Matyu 12:34 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁴ Ia gumazir kuraba, ia kuruzir kurabar mɨn iti! Egh manmagh mɨgɨrɨgɨar aghuitam mɨkemegham? Puvatɨ. Ian navir averiabagh izɨvazir nɨghnɨzibar mara ian akatoribar otifi.

Godɨn Akar Aghuim; Akar Dɨkɨrɨzir Gavgavir Igiam

³⁴ Ia gumazir kuraba, ia kuruzir kurabar mɨn iti! Egh manmagh mɨgɨrɨgɨar aghuitam mɨkemegham? Puvatɨ. Ian navir averiabagh izɨvazir nɨghnɨziba dar amara ian akatoribar otifi.

Matyu 12:34 ပူးပေါင်းရင်းမြစ်များ

Luk Osirizir Akar Aghuim 6:45

Gumazimɨn navir averiamɨn ikezir biziba, an akatorim dav gei. Kamaghɨn amizɨ gumazir aghuim bizir aghuiba an navir averiamɨn ikegha otivaghiri. Ezɨ gumazir kuram bizir kuraba an navir averiamɨn ikegha otivaghiri.”

Matyu 15:18

Ezɨ bizir akatoribar otiviba da nɨghnɨzimɨn ikegha ize. Egha da gumazamizibagh amima, me Godɨn damazimɨn mɨze.

Efesus 4:29

Eghtɨ akar mɨzɨrɨzir kuraba ian akabar otivan markɨ. Ia gumazamizibar akurvaghamin akabara mɨkɨm. Akar aghuir igharaz darazi gavgavim me danɨngamibara, da ian akabar otiv. Egh akar ia mɨgeir kaba, da gumazamizir ia barazibar akurvagham.

1 Samuel 24:13

Nɨ aghuzir akar fomɨra itir kam gɨfo, ‘Gumazir kurabara, arazir kurabagh ami.’ Ezɨ kɨ gumazir kuram puvatɨ, kɨ arazir kuratamɨn nɨ gamizir puvatɨ. Bar puvatɨ.

1 Jon 3:10

Tina arazir aghuim gamir puvatɨ, a Godɨn borim puvatɨ. Egh tina Godɨn borir igharazibagh ifongezir puvatɨ, a uaghan Godɨn borim puvatɨ. Kamaghɨn e fo, te Godɨn boriba, ezɨ te Satanɨn boriba.

Matyu 12:35

Gumazir aghuim, an navir averiamɨn aven nɨghnɨzir aghuiba a gizɨfa, egha amara arazir aghuibagh ami. Gumazir kuram, an navir averiamɨn aven nɨghnɨzir kuraba a gizɨfa, egha a mara arazir kurabagh ami.

Jon Osirizir Akar Aghuim 8:44

Ia uan afeziam Satanɨn boriba. Egha ia uan afeziamɨn ifongiamɨn gɨn mangasa bar gavgafi. A fomɨra ikia gumazamizibav sozima me ariaghiri. Ezɨ guizbangɨn arazim an itir puvatɨ, kamaghɨn amizɨ, a guizbangɨn arazibar gɨn zuir puvatɨ. An akar ifavaribagh ami, kar an akamra. An akar ifavaribagh amir gumazim, egha guizbangɨra akar ifavaribar afeziam.

Aisaia 32:6

Guizbangɨra, gumazir arazir onganibagh amiba, me mɨgɨrɨgɨar onganibagh ami, egha me zurara bizir kurabar amuasa nɨghnɨsi. Me arazir Ikiavɨra Itir God aghuazibagh amuava, egha akar ifavarir avɨriba Ikiavɨra Itir God gasi. Egha me mɨtiriaba azir gumazamiziba, dagheba me ganɨdir puvatɨ. Egha kuariba pɨrir gumazamiziba, dɨpaba me ganɨdir puvatɨ.

Matyu 23:33

“Ia kuruziba! Ia dabɨrɨzir anababa! God uan kotɨn aven ian araziba tuisɨghɨva, ia isɨ helɨn avir ekiamɨn ia amangam! Ia man tuavitamɨn mangɨ, helɨn avim gitagham? Bar puvatɨgham!

Aisaia 59:14

E arazir kabagh amima, en arazir kam guizɨn nɨn arazim ko arazir aghuim gamima, aning en saghon iti, kamaghɨn amizɨ, nɨ en akuragha, uam e inizir puvatɨ. E arazir zuruzim ko guizɨn mɨgeir arazim ataghizɨ, aning en itir puvatɨ. Egha e uari akuvir dughiabar, arazir kamning uaghan itir puvatɨ.

Onger Akaba 64:3

Me mɨgeir mɨgɨrɨgɨaba bar ghumigha mɨdorozir sabamɨn mɨn nan mɨkarzim aghori. Men akar kuraba nan akuighav iti, mati gumazim igharazitav gasasava barir pim ana akuighav iti.

Matyu 3:7

Egha a garima, Farisiba ko Sadyusibar avɨrim, a gumazamiziba ruer danganimɨn izi. Ezɨ a kamaghɨn me mɨgei, “Ia kuruzir divir anababa, tina ia mɨkemezɨ, ia Godɨn anɨngagharir gɨn izamimɨn arɨ mangasa?

Luk Osirizir Akar Aghuim 3:7

Ezɨ Jon gumazamizir bɨzir ruasa a bagha izibav gei, “Ia kuruzir divir anababa! Tina ia mɨkemezɨ ia Godɨn anɨngagharir gɨn izamimɨn arɨ mangasa?

Aisaia 59:4

Ia deravɨra kotiabagh amir pu. Puvatɨ. Ia akar ifavaribagh amua, pura gumazir igharazibagh ekua kotiam bagha zui. Egha ia mɨgɨrɨgɨar ifavarir guar avɨribagh ami, eghtɨ me iararam oragh igharaz darazi dɨkabɨnam. Ian nɨghnɨziba ko naviba, arazir kurabar amuamin araziba dagh gizɨfa, ezɨ ia arazir kurar guar avɨribagh amima da otifi.

Onger Akaba 53:1

Gumazamizir onganiba uan navir averiabar aven nɨghnɨgha ghaze, “God itir puvatɨ.” Gumazamizir kaba me bar gumazamizir kurabara. Me bar moghɨra arazir aghuitam gamir puvatɨ.

Onger Akaba 64:5

Me gumaziba bagh azuazim aguaraghtɨ a men suighasa me uariv gei. Me arazir kurar kam damuasa nɨmɨra uarira uariv gɨa, gavgavim uari ganɨga ghaze, “Tina e gɨfogham?”

Aghuzir Akaba 4:23

Ezɨ nɨghnɨzir aghuir nɨn ikɨrɨmɨrim akakazim, a nɨn nɨghnɨzimɨn otifi. Kamaghɨn amizɨ nɨ zurara uan nɨghnɨzim deraghvɨram an gan.

Aghuzir Akaba 16:23

Gumazir nɨghnɨzir aghuim itim, a faragha deraghavɨra nɨghnigha, gɨn mɨgɨrɨgɨar aghuim gami. Ezɨ bizir kam gumazamizibagh amima me an mɨgɨrɨgɨaba baraghasa bar ifonge.

Aisaia 9:17

Gumazamizir kaba bar moghɨra God ategha arazir kurabagh ami. Me bar akar kurabav gei. Kamaghɨn amizɨ, Ekiam bar moghɨra me gasɨghasigham. A gumazir igiatam ateghtɨma a ikian kogham. Egh an amizir paba oveaghueziba ko borir ameboghfeziaba oveaghuezibar apangkuvighan kogham. Ekiam kamaghɨn damuam, eghtɨ bizir kam an anɨngagharim agɨvaghan kogham. Puvatɨ. A ivezir kuram isɨ me danɨngvɨra ikiam.

Efesus 5:4

Egh ia akar mɨzɨrɨziba ko akar onganiba ko asuir mɨgɨrɨgɨar kurabar amuan markɨ. Kar uaghan ia damuamin araziba puvatɨ. Arazir ia damuamimra kara, ia God mɨnabɨ.

Jems 3:2

Dughiar avɨribar e bizir vabara damuasa nɨghnɨgha, paza dagh ami. Bizir kaba bar e batifi. Eghtɨ gumazitam dughiatamɨn pazɨ mɨkemeghan kogh, a bar gumazir aghuimra, egh a uan mɨkarzim bar deravɨram a geghuv an gan.