Matyu 22:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Ezɨ Farisiba ghua akabav suegha Iesusɨn suighasa tuaviba buri. Egha me ghaze, a pazɨ bizitam mɨkemeghtɨ, me an mɨgɨrɨgɨam baghavɨram an suigham.

Godɨn Akar Aghuim; Akar Dɨkɨrɨzir Gavgavir Igiam

¹⁵ Ezɨ Farisiba ghua akabav suegha Iesusɨn suighasa tuaviba buri. Egha me ghaze, a bizitam a paza mɨkemegham, eghtɨ me an mɨgɨrɨgɨam baghavɨra an suigham.

Matyu 22:15 ပူးပေါင်းရင်းမြစ်များ

Onger Akaba 2:2

Nguazir kamɨn itir atriviba, mɨdorozim bagha uari akufi. Ikiavɨra Itir God ko atrivir a ua bagha inabazim, gumazir dapaniba aning dɨkabɨnasa tuaviba buri. Me kamaghɨn mɨgɨa ghaze,

Onger Akaba 59:3

Nɨ gan, gumazir kurar mɨsoziba na mɨsueghtɨ kɨ aremeghasa, uari akuvagha zuamɨra ghua uan danganibar mueghav ikia na bagha gari. O Ikiavɨra Itir God, kɨ arazir kuratam gamizir puvatɨ.

Hibru 12:3

Ia bar deraghvɨra Iesus gɨnɨghnɨgh. Gumazir arazir kurabagh amiba fomɨra bar puvɨra Iesusɨn apanim gami. Ezɨ a bar tugha gavgafi. Ia bizir kam gɨnɨghnɨgh egh tugh gavgavighsɨ amɨrvaghan markɨ, egh uan nɨghnɨzir gavgavim ataghɨraghan markɨ.

Jeremaia 20:10

Kɨ orazi, gumazamiziba bar nɨmɨra uarira uariv gɨa ghaze, Jeremaia, a ghaze, bizir kurar kam bar danganibar iti, an e damutɨ e atiatingam. Kamaghɨn e a isɨ kotiam datɨka. E datɨrɨghɨrama a isɨ gumazir ekiabar damazimɨn kotiam darɨgham. Nan namakaba kamaghsua ifonge, bizir kurar na bativir kaba na dɨkabɨragham. Me ghaze, “E ti a gifaragh a dɨkabɨraghɨva, an arazir kuram ikarvagham.”

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Aisaia 29:21

Egh arazir kamra uaghan, gumazir pura ifara igharaz darazi isa kot garɨziba, ko gumazir osɨmtɨzibagh amibar akurvagha akar ifavaribagh amiba, ko gumazir kotiam adavadavightɨ, eghtɨ gumazir Godɨn damazimɨn deraziba kotiamɨn me gafiraghan kogham, gumazir kaba, me bar moghɨra bar ikuvigham.

Onger Akaba 57:6

Nan apaniba nan suighasa na bagha ivem agura. Mati gumazim asɨzir atiamɨn suighasa azuazim agura. Kɨ magɨramin mozim, me tuavir kɨ zuimɨn an okorezɨ osɨmtɨzir ekiam nan iti. Ezɨ puvatɨ, me atamakuigha uari torir kam giraghue. (Ighiam gamua an suiam atugha avughsegha ua ighiam gami.)

Onger Akaba 41:6

Gumazir iza nan garir maba, me ifara pura mɨgɨrɨgɨar kɨnibar na mɨgei. Me na mɨkɨm nan azang kamaghɨn foghasa, kɨ arɨmariar kuram iti. Egh azenan danganiba bar dar mangɨ nan arɨmariamɨn gun me mɨkɨmam.

Matyu 12:14

Ezɨ Farisiba dɨkavigha God ko mɨgeir dɨpenim ategha uari akuvagha Iesus mɨsoghasa tuaviba buri.

1 Korin 7:35

Kɨ ian akuraghtɨ ia deragh ikiasa akar kam gami. Kɨ ian anogoroghasa nɨghnɨzir puvatɨ. Kɨ kamaghsua, ia zurara arazir aghuibar gɨn mangɨ, egh Ekiamɨn ingangarim damu. Biziba pura tintinimɨn ian nɨghnɨzibagh ekuan kɨ aghua.