Matyu 25:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Ezɨ gumazir 2,000 kina inizim kamaghɨra amua, uaghan 2,000 kinan mam dagh isɨn uam a ini.

Godɨn Akar Aghuim; Akar Dɨkɨrɨzir Gavgavir Igiam

¹⁷ Ezɨ gumazir 2,000 Kina inizim kamaghɨra amua, uaghan 2,000 Kinan mam dagh isɨn uam a ini.

Matyu 25:17 ပူးပေါင်းရင်းမြစ်များ

Efesus 5:16

Datɨrɨghɨn ia Godɨn Arazibar amuamin dughiam iti. Ezɨ e datɨrɨghɨn itir dughiam, a gumazamiziba arazir kurabagh amir dughiam, a dughiar kuram. Kamaghɨn amizɨ, ia deravɨra gan, dughiar kam pura mangɨ gɨvaghan kogham. Dughiaba vaghvagh ia arazir aghuibar amu.

1 Pita 4:10

God uan apangkuvimɨn bizir guar avɨrir aghuiba vaghvagha ia ganɨdi. Kamaghɨn amizɨ ia bar vaghvagh Godɨn ingangarir gumazamizir aghuibar ikɨva, egh ia bizir aghuir God pura ia ganɨngizibar, Godɨn gumazamizibar akurvagh.

1 Timoti 5:10

Amizir kabanang, gumazamiziba bar me gɨfo, me ingangarir aghuibagh ami: me uan boriba deravɨra men garava, dagheba nguibamɨn itir gumazamizibagh anɨga, Godɨn adarazir dagariba ruava, gumazamizir osɨmtɨziba itibar akurvagha, uaghan ingangarir aghuir igharazibagh ami. Kamaghɨn amir amizibara, nɨ men ziaba osir.

Kolosi 4:17

Egh ia kamaghɨn Arkipus mɨkemegh, “Ekiam nɨ ganɨngizir ingangarim, nɨ deravɨra a damuva bar anegɨfagh.”

2 Korin 8:12

Gumazitam o amizitam bizibar anɨngsɨ bar ifueghtɨ, God da inisɨ bar akuegham. God bizir gumazamiziba vaghvagha ikiava anɨdibagh nɨghnɨgha, egha bizir me anɨdiba isi. A gumazamizir biziba puvatɨzibagh nɨghnɨgha men araziba tuisɨzir puvatɨ.

Aposel 10:2

Kornilius, a God ifongezir arazibagh amir gumazim, a uan adarazi ko me Godɨn apengan iti. Egha a uaghan Judan gumazamizir onganarazibar akurvagha, zurara God ko mɨgei.

Jenesis 18:19

Kɨ kamaghɨn ifonge, Abraham uan boriba ko uan ovavir boribar sure damightɨ me Ikiavɨra Itir Godɨn akamɨn gɨn mangam. Egh me arazir aghuiba ko arazir nan damazimɨn derazibara darara gɨn mangam. Kamaghɨn, kɨ ua bagha Abraham ginaba. Egh gɨn kɨ uan akar dɨkɨrɨzimɨn gɨn mangɨ, Abraham deravɨram a damuam.”

2 Samuel 19:32

Barsilai datɨrɨghɨn 80plan azeniba ikia egha bar ghuri. A dagɨar avɨriba iti, ezɨ Devit uan adarazi ko Mahanaimɨn itir dughiamɨn, Barsilai dagheba ko bizir avɨribar Devit uan adarazi ko me ganɨdi.

Matyu 25:16

A ghuzɨma, gumazir 5,000 kina inizim maghɨra an ingara, 5,000 kinan mam a dagh isɨn uam a ini.

Matyu 25:18

Ezɨ gumazir 1,000 kina inizim ghua mozim okoregha uan gumazir ekiamɨn dagɨaba isa mozim gatɨgha da modo.