Matyu 12:25 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁵ Ezɨ Iesus men nɨghnɨzibagh fogha egha kamaghɨn me mɨgei, “Kantrin tamɨn gumazamiziba uari tuiragh uarira uariv soghtɨ, men dabirabim ikuvigham. Eghtɨ dɨpenir vamɨran itir darazi o nguibar vamɨran itir darazi uari tuiragh uarira uariv soghtɨ, men dabirabim ikuvigham.

Godɨn Akar Aghuim; Akar Dɨkɨrɨzir Gavgavir Igiam

²⁵ Ezɨ Iesus men nɨghnɨzibagh fogha egha kamagh me mɨgei, “Kantrin tamɨn gumaziba uari tuiragh uarira uariv soghɨva, eghtɨ men dabirabim ikuvigham. Eghtɨ dɨpenir vamɨra itir darazi o nguibar vamɨra itir darazi uari tuiragh uarira uariv soghɨva, eghtɨ men dabirabim ikuvigham.

Matyu 12:25 ပူးပေါင်းရင်းမြစ်များ

Jeremaia 17:10

Kɨ Ikiavɨra Itir God, kɨrara, kɨ gumazamizibar navir averiaba ko men nɨghnɨziba aven men gari. Egha vaghvagha gumazamizibar araziba tuisɨgha, me amir arazaraziba bar da ikarvagha ivezim me ganɨdi.”

1 Korin 2:11

Tav gumazamizir igharazibar nɨghnɨzibagh foghan kogham. Puvatɨ. Gumazimɨn duar an aven itimra fo. Kamaghɨra, gumazitam o amizitam Godɨn nɨghnɨzim gɨfoghan kogham. Godɨn Duam, a uabɨra fo.

Matyu 9:4

Ezɨ Iesus men nɨghnɨzibagh fogha gɨvagha kamaghɨn me mɨgei, “Ia tizim bagha nɨghnɨzir kurar kaba uan navir averiabar dagh ami?

Aisaia 9:21

Manasen anabamɨn adarasi, Efraimɨn anabamɨn adarazi abɨnasa, ezɨ Efraimia Manaseba abɨnasa. Egha aning uaghan Judaba abɨnasa. Kamaghɨn amizɨ, Ekiam me ateghtɨ me uarira uarigh asɨghasɨgham, eghtɨ bizir kam an anɨngagharim agɨvaghan kogham. Puvatɨ. A tɨghar ivezir kuram isɨ me danɨngvɨra ikiam.

Akar Mogomem 16:19

Ezɨ Babilonɨn nguibar ekiam bɨaghiregha 3plan okoruabar otifi, ezɨ gumazamizibar nguibaba bar moghɨra ikufi. God Babilonɨn nguibar ekiamɨn arazir kuram gɨnɨghnɨgha, egha a gamizɨ a uan wainɨn kap bar aneme, kar Godɨn anɨngagharir arazimɨn wainɨn kap.

Hibru 4:13

Ezɨ bizir God ingariziba, tam Godɨn damazimɨn modoghan kogham. Bar puvatɨ. Ezɨ biziba bar kuiaghiregha Godɨn damazimɨn bar azenara ikiam. Eghtɨ Godra arazir e amiba tuisɨghtɨma e dar a geghanam.

Mak Osirizir Akar Aghuim 2:8

Me kamaghɨn nɨghnɨzima, Iesus zuamɨra uan navir averiamɨn men nɨghnɨzibagh fogha kamaghɨn me mɨgei, “Ia manmaghsua uan navir averiabar aven kamaghɨn nɨghnɨsi?

Onger Akaba 139:2

Nɨ nan saghon ikia nan nɨghnɨziba ko, kɨ amir biziba ko, kɨ apia dɨkavir araziba, nɨ bar dagh fo.

Akar Mogomem 2:23

Kɨ uaghan an boribav sueghtɨ me arɨmɨghiregham. Eghtɨ siosba bar kamaghɨn fogham, kɨ bar gumazibar naviba ko nɨghnɨzibagh fogha da tuisɨsi. Egh kɨ ia amir arazibar mɨrara ivezim isɨ vaghvagh ia danɨngam.

Jon Osirizir Akar Aghuim 21:17

Egha dughiar mɨkezimɨn uam an azara, “Saimon, Jonɨn otarim, nɨ ti na gifonge?” Ezɨ Pita Iesus baseme, a dughiar mɨkezim uam an azaragha ghaze, nɨ ti na gifonge? Ezɨ a kamaghɨn Iesus mɨgei, “Ekiam, nɨ bar bizibagh fo. Nɨ fo, kɨ nɨ gifonge.” Ezɨ Iesus kamaghɨn a mɨgei, “Nɨ nan gumazamiziba sipsipbar mɨn men akurvagh deraghvɨra men gan.

Amos 4:13

Ia oragh! Godɨn mɨghsɨabar ingarizim, an amɨnibagh amima, da otiva ivai. Egha a uan nɨghnɨziba isa gumazamizibar akakazima, me dagh fo. Anarɨra amɨnirbɨrim damightɨ an angazangarim otoghamin gavgavim iti. A mɨghsɨabagh isɨn arua nguazir kamɨn danganiba bar dagh ativagha dar gari. An ziam, Ikiavɨra Itir God, a Godɨn Gavgaviba Bar Itim.

1 Atriviba 16:21

Atrivim Simri aremezɨ, Israelian ikɨzim bigha, ikɨzir pumuningɨn oto. Israelian gumazamizir maba, Ginatɨn otarim Tipni amɨseveghtɨ, an atrivimɨn ikiasava ami, ezɨ igharaziba Omri baka.