Matyu 2:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Egha an orazima, Arkelaus uan afeziam Herotɨn danganim inigha Judian Atrivimɨn iti. Ezɨ Josep Judian Distrighɨn mangan atiatingi. Egha God da irebamɨn mɨgɨrɨgɨam inigha Galilin Distrighɨn ghu.

Godɨn Akar Aghuim; Akar Dɨkɨrɨzir Gavgavir Igiam

²² Egha an orazima, Arkelaus uan afeziam Herotɨn danganim inigha Judian Atrivimɨn iti. Ezɨ Josep Judian Distrighɨn mangan atiatingi. Egha God da irebamɨn mɨgɨrɨgɨam inigha egha Galilin Distrighɨn ghu.

Matyu 2:22 ပူးပေါင်းရင်းမြစ်များ

Luk Osirizir Akar Aghuim 2:39

Josep ko Maria biziba bar Ekiamɨn arazir osirizim mɨkemezɨ moghɨn dagh amigha gɨvagha, uamategha Galilin Distrighɨn aven itir nguibam Nasaretɨn ghu.

Jon Osirizir Akar Aghuim 7:52

Ezɨ me kamaghɨn an akam ikaragha ghaze, “Nɨ ti uaghan Galilin gumazitam, o? Nɨ Godɨn Akɨnafarimɨn itir akaba nɨ bar deravɨra dar gan, egh nɨ uaghan kamaghɨn fogham, Godɨn akam inigha izir gumazitam Galilin Distrighɨn otoghan kogham.”

Matyu 3:13

Ezɨ dughiar kamɨn Iesus Galilin Distrik ategha Jon a ruasa, Jordanɨn Fanemɨn zui.

Matyu 2:19

Herot ovengezɨma, Josep Isipɨn itima, Ekiamɨn ensel irebamɨn Josep bato.

Matyu 1:20

Egha a kamaghɨn nɨghnɨgha itima Ekiamɨn enselɨn mam irebamɨn kamaghɨn a mɨgei, “Josep, nɨ Devitɨn ovavim, nɨ atiatingan markɨ. Nɨ Maria inigh an ikɨ. A navim asangizir borim, a Godɨn Duam da ize.

Aisaia 30:21

Egh ia daruamin dughiamɨn tuavimɨn atamakuigh, ia ti tuavir agharir guvimɨn amadaghan itimɨn mangam, o agharir kɨriamɨn amadaghan itimɨn mangam, eghtɨ a ian gɨn ikɨ ia mangamin tuavim ia mɨkɨmam.

Onger Akaba 121:8

Nɨ uan dɨpenim ataghɨraghamin dughiam, a nɨ geghuv deragh nɨn ganam. Egh nɨ ua izamin dughiam, a kamaghɨra damuam, a datɨrɨghɨn ko, dughiar gɨn izamibar, kamaghɨra damuam.

Onger Akaba 73:24

Nɨ uan akar aghuimɨn, tuavir kɨ daruamibar nan akakasi. Nɨ gɨn na inigh mangɨtɨ, kɨ nɨ ko nɨn Nguibamɨn ikiam.

Onger Akaba 48:14

Ia kamagh me mɨkɨm suam, “Godɨn kam a en God, a zurara ikia kamaghɨra iti. Egh a zurara en faragh mangɨ tuavim en akakagham.”

1 Samuel 16:2

Ezɨ Samuel kamaghɨn mɨgei, “Kɨ manmaghɨn bizir kam damigham? Kɨ bizir kam damightɨ, Sol oregh na mɨsueghtɨ kɨ aremegham.” Ezɨ Ikiavɨra Itir God a mɨgei, “Puvatɨ. Nɨ bulmakaun amebar igiar otezir puvatɨzitam inigh, ua Betlehemɨn mangɨva gumazamizir nguibar ekiamɨn itibar mɨkɨm suam, ‘Kɨ Ikiavɨra Itir God bagh ofa damuasa izi.’

Matyu 2:1

Maria Distrik Judian aven itir nguibam Betlehemɨn Iesus bate. Dughiar kamɨn Herot, Atrivimɨn iti. Amebam Iesus batezɨma fofozir gumazir maba aruem anadi naghɨn ikegha Jerusalemɨn ize.

Matyu 2:21

Ezɨ a dɨkavigha borim isa an amebam inigha me ua Israelɨn ghue.