Ezɨ me Polɨn akabar kurakuragha a mɨgei.

Aposel 7:9

“Ezɨ en inazir afeziaba navir averiabar Josepɨn ikuvigha Isipɨn nguibamɨn ingarir gumazir kɨnimɨn ikiasa anemada. Ezɨ God a ko ikia an osɨmtɨziba agɨvagha an akura. God fofozir bar aghuiba Josep ganɨngizɨ, an arazir aghuarim akakasi, ezɨ Isipian atrivim bar a gifongegha, a gamizɨ a Isipɨn gumazir dapanimɨn oto. Egha an dɨpenimɨn biziba sara gari.

Jenesis 37:11

Ezɨ Josepɨn aveghbuaba naviba bar a baseme, ezɨ afeziam Josepɨn irebamning puvɨram aning gɨnɨghnɨsi.

Aisaia 26:11

O Ikiavɨra Itir God, nɨ gumazamizir kurabagh asɨghasɨghasa uan agharim ghufegha gɨfa. Ezɨ me an ganizir puvatɨ. Egh nɨ me ateghtɨ, me an gan fogh suam, nɨ uan gumazamizibar akurvaghasa bar ifonge. Eghtɨ gumazir kurar kaba bar aghumsigham. Eghtɨ nɨ uan apaniba bagha atɨzir avir kam, bar me dapongtɨ me isigh.

Fofozir Gumazim 4:4

Egha kɨ uaghan arazir mamɨn gari, gumazamiziba ingangarir mɨtɨabagh amua, bizir aghuibagh ami. Ezɨ bizir kamɨn mɨngarim kamakɨn, me uan namakabar garima, me bizir avɨriba ikia ziar ekiaba isima, me uaghan men mɨn otivasa ingangarir avɨribagh ami. Ezɨ kɨ ghaze, arazir kam uaghan an mɨngariba mongezɨ e dagh fozir puvatɨgha okam nɨghnɨsi. A mati gumazim amɨnimɨn suighasa ivegha ghuava an suighan ibura.

Onger Akaba 106:16

Gɨn me gumazamiziba puvatɨzir danganimɨn ikia, egha men marazi Moses ko Aron navim aningɨn ikufi, aning Ikiavɨra Itir Godɨn ingangarir gumazimning.

Matyu 27:17

Ezɨ gumazamizir avɨriba iza uari akufa, ezɨ Pailat kamaghɨn men azai, “Ia tina gifonge, eghtɨ kɨ ia bagh anetaghɨragham. Kɨ Barabas ataghɨragham, o Iesus, me a dɨbora ghaze, ‘Gumazir God Uam E Iniasa Mɨsevezim,’ kɨ anetaghɨragham?”

Matyu 27:19

Egha Pailat uaghan kotiabagh amir dabirabimɨn aperaghav itima, an amuim a bagha akam amaga ghaze, “Kɨ dɨmangan irebamɨn arazir kuraba puvatɨzir gumazir kamɨn gani, egha bar oseme. Kamaghɨn, nɨ arazitamɨn a damuan markɨ.”