Matyu 24:35 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁵ Overiam ko nguazim gɨvagham, eghtɨ nan mɨgɨrɨgɨaba gɨvaghan kogham.”

Godɨn Akar Aghuim; Akar Dɨkɨrɨzir Gavgavir Igiam

³⁵ Overiam ko nguazim givagham, eghtɨ nan mɨgɨrɨgɨatam gɨvaghan kogham.”

Matyu 24:35 ပူးပေါင်းရင်းမြစ်များ

Aisaia 40:8

E fo, oghevseviba mɨdɨi, ezɨ akɨmariba suaghiri. Ezɨ en Godɨn akam, a zurara ikia kamaghɨra iti.”

Dɨboboniba 23:19

God a gumazamizibar mɨn ikia ifarir puvatɨ. Egha gumazamizibar mɨn ikia uan nɨghnɨzim gɨghavkɨrir puvatɨ. A bizir manam damuasa akar dɨkɨrɨzim gami, an a damuam. A mɨgeir biziba otivaghiri.

Aisaia 55:11

Ezɨ kamaghɨra, nan akam uaghan, pura uamategh na bagh izeghan kogham. Puvatɨ. A kɨ mɨkemezɨ moghɨra bizibar amutɨ da otivam. Eghtɨ ingangarir kɨ damuasa ifongeziba, a adar amutɨ dar dagheba otivam.

Matyu 5:18

Kɨ bar guizbangɨra ia mɨgei, Moses Osirizir Arazibar akar muziaritam gɨvaghan kogh, mangɨ nguazim ko overiam gɨvaghamin dughiam otogham. Dar osizirir otevir muziariba ko ababanir me osiriziba, da kamaghɨra ikɨ mangɨ bizir otivamiba bar otivigham.

Aghuzir Akaba 30:5

Godɨn akam, a bar guizbangɨra. Ezɨ bizir a damuasa mɨgeiba, da bar guizɨn otifi. Egha a bar deraghavɨra gumazamizir a bagha zuiba, dɨvazimɨn mɨn me avɨnigha men gari, mati oram, mɨdorozir gumaziba modorozimɨn ghua an suigha uarir pɨsi.

Aisaia 51:6

Ia kogh pɨn overiamɨn ganɨva, egh vɨn nguazimɨn gan! Overiar kam, mɨgharimɨn mɨn mangɨgh gɨvagham, eghtɨ nguazim, inimɨn mɨn bɨghiregh gɨvagham. Eghtɨ gumazamiziba, itibar mɨn pura tintinibar bar arɨghiregham. Ezɨ nan arazir gumazamizibar akurvagha ua me isim, a zurara ikɨ gɨvaghan kogham.

Aisaia 54:10

Kɨ Ikiavɨra Itir Godɨn bar ia gifongezim, kɨ ghaze, mɨghsɨaba ko akɨriba ti sɨvaghsɨvagh mangɨ bar gɨvagham, eghtɨ nan apangkuvir arazir ian itim, a gavgavigh ikɨ mamaghɨra ikiam. Kɨ fomɨra ia ko Akar Dɨkɨrɨzir Gavgavim, e uari inigh deragh ikiasa a gamigha gɨfa. Eghtɨ kɨ Akar Dɨkɨrɨzir Gavgavir kam abighan kogham.”

Onger Akaba 89:34

Kɨ uan Akar Gavgavir a ko dɨkɨrɨzir kam abɨghan kogh, uan akatam uamategh a giraghan kogham.

Taitus 1:2

Kɨ me damutɨ, me nɨghnɨzir gavgavim Godɨn ikɨva, egh God me danɨngamin zurara itir ikɨrɨmɨrir aghuarim mɨzuamam. Fomɨra fomɨra nguazir kam otozir puvatɨzir dughiamɨn, an akar dɨkɨrɨzim e ganigha gɨvagha ghaze, a ikɨrɨmɨrir kam e danɨngam. A Godɨn ifarir puvatɨzim.

Onger Akaba 102:26

Overiam ko nguazim bar ikuvigh gɨvagham, eghtɨ nɨ zurara ikiam. Guizbangɨra, aning bar ikuvigham, mati inim ghurigha bar bɨaghire. Nɨ aning damightɨ aning gɨvagham, mati gumazim korotiar ghurim suegha a makuni. Eghtɨ aning bar gɨvagh ua ikian kogham.

Onger Akaba 19:7

Ikiavɨra Itir Godɨn Araziba, da bar guizbangɨra, egha ikɨrɨmɨrir aghuim e ganɨdi. E nɨghnɨzir gavgavim Ikiavɨra Itir Godɨn akabar ikiam. Ezɨ fofoziba puvatɨzir darasi, a fofozir aghuim me ganɨdi.

Akar Mogomem 3:14

Gumazir kam ua kamaghɨn mɨgei, “Nɨ Laodisian nguibar ekiamɨn itir siosɨn garir ensel bagh akataba osirigh. Akar kaba kamakɨn: “Kɨ gumazir ‘guizbangɨra’ mɨgeim. Godɨn akar dɨkɨrɨziba ko an akaba bar, kɨ guizbangɨra mɨgɨa, zurara guizɨn akamrama akuri. Kɨ God ingarizir biziba bar dar mɨngarim. Egha akar kam nɨ bagha anemadazɨ a izi.

Akar Mogomem 6:14

Overiam mati, akɨnafarir bar dafam me a righa anetɨzɨ moghɨn, a uan danganim ataki. Ezɨ mɨghsɨaba ko arighatɨziba bar uan danganiba ategha, sɨvagha ghue.

Akar Mogomem 20:11

Egha kɨ atrivir dabirabir ghurghurir ekiamɨn garima a iti, ezɨ gumazir a gapiaghirim, kɨ an garima a iti. Ezɨ nguazim ko overiam aning arav ghu, eghtɨ gumazitam uam aningɨn ganan kogham.

Aisaia 34:4

Aruem ko, iakɨnim ko mɨkoveziba bar moghɨra kuarigh iregh gɨvagham. Eghtɨ overiam mati akɨnafarim me a irigha a nomke. Mɨkoveziba ko bizir overiamɨn ikia isiba, mati wainɨn ikarɨzibar dafarir mɨdiariba ko fighɨn temebar ovɨzir mɨdiariba, mɨsigha ira nguazim girezɨ moghɨn nguazim giram.

Onger Akaba 119:89

O, Ikiavɨra Itir God, nɨn akam ikɨvɨra ikiam. A nɨn Nguibamɨn ikɨ mamaghɨra ikiam.

Mak Osirizir Akar Aghuim 13:31

Overiam ko nguazim gɨvagham, eghtɨ nan mɨgɨrɨgɨaba gɨvaghan kogham.”

Luk Osirizir Akar Aghuim 21:33

Overiam ko nguazim gɨvagham, eghtɨ nan mɨgɨrɨgɨaba gɨvaghan kogham.”

Daniel 4:28

Ezɨ Daniel mɨkemezɨ moghɨra, bizir kaba bar Atrivim Nebukatnesar batifi.