Matyu 24:28 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁸ “Gumazir kuaba iti naghɨn, taragiaba uari akuvagham. Kamaghɨra, Gumazamizibar Otarim izɨtɨma, gumazamiziba bar an ganam.”

Godɨn Akar Aghuim; Akar Dɨkɨrɨzir Gavgavir Igiam

²⁸ “Danganir manam gumazir kuam irɨghav iti, a gisɨrara isaba uari akufi, eghtɨ gumaziba fogham, kuar mam kagh iti. Kamaghɨra, Gumazibar Otarim izɨtɨma, gumaziba bar an ganam.”

Matyu 24:28 ပူးပေါင်းရင်းမြစ်များ

Luk Osirizir Akar Aghuim 17:37

Ezɨ me an azara, “Ekiam managhɨra?” Ezɨ a men akam ikaragha ghaze, “Gumazir kuaba managh iti naghɨn, taragiaba uari akuvagham.”

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

Jeremaia 16:16

Ikiavɨra Itir God kamaghɨn mɨgɨa ghaze, “Kɨ apaniba amadaghtɨ, me izɨva Judan gumazamizibar suigh me iniam, mati gumazim uan ivem akunigha osirir avɨriba ini. Eghtɨ gɨn kɨ uam apanir igharaziba ameghtɨ, me mangɨ gumazamizir mɨghsɨabar mongeziba, ko dagɨar toribar mongeziba, buri men suigham, mati gumazim ruarimɨn asɨziba buria dar suisi.

Esekiel 39:17

“Kɨ Ikiavɨra Itir Godɨn Ekiam, kɨ kamaghɨn mɨgɨa ghaze: O nguazir kamɨn gumazim, kɨ kamaghsua, nɨ kuarazir guar avɨriba ko, asɨzir atiar tintinibar itiba bar dar diaghtɨ, me izɨ uari akuvagh ofan kɨ me bagh damuamin kam amɨ. Kar Israelɨn mɨghsɨabar isar bar ekiam. Da izɨva gumazir kuar kabar tuzibar amɨva dar ghuzim dozam.

Habakuk 1:8

“Men hoziaba bar puvɨra ivemari, egha me asɨzir atiar ruarimɨn ikia puvɨra ivemaribagh afira. Egha hoziar kaba bar puvɨra mɨsosi, ezɨ me mɨsozir arazim, afiar atiabar mɨdorozir arazim gafira. Hoziar kaba uari fa, uari akuri, ezɨ mɨsoghamin gumaziba, me hoziar kabagh apiagha, nguibar bar saghon itibar ikegha, mɨdorozim foreghasa izi. Me bar puvɨram akɨgh izam, mati kuarazir isam nguazim gisɨn uan asɨzimɨn apigha a mɨsuegh anemasa, pura tuigha iraghu.