Matyu 20:30 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁰ Ezɨ gumazir damazir kurar pumuning tuavir apɨnimɨn aperaghav iti. Egha aning orazima Iesus tuavir kamɨn izima, aning pamten kamaghɨn dei, “Nɨ Devitɨn Otarim, nɨ gan apangkufigh.”

Godɨn Akar Aghuim; Akar Dɨkɨrɨzir Gavgavir Igiam

³⁰ Ezɨ gumazir damazir kurar pumuning tuavir apɨnimɨn aperaghav iti. Egha aning orazima Iesus tuavir kamɨn izima, aning pamten kamaghɨn dei, “Nɨ Devitɨn Otarim, nɨ gan apangkufigh.”

Matyu 20:30 ပူးပေါင်းရင်းမြစ်များ

Mak Osirizir Akar Aghuim 10:46

Egha Iesus uan suren gumaziba ko Jerikon izegha, gumazamizir avɨrim sara Jerikon nguibar ekiam ataghɨrasi. Ezɨ gumazir damazir kurar mam, an ziam Bartimeus (Timeusɨn otarim), a tuavir mɨriamɨn aperaghav ikia biziba bagha inge.

Matyu 22:42

“Ia God Ua Gumazamiziba Iniasa Mɨsevezir Gumazim, manmaghɨn a gɨnɨghnɨsi? A tinan otarim?” Ezɨ me an mɨgɨa ghaze, “A Devitɨn Ovavim.”

Matyu 21:14

Egha a Godɨn Dɨpenimɨn aven itima, damazir okavɨrɨziba ko suer amɨriziba a bagha izima, a men arɨmariaba gefi.

Matyu 21:9

Ezɨ gumazamizir faragha zuiba ko Iesusɨn gɨn iziba, uan tiariba akara ghaze, “Hosana! Ia Devitɨn Otarimɨn ziam fɨ! Gumazir, Ekiamɨn ziam ko gavgavimɨn izim, God deragh a damu! Hosana! Ia Nguibar bar pɨn itimɨn itir Godɨn ziam fɨ!”

Aposel 2:30

Devit a Godɨn akam inigha izir gumazir mam, egha a fo, God mɨgɨrɨgɨar gavgavim a ganɨga ghaze, ‘Nɨn atrivir danganimɨn kɨ nɨn ovavitam afagham.’

Luk Osirizir Akar Aghuim 7:21

Ezɨ dughiar kamnaghɨra Iesus gumazamizir arɨmariaba itiba gamuavɨra itima, me ghuamazi. Egha duar kuraba batogha gumazir damazir kurar avɨribagh amima, me ua gari.

Luk Osirizir Akar Aghuim 4:18

“God Akar Aghuim onganarazibagh amir gumazamizibav kɨnasa na mɨsevegha, borem nan dapanim ginge, kamaghɨn amizɨ, Ekiamɨn Duam nan iti. Egha uaghan akam akunasa na amada, eghtɨ kɨ kamaghɨn me mɨkɨm suam, gumazir damazir kuraba ua ganam. Eghtɨ kalabusɨn itir gumazamiziba ko gumazir osɨmtɨzibar apengan itiba, kɨ me bagh kalabusɨn tiar akam kuightɨ, me kalabus ategh fɨrighɨregh mangam. Kɨ kamaghɨn me mɨkɨmam, Ekiam gumazamizibagh ifongezir dughiam, an otogha gɨfa.”

Matyu 15:22

Ezɨ Kenanian amizir mam danganir kamɨn ikegha iza kamaghɨn dei, “Ekiam, nɨ Devitɨn Otarim, nɨ nan apangkuvigh! Duar kuram nan guivim gapazagha a gasɨghasɨsi.”

Aisaia 59:10

Osɨmtɨzir kaba e gamima, e mati gumazir damazir okavɨrɨzibar mɨn tuavim buriagh arui. Egha pura arua ghua dɨpenir bɨrimɨn suighasava amuav avenge. Egha e aruer arɨzimɨn arua mati gumazamiziba mɨtarmemɨn arua, uan sueba isa dagɨabagh asa daghiri. E ghaze, e ti bar gavgavigha deravɨra iti, puvatɨ. E gumazamiziba ariaghirezɨ moghɨn iti.

Aisaia 42:18

Ikiavɨra Itir God ghaze: “O Israelia, ian damaziba pɨrizɨ, ian kuariba bar ongani. Ia uan damaziba kuigh ganɨva, egh kuariba arigh oragh!

Aisaia 42:16

Kɨ uan gumazamiziba inigh tuavir me fomɨrama aruizir puvatɨzimɨn me atɨghtɨ, me an mangam. Me datɨrɨghɨn mati damaziba okavigha amɨnirbɨrimɨn iti. Eghtɨ kɨ amɨnirbɨrim me dam anedegh, angazangarim me danɨngam. Tuavir fɨghtɨzir kurar me fomɨram aruiziba, kɨ da akozeghtɨ, me tuavir voroghɨra ireghav itibar aruam. Kɨ guizbangɨra, me gɨn amadaghan kogham. Bizir kɨ damuasa mɨkemezir kaba, kɨ tam ateghan kogham. Kɨ guizɨn dar amightɨ, da otivam.

Aisaia 29:18

Eghtɨ dughiar kamɨn kuarir orazir puvatɨziba, akɨnafarir me osirizimɨn akaba baragham. Eghtɨ damazir kurar bar mɨtarmemɨn aven itiba, ua ganam.

Onger Akaba 146:8

A gumazamizir damazir okavrɨzibagh amima, me datɨrɨghɨn ua gari. Gumazamizir, men apaniba me abɨniziba, a ua me fava gavgavim me ganɨdi. Ikiavɨra Itir God, an damazimɨn derazɨ adarasi, a bar me gifonge.

Matyu 13:4

An ada akurima witɨn ovɨzir maba tuavimɨn irezɨma, kuaraziba iza da ame.

Matyu 20:31

Ezɨ gumazamiziba aning barazi, aning deima, me pamten aningɨn anogorogha ghaze, gua uan akamning dukuagh. Me kamaghɨn aning mɨgeima, aning tiarim akarava dɨa ghaze, “Ekiam, nɨ Devitɨn Otarim, nɨ gan apangkufigh.”