Matyu 21:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ezɨ Iesus Jerusalemɨn aven ghuzɨ, an itir gumazamiziba dɨgavir kuram gamigha tintinibar uarir azai,

Godɨn Akar Aghuim; Akar Dɨkɨrɨzir Gavgavir Igiam

¹⁰ Ezɨ Iesus Jerusalemɨn aven ghuzɨ, an itir gumazamiziba dɨgavir kuram gamigha tintinibar uarir azai,

Matyu 21:10 ပူးပေါင်းရင်းမြစ်များ

Aposel 9:5

Ezɨ Sol azara, “Ekiam, nɨ tina?” Ezɨ a kamaghɨn a mɨgei, “Kɨ Iesus, nɨ na gasɨghasɨsi.

Luk Osirizir Akar Aghuim 9:9

Egha Herot kamaghɨn mɨgei, “Kɨ Jonɨn fɨrim atu. Ezɨ tina bizir kabagh amima me dar gun mɨgei?” Egha a Iesusɨn ganasa.

Luk Osirizir Akar Aghuim 7:49

Ezɨ gumazir a ko ikiava apiba kamaghɨn oregha, maghɨra uarira uariv gei, “Kar gumazir manam uaghan arazir kuraba gɨn amadi?”

Luk Osirizir Akar Aghuim 5:21

Ezɨ Farisiba ko Judan Arazibagh fozir gumaziba maghɨra uan navir averiabar aven nɨghnɨsi, “Kar gumazir manam Godɨn danganim iniasa mɨgɨrɨgɨar kam gami? Gumazir kɨnitam arazir kuraba gɨn amangam, o puvatɨ? God uabɨra.”

Aisaia 63:1

Ia gan! Mar gumazir manam atrivimɨn mɨn bar deravɨra kurkegha Idomɨn kantrin aven, Bosran nguibam ategha azenan izi? Mar gumazir manam uan dapanim aviragha uan gavgavir ekiam sara izi? Ezɨ an korotiam bar aghevezɨ moghɨn gari. “Kar kɨ Ekiamra. Kɨ gumazamizibar akurvazir gavgavim iti, egha kɨ kamaghɨn mɨkɨmasa, nan arazir aghuimɨn, kɨ men apaniba abɨragha gɨfa!”

Solomon 3:6

Bizir tizim gumazamiziba puvatɨzir danganim ategha izi? Bizir kam, mati mɨgharim me sanda ko pauran anezir, me iter balsan eborimɨn ingarizim tuema an mɨgharim otifi. Ezɨ an mughuriam, mati pauran aghuir dagɨar ingangaribagh amir gumaziba amadim.

1 Samuel 16:4

Ezɨ Samuel Ikiavɨra Itir Godɨn akamɨn gɨn ghua Betlehemɨn ghu. A ghuava otozɨma, nguibar ekiamɨn gumazir dapaniba atiatim sara iza a bato. Egha me bar moghɨra aguava an azai, “Nɨ deragh e damuasa navir amɨrizim sara izi, o puvatɨ?”

Rutɨn Eghaghanim 1:19

Egha aning ghua Betlehemɨn oto. Naomi ko Rut ghua Betlehemɨn otozɨ, nguibamɨn itir gumazamiziba bar, dɨgavir kuram gami. Egha Betlehemɨn amiziba kamaghɨn mɨgei, “Kar ti Naomi?”

Jon Osirizir Akar Aghuim 2:18

Ezɨ Judan gumazir aruaba Iesus amizir arazir kamɨn ganigha, kamaghɨn an azara, “Nɨ mirakelɨn arazir manam damigh en akagh suam, nɨ gavgavim ikia datɨrɨghɨn arazir kam gami?”

Luk Osirizir Akar Aghuim 20:2

Egha me kamaghɨn a mɨgei, “E mɨkemegh, nɨ gavgavir manamɨn bizir kabagh ami? Tina gavgavir kam nɨ ganɨngi?”

Matyu 2:3

Ezɨ Herot akar kam baregha an dɨghorim a bɨra. Ezɨ Jerusalemɨn itir darazi uaghan kamaghɨn ami.

Matyu 21:9

Ezɨ gumazamizir faragha zuiba ko Iesusɨn gɨn iziba, uan tiariba akara ghaze, “Hosana! Ia Devitɨn Otarimɨn ziam fɨ! Gumazir, Ekiamɨn ziam ko gavgavimɨn izim, God deragh a damu! Hosana! Ia Nguibar bar pɨn itimɨn itir Godɨn ziam fɨ!”

Matyu 21:11

“Kar gumazir manam?” Ezɨ Iesusɨn gɨn izezir darazi ghaze, “Kar Iesus, a Godɨn akam inigha izir gumazim. A Galilin Distrighɨn aven itir nguibam Nasaretian gumazim.”