Matyu 15:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Ezɨ Iesus kamaghɨn me ikaragha ghaze, “God Israelian akurvaghasavɨra na amada. Me sipsipba gumazir dar ganamiba puvatɨzɨ moghɨn iti.”

Godɨn Akar Aghuim; Akar Dɨkɨrɨzir Gavgavir Igiam

²⁴ Ezɨ Iesus kamaghɨn me ikara, “God Israelbar akurvaghasavɨra na amada. Me sipsipba gumazir dar ganamiba puvatɨzɨ moghɨn iti.”

Matyu 15:24 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 15:8

Kɨ ia mɨgei, Krais Judabar ingangarir gumazimɨn oto. An arazir kam kamaghɨn aka, God mɨkemezir akaba da bar guizbangɨra. Da kamakɨn, God en ovaviba ko amizir akar dɨkɨrɨziba, da guizbangɨra otivigham.

Aposel 13:46

Kamaghɨn amizɨ, Pol ko Barnabas atiatir puvatɨgha, akar bar gavgavimɨn me mɨgei, “Ia Judaba, ga faragha Godɨn akamɨn ia mɨkeme. Ezɨ ia akɨrim ragha akar kam gasara. Egha ghaze, e ikɨrɨmɨrir aghuir zurara itim inian kogham. Kamaghɨn amizɨ, ia oragh, ga uam akar kamɨn ia mɨkɨman kogham. Ga Kantrin Igharazibar Gumazamizibav kɨmam.

Esekiel 34:23

“Kɨ uan ingangarir gumazim Devit, an ikɨzimɨn gumazitam amɨseveghtɨ, a sipsipbagh eghuvir gumazimɨn ikiam. Egh a deravɨra dar ganam.

Aisaia 53:6

Guizbangɨra, e bar moghɨra sipsipbar mɨn tintinibar arua, vaghvagha uan ifongiabar gɨn arui. Ezɨ Ikiavɨra Itir God, en arazir kuraba ikarvaghsɨ pazavɨram e damuan fɨrɨn, a kamaghɨn amizir puvatɨ. A uan ingangarir gumazim gamizɨ, a en danganim inizɨ, e iniamin mɨzaziba, an ada isa a ganɨngi.”

Matyu 9:36

A gumazamizir avɨrir dafamɨn garima, men nɨghnɨziba tintinibar itima, me osɨmtɨzibar aven arua, mati sipsipbar mɨn ami, me ghuaviba puvatɨgha asaghasazibar mɨn puram arui. Kamaghɨn amizɨ, a bar men apangkufi.

Esekiel 34:16

Eghtɨ nan sipsipɨn taba oveghtɨ, kɨ mangɨ da buri da bativ ua da inigh izam. Egh sipsipɨn tintinibar ghueziba, kɨ ua dar aku izam. Eghtɨ taba ikuvigh duaba ikɨtɨ, kɨ dar duaba akɨr da nogham. Eghtɨ taba arɨmariaba ikɨtɨ, kɨ da akɨrightɨ da ua ghuamaghegham. Egh sipsipɨn mɨkarziba sara itiba ko sipsipɨn gavgaviba, kɨ dagh asɨghasigham. Guizbangɨra, kɨ guizɨn arazim damu, egh sipsipbagh eghuv dar ganam.

Matyu 15:23

Ezɨ Iesus mɨgɨrɨgɨatamɨn a ikarazir puvatɨ. Ezɨ an suren gumaziba a bagha iza a mɨgɨa ghaze, “Amizir kam dɨaghdiagha en gɨn izi. Nɨ anemadaghtɨ a mangɨ.”