Matyu 15:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ ‘Gumazamizir kaba, me uan akatoribar nan ziam fe, egha men naviba ko nɨghnɨziba bar saghon iti.

Godɨn Akar Aghuim; Akar Dɨkɨrɨzir Gavgavir Igiam

⁸ “Gumazamizir kaba, me uan akatoribar nan ziam fe, egha men naviba ko nɨghnɨziba bar saghon iti.

Matyu 15:8 ပူးပေါင်းရင်းမြစ်များ

Aisaia 29:13

Ezɨ Ekiam kamaghɨn mɨgɨa ghaze: “Gumazamizir kaba uan akatoribara nan ziam fe, ezɨ men naviba ko nɨghnɨziba bar nan saghon iti. Me guizbangɨra nan ziam fer puvatɨ. Me gumaziba pura uari amizir otivizir arazibar gɨntɨsi. Me arazir kabar men sure gamizɨ, me pura uan akatoribara dar bori, ezɨ da men navir averiabar aven zuir puvatɨ.

Esekiel 33:31

“Nan gumazamiziba nɨ mɨkɨmamin mɨgɨrɨgɨaba baraghasa, nɨn damazimɨn uari akuvagha apiaghav ti. Egha arazir nɨ damuasa me mɨgeiba, me dagh amir puvatɨ. Me gumazamiziba uari isava akuava amir arazibagha amua, egha dagɨaba iniasavɨra nɨghnɨgha iti.

Aposel 8:21

Nɨn navir averiam Godɨn damazimɨn derazir puvatɨ. Kamaghɨn amizɨ, nɨ Godɨn ingangarimɨn aven ikian kogham.

1 Pita 3:10

Godɨn Akɨnafarim ghaze: “Ekiamɨn damazimɨn derazir gumazamiziba, a deragha men gara, men azangsɨziba barasi. Gumazamizir arazir kurabagh amiba, Ekiam me batogha men aghua. Kamaghɨn tina dughiar ruarimɨn ikɨ, dughiar aghuibar gansɨva, egh akar kurabav kɨman koghɨva, ifavarir akaba atakigh. An akɨrim ragh arazir kurabagh asaragh, arazir aghuibara damu. Egh navir amɨrizimɨn, gumazamizir igharaziba ko ikɨsɨ gavgavigh mamaghɨra ikɨ.”

Aghuzir Akaba 23:26

Nan borim, nɨ deraghvɨra nan akam baragh nan arazibar gansɨ bar akongegh.

Hibru 3:12

Kraisɨn adarasi, ia uari bagh deravɨra gan, ian tongɨn tav nɨghnɨzir kuratam an navir averiamɨn ikɨtɨ a nɨghnɨzir gavgavim ategh, akɨrim ragh Angamɨra Itir God gasan markɨ.

Jeremaia 12:2

Nɨ me isa nguazir kam garɨghizɨ, me deraghvɨram otiva, mati gumazim temem akarazɨ, an biba nguazim giraghuezɨ, temem aghuigha bava ovɨziba iti. Me zurara nɨn ziam dɨborava, men nɨghnɨziba nɨn saghuiamɨn iti.

Jon Osirizir Akar Aghuim 1:47

Ezɨ Iesus garima Nataniel a bagha izi. Ezɨ a kamaghɨn mɨgei, “Ia ganigh. Gumazir izir kam, a guizbangɨra Israelɨn gumazim. Ezɨ ifavarir akatam ko ifavarir arazir tam an itir puvatɨ.”

Matyu 15:7

“Ia uarira uarigh gifarir gumazibara! Godɨn akam inigha izezir gumazim Aisaia guizbangɨra ian arazibar gun kamaghɨn mɨgei,

Mak Osirizir Akar Aghuim 7:6

Ezɨ Iesus me ikaragha kamaghɨn mɨgei, “Ia uarira uarigh ifarir gumazibara. Godɨn akam inigha izir gumazim Aisaia, a guizbangɨra ia amir arazibar gun mɨgɨa kamaghɨn osiri: “ ‘Gumazamizir kaba, me uan akatoribar nan ziam fe, egha men naviba ko nɨghnɨziba bar saghon iti.

Jon Osirizir Akar Aghuim 5:23

Afeziam kamaghsua, gumazamiziba bar Afeziamɨn ziam fe moghɨn, me Otarimɨn ziam fam, kamaghɨn a gumazamiziba tuisɨghamin ingangarim isa Otarim ganɨngi. Gumazim Otarimɨn ziam fer puvatɨ, an Afeziar Otarim amadazimɨn ziam fer puvatɨ.