Matyu 21:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Godɨn akam inigha izir gumazim Aisaia faragha mɨkemezir akaba otivasa, bizir kaba otifi. Akar kam kamakɨn,

Godɨn Akar Aghuim; Akar Dɨkɨrɨzir Gavgavir Igiam

⁴ Godɨn akam inigha izir gumazim Aisaia faragha mɨkemezir akaba otivasa, bizir kaba otifi. Akar kam kamakɨn,

Matyu 21:4 ပူးပေါင်းရင်းမြစ်များ

Sekaraia 9:9

Ia Saionɨn nguibar ekiamɨn itir gumazamiziba, ia bar akongegh! Ia Jerusalemɨn itir gumazamiziba, ia bar tiariba akar pamtemɨn dɨm. Ia gan, ian atrivim mara ia bagha izi! A ziar ekiam ikiava mɨdorozim gamuava uan apaniba abɨri. Egha a uabɨ uan ziam fer puvatɨ. A gumazir kɨnir ziaba puvatɨzir mamɨn mɨn donkin mam gaperagha izi. Kar donkin amebamɨn nguzir asem.

Jon Osirizir Akar Aghuim 12:15

“Ia Saionɨn nguibar ekiamɨn itir gumazamiziba, ia atiatingan markɨ. Ia gan, ian atrivimra mara, ia bagha izi! A donkin nguzim gaperagha izi.”

Matyu 1:22

Arazir kaba kamaghɨn otiva, egha Godɨn akam inigha izir gumazir mamɨn mɨgɨrɨgɨamɨn mɨraram otifi.

Matyu 26:56

Godɨn Akɨnafarimɨn Osizirim mɨkemezɨ moghɨra ia kamaghɨn na gami.” Ezɨ Iesusɨn suren gumaziba bar aneteghava are.

Matyu 21:3

Eghtɨ gumazitam guan azangtɨma, gua a mɨkɨm suam, ‘Ekiam ingangarim aningɨn iti.’ Eghtɨ gumazir kam zuamɨra puram aning ateghtɨ, aning izam.”

Mak Osirizir Akar Aghuim 11:7

Egha aning donki inigha Iesus bagha izegha uan korotiar azenan azuiba suegha donki gisɨn da ghuanizɨ, Iesus a gisɨn apera.

Luk Osirizir Akar Aghuim 19:35

Egha aning donki inigha Iesus bagha izi. Egha aning uan azenan azuir korotiar ruariba donki gisɨn da ghuani. Egha aning Iesusɨn akurazɨma a donki gisɨn apera.

Jon Osirizir Akar Aghuim 12:12

Ezɨ gumazamizir avɨriba God Israelia Gitazir Dughiamɨn isar ekiamɨn ganasa iza Jerusalemɨn iti. Boghɨnaronra Iesus Lasarusɨn dɨpenimɨn ame. Ezɨ datɨrɨghɨn gumazamiziba kamaghɨn oraki, Iesus roghɨra iza Jerusalemɨn otivasa.